11
Si Jisus adti syudad na J�rusalim
Ya pagpamasa kan Jisus na mad�g na utaw dun ni panaw nan pasinan ni J�rusalim
1 Na, malapit da silan adti syudad na J�rusalim. Sa pagpamapa la nilan adti manga kabalayan na B�tpag� aw B�taniya dun ni kilid na Buntud na Manga Olibo, pigsugu' ni Jisus ya duwa ya umagakan nan, 2 law nan, �Kadtu kamu ni kabalayan iyan i. Pagseled da mayu adti agiyanan na kabalayan, dun da kamu kita' sa nati na asnu na wala' pa sakayi na utaw. Ubadi mayu sa eket aw guyuda mayu adi. 3 Kun awun utaw musip kamayu, �Ananga' mayu yan ubadan?�, paglonga sakanan, �Awun katukanan na amu nami sa nati ini. Aw maksay nan uman uli' asini.� � 4 Aw nyanaw da ya duwa ya umagakan nan. Pagseled nilan adti agiyanan na kabalayan, dun da silan kita' sa nati na asnu na pig-eket adti dalan na malapit adti suwangan na balay. Aw talana nilan pig-ubad ya eket, 5 awun manga utaw dun ni dalan na nyusip kanilan, �Ananga' mayu ubadan ya nati yan?� 6 Aw tyumubag silan siling na pyamene' ni Jisus kanilan. Aw pigtumbay kanilan na manga utaw na dala?en nilan ya nati na asnu. 7 Pigguyud nilan adti kan Jisus aw pig-apidan na manga sa-ul nilan aw syakayan ni Jisus ya nati. 8 Aw talana nilan nyanaw, awun mad�g na utaw na nyuna kanan migpanladlad sa manga kayab nilan dun ni dalan kay yan ya palangad pagpamasa nilan kan Jisus. * Aw ya eped na manga utaw migpanladlad silan adti dalan sa manga sanga na manga kawuy na bagu dyumawun aw sagbet na pigpan-utud nilan adti magalet. 9 Ya manga utaw na nyuna kan Jisus aw ya nyakamoli kanan, alag silan migpansideyen na maglong, �Hosanna! Paluwa-en mu kami adun! * Deyen tadun ya pigpadala na Tyumanem na nyadi dun ni ngalan nan! 10 Deyen tadun ya pagdateng na hari' na un magdumala adti ingkudanan ni Dabid na tyugbulan tadun! Hosanna! Kay Tyumanem na awun ni tas na langit, paluwa-en mu kami adun!� 11 Pagdateng da nilan adti J�rusalim, syumeled si Jisus adti pamanag na T�mplo, aw pig-apas-apas nan pigtandawan ya kad�g na awun ni seled kay ambung da. Tigkas yan, lyumiku' si Jisus aw ya sampulu' tag duwa ya umagakan nan adti kabalayan na B�taniya.
Ya kawuy na igira na wala' ya bunga
12 Pagkamaselem yan, nyindeg silan adti B�taniya syuminan ni J�rusalim. Aw sa pagpanaw nilan, nyagetem si Jisus, aw 13 kyumita' adti mawatawat sa kawuy na igira na to-o dyumawun. Migpalapit si Jisus adti kawuy yan na un nan tanawun kun awun bunga aw ya wala'. Manang pagdateng nan adti kawuy, wala' ya kyinita' nan na bunga, olo' manga dawun, kay beke' pa na pagbunga nan. 14 Yanagaw pigtullun ni Jisus ya kawuy, law nan, �Lekat adun na allaw y�iy, dili' da kaw kakanan sa bunga.� Aw dyengeg na manga umagakan nan ya piglong nan.
Ya pag-alilin ni Jisus adti T�mplo sa manga mamaligya-ay aw maglaliwanay sa kuwalta
15 Pagdateng nilan adti J�rusalim, syumeled si Jisus adti dakula' na pamanag na T�mplo * aw pigpalekat nan ya pag-alilin sa manga utaw na nyampambaligya' aw nyampamayad. Pigtuwad nan ya manga lamisa na manga maglaliwanay sa kuwalta aw ya manga ingkudanan na manga magbabaligya-ay sa kalupati. 16 Aw wala' nan tumbayan ya manga utaw na lumakted dun magi aw dumala sa pangkay unu. 17 Katigkas yan, pigpalekat nan silan pigpalna-uwan, law nan, �Y�iy ya pigpasulat na Tyumanem asini muna, law nan, �Ya kanak balay pagngalanan na balay na panawagtawaganan na manga utaw lekat adti kad�g na banwa.� * �Manang pig-imo' mayu baling tagu-anan na manga mananakaw�.�* 18 Aw ya piglong ni Jisus dyengeg na manga mangkatas na manga kagun na magdadugsu-ay aw manga talaglawung sa Uldin na manga Judiyu. Aw nyangkallek silan kanan kay ya kad�g na utaw na migpakanyeg kanan nya-enneng-enneng aw to-o kyatutukan sa palna-u nan. Yanagaw pigbantakan nilan si Jisus. 19 Sa pagsiklep da, nyindeg si Jisus aw ya manga umagakan nan lekat adti syudad.*
Ya kasampetanen sa kawuy na igira
20 Pagkamaselem, piglabayan nilan ya kawuy na igira aw kyinita' nilan na nyalanes da ya kadakula' lekat adti dalid taman adti dawun nan. 21 Aw kya-anenganengan ni P�dro ya piglong ni Jisus, aw law nan, �Kay Magpalna-uway, tandawi pa agaw! Ya kawuy na igira na pigtullun mu kagabi, nyalanes da.� 22 Aw miglong si Jisus kanilan, �Salig kamu sa Tyumanem. 23 Matinaw saba ya un ku paglongun kamayu: Kun sumalig kamu aw dili' magduwaduwa na tumanen na Tyumanem ya kamayu pigsekat, mabatug mayu sugu-un ya buntud ini, long mayu, �Kay Buntud, pag-alin kaw adtu! Aw kawas kaw adti dagat!� Aw tumanen na Tyumanem ya pigsekat mu. 24 Yanagaw paglongun ta kamu: Pangkay unu ya sekaten mayu adti Tyumanem dun ni panawagtawag, kun mangintu-u kamu na dyawat da mayu, un nan atag ya syekat mayu. 25 Manang kun manawagtawag kamu adti Tyumanem aw awun utaw na pig-elledan mayu na ginawa, una mayu silan pasinsiyayi pada lanasen uman na Ama mayu adti tas na langit ya kamayu manga sala'.� 26 [Kun dili' mayu pasinsiya?an ya kanilan pig-imo' kamayu na malat, dili' uman lanasen na Ama mayu adti tas na langit ya kamayu manga sala'.]
Ya pagpa-ayil kan Jisus na manga mangkatas na Judiyu adti T�mplo
(Matiyo 21:23-37 aw Lukas 20:1-8)
27 Aw lyumiku' silan salut adti J�rusalim. Aw sagwa si Jisus migpanawpanaw adti pamanag na T�mplo, dyumulud kanan ya manga mangkatas na kagun na magdadugsu-ay aw ya manga talaglawung sa Uldin aw ya manga dakula' na utaw. 28 Aw nyusip silan kanan, law nilan, �Kan yan ngalan ya dyala mu kagabi na pig-alilinan mu ya manga utaw asini T�mplo aw pigpalna-uwan mu silan? Aw singan ka' ya mig-atag kanmu sa katundanan na maynan?� 29 Miglong si Jisus kanilan, law nan, �Tubagen ta kamu kun una mayu tubagen ya kanak usip: 30 Kan yan ngalan ya dyala ni Juan sa pagba?utismu nan sa manga utaw, ya ngalan na tin utaw aw ya ngalan na Tyumanem? Na, tubaga aku mayu!� 31 Aw yanagaw migsigumudgumud silan aw gayed nilan pigbilingbiling aw wan ya un nilan tubag, law na sambuk kanilan, �Wan ya un tadun tubag? Kun tubagen tadun na �dyala ni Juan ya ngalan na Tyumanem,� un sakanan maglong kanaten, �Ananga' wala' kamu pangintu-u kanan?� 32 Aw kun tubagen tadun �ngalan na utaw�, na-- unun tadun yan?� Aw nyallek silan sa manga utaw na migbantay kanilan dun ni T�mplo kay kya-ede-an na kad�g na utaw na si Juan saba ya propita na Tyumanem. 33 Yanagaw tyumubag silan kan Jisus, �Enday. Wala' nami ka-ede-i.� Aw miglong si Jisus kanilan, �Dili' ta kamu uman ubatan kun kan yan ngalan ya dyala ku na maka-imo' sa maynan.�