12
Ya pundinganan sa parasan
1 Aw migpalekat si Jisus mig-ubat-ubat sa pundinganan adti mangkatas na manga Judiyu, law nan, �Awun sambuk na eseg na migpatanem sa mad�g na balagen na paras adti lupa' nan, aw pigpalibedan nan ya parasan nan na alad na batu. Aw ya lupa' na awun pagang, piggawangan nan na imo-un betanganan sa bunga na paras na yan ya pagtagiyekan sa bunga. Aw migpatulluk sa matas na tunggu-anan na alag batu. Pagkatigkas yan, pigtaligu nan ya parasan nan adti eped na manga utaw na awun katadeng sa paras. Aw mig-alin sakanan adti mawat na banwa. 2 Pagdateng na allaw na pagpa-ipu' da sa bunga na paras, syugu' na tagtun ya sambuk na sugu-anen nan adti manga utaw na migtunggu' sa parasan kay kaliman nan kamangen ya kanan bagi' kay yan ya dadan nilan pigpakangan. * 3 Manang pagdateng na sugu-anen nan dun, pig-ugmunan baling nilan, aw byadasan nilan pyanumbag, aw pigpa-uli' nilan na wala' ya dyala nan.
4 �Aw pigsugu' da uman na tagtun salut ya sambuk na sugu-anen nan. Manang wala' nilan basabasayi, baling da nilan byadasan pyampamunalan. 5 Tigkas yan, pigsugu' pa nan uman ya sambuk na sugu-anen aw yan ya pigpatay da nilan. Aw maynan uman ya mad�g na dyumalug. Ya eped pyampakalat nilan aw ya eped pyampamatay.
6 �Na, awun dakman sambuk na wala' pa nan sugu-a. Yan ya ise' nan na eseg na to-o nan pigginawa?an. Miglong ya tagtun adti anenganeng nan, �Kun ise' ku ya madtu, un nilan y�iy basa?an.� Yanagaw pigsugu' nan ya kanan ise' adti manga magtatunggu-ay sa parasan. 7 Manang baling da nilan pigbantakan, law nilan, �Y�iy saba ya un makatagtun sa ayawanan na ama nan! Na! Kitadun da. Naten sakanan patayen, aw matagtun da tadun ya parasan.� 8 Yanagaw pig-ugmunan nilan ya ise' nan aw pigpatay nilan. Tigkas yan, pig-agbel nilan ya lawas nan adti luwa' na parasan. *
9 �Na, wan saba ya imo-un na tagtun sa parasan? Kadtuwan nan agaw ya manga magtatunggu-ay aw patayen nan aw taligu la nan adti manga eped ya parasan. 10 Kyabasa?an da mayu saba ya pigpasulat na Tyumanem asini muna! Law nan, �Ya dakula' na batu na iman na manga panday kun wala' ya guna, yan baling ya batu na kyatullukan da sa dakula' na balay. 11 Y�iy ya pig-imo' da na Tyumanem, aw kya-ede-an tadun na to-o madyaw ya kanan pig-imo'.��*
12 Pagdengeg da na manga mangkatas na magdadugsu-ay aw manga talaglawung aw manga dakula' na utaw na Judiyu sa pundinganan ni Jisus, kyelegan silan na tingeg kay kya-ede-an nilan na silan ya pigpundinganan nan. Aw kaliman nilan galu dakepen si Jisus manang nyallek silan sa manga utaw na migkatipun dun ni pamanag na T�mplo. Yanagaw pig-indegan da nilan si Jisus.
Ya pagbayad sa buwis adti kana C�sar
13 Manang wala' kadugay, pigsugu' na mangkatas na manga Judiyu adti kan Jisus ya eped na manga Parisiyo aw manga utaw na nyakasakup adti partido ni H�rod�s. Kay ya tud nilan kalitagan si Jisus dun ni tubag nan sa manga usip nilan pada awun kalimanda nilan kanan. 14 Pagdateng nilan adti kan Jisus, miglong silan kanan, �Kay Magpalna-uway, kya-ede-an nami na ya kad�g na piglong mu alag matinaw aw dili' kaw magka-agad-agad sa anenganeng na manga utaw, kay dili' kaw magkibang sa manga utaw. Aw gayed mu pigpalna-u ya matinaw kun unu ya pagkaliman na Tyumanem. Yanagaw, awun usip nami kanmu. Alimbawa', kun bayadan nami ya buwis adti kana Impirador sa kasakupan na Roma na si C�sar, unu, dun da nami kalakadi ya Uldin na manga Judiyu aw dili'? 15 Ayin ya madyaw, bayadan nami aw dili'?� Manang kya-ede-an ni Jisus ya kapandayan nilan kay olo' silan migtallalingu, yanagaw law nan kanilan, �Ananga' aku mayu kalaw tanda-en? Angayi aku mayu na kuwalta na palata pada tanawun ku.� 16 Aw nyangay silan sa kuwalta na palata aw pigtanaw ni Jisus, aw piglong nan kanilan, �Kan y�iy alung ya ini? Aw kan yan ngalan uman ya ini palata y�iy?� Tyubag nilan, �Kan C�sar.�* 17 Aw miglong si Jisus kanilan, �Na! Atagan mayu adti kan C�sar ya umba' sa kan C�sar aw atagan adti Tyumanem ya umba' sa kana Tyumanem.� Aw to-o silan nya-enneng-enneng sa katadeng nan tyumubag kanilan.
Ya usip na manga Sadusiyo kan Jisus sa pagkataw na utaw
18 Pagkatigkas yan, awun manga Sadusiyo na dyumulud kan Jisus dun ni pamanag na T�mplo. Na, ya manga utaw na Sadusiyo, iman nilan aw dili' mataw ya manga utaw lekat adti nyangkamatay. Aw nyusip silan kanan, law nilan, 19 �Kay Magpalna-uway, pig-atag kanaten ni Moysis asini muna ya sugu' y�iy dun ni Uldin tadun, law nan, �Kun awun eseg na nyatay, aw kun wala' pag-ise' ya ka?ubayan na nyabalu, pangugnanen na giniba nan pada ise-an nan galu sa magulang nan aw dili' malagak ya buwadbuwad nan.� * 20 Na, simpan kun awun pitu ya mangkaylug na eseg. Ya magulang na kad�g nilan nyangugnan sa ka?ubayan, manang wala' ya ise' nilan aw nyatay da baling ya eseg yan. 21 Yanagaw kyamang da na giniba nan ya balu yan, manang wala' uman silan pag-ise' aw uman da nyatay ya eseg yan. Aw maynan uman ya kyagamakan na katlu na kaylug nan. 22 Ya tag sambuksambuk na mangkaylug nyabus nyangugnan sa ka?ubayan na panggadan magulang nilan, aw pangkay pitu silan manang alag silan nyatay na wala' paka-ise'. Katigkas yan, nyatay da uman ya ka?ubayan. 23 Ya usip nami kanmu, pagdateng da na allaw na pagmataw sa manga utaw lekat adti nyangkamatay, singan ya tengteng eseg na ka?ubayan yan kay awun pitu ya eseg na nyangugnan kanan?�
24 Tyumubag si Jisus kanilan, �Tay kalaw! Y�iy saba ya du-an na nyangkasayep kamu, kay wala' mayu kalabeti ya pigpasulat na Tyumanem aw wala' mayu katagayi ya katulus nan. 25 Kay pagmataw sa manga utaw lekat adti nyangkamatay, dili' da silan magsipangugnan manang masiling da silan baling na manga anghil na awun ni tas na langit na dili' magsipangugnan. 26 Na, ya manga utaw na un panmatawun lekat adti nyangkamatay, unu, wala' pa mayu kabasa ya pigsulat ni Moysis sa tagbi' na kawuy na lyumaga aw ya piglong na Tyumanem kan Moysis asini muna na miglong, �Aku saba ya Tyumanem ni Abraham aw ya Tyumanem ni Isa-ak, aw ya Tyumanem ni Jakub�? * 27 Alag kamu sayep, kay ya Tyumanem, yan saba ya Tyumanem na manga tyugbulan tadun aw ya kad�g na manga utaw na tyumagtun sa ginawa na wala' ya tyamanan. Yanagaw, pangkay nyatay da silan manang mataw pa silan adti kamoliyan na allaw.�
Ya sugu' na to-o matas
28 Na, awun sambuk na talaglawung sa Uldin na manga Judiyu na migpalapit kanilan na un magpakanyeg sa balawbalaw nilan. Pagdengeg na utaw yan sa tubag ni Jisus na dakula' ya katadeng nan, dyumulud sakanan kan Jisus aw nyusip, law nan, �Unu ya to-o matas na sugu' na Tyumanem?� 29 Tyumubag si Jisus kanan, law nan, �Y�iy ya sugu' na to-o matas: �Kamu na manga utaw na Isra-�l, dayaw mayu pakanyegi! Ya Tyumanem * tadun sambuk da. 30 Ginawa?an mu ya kanaten Tyumanem sa kadakula' na pagka-utaw mu: sa kadakula' na pagpangintu-u mu, aw kadakula' na ginawa mu, aw kadakula' na anenganeng mu, aw kadakula' na kabagseg mu�.* 31 Aw y�iy ya kadwa na sugu' na to-o matas, �Ginawayi ya eped mu na utaw siling na kanmu pagka-utawun�. * Wala' da ya eped na sugu' na matas pa sa duwa y�iy.� 32 Miglong pa uman ya utaw yan adti kan Jisus, �Kay Magpalna-uway, matinaw saba ya tubag mu kay law mu, �Ya Tyumanem sambuk da, aw wala' ya eped.� 33 Aw �madyaw kun pagginawa?an ta ya kanaten Tyumanem sa kadakula' na pagpangintu-u ta, aw kadakula' na anenganeng ta, aw kadakula' na kabagseg ta�, aw �ginawa?an ya eped ta na utaw siling na kanaten pagka-utawun�. Aw ya pagtuman sa duwa ya sugu' y�iy, to-o pa matas kay sa kad�g na manga pagdugsu' adti Tyumanem.�* 34 Pagdengeg ni Jisus na matinaw ya tubag nan, miglong sakanan, �Kay L�w, malapit da kaw maka-akup adti kasakupan na Tyumanem.� Lekat dun, wala' da ya utaw na nyaka-eles nyusip kan Jisus.
Singan ya Kristu?
35 Sagwa si Jisus migpalna-u dun ni pamanag na T�mplo, miglong sakanan adti manga utaw na migpakanyeg, law nan, �Ya manga talaglawung na manga Judiyu, ananga' gayed silan maglong na ya Kristu, yan ya buwadbuwad ni Dabid? 36 Kay si Dabid saba ya piggagad na Ispiritu na Tyumanem asini muna dun ni piglong nan, law ni Dabid:
�Miglong ya Tyumanem * adti kanaken pangulu:
�Ingkud kaw adti kalintu ku taman na mabus ku degen ya manga po-on mu
aw imo-un ku silan gina-anan na siki ku.��*
37 Na, dun da si Dabid paglong na ya Kristu yan ya kanan pangulu, yanagaw ya Kristu beke' olo' na buwadbuwad ni Dabid manang to-o pa matas ya pagkahari' nan kay sa pagkahari' ni Dabid.� Aw ya piglong ni Jisus pigpakanyegan na mad�g na manga utaw na migkatipun adti pamanag na T�mplo, aw to-o silan kyatutukan sa palna-u nan.
Ya malat na bet na manga talaglawung sa Uldin na manga Judiyu
38 Aw dun ni palna-u nan, miglong pa uman si Jisus, �Pakatadeng kamu sa manga talaglawung sa Uldin na manga Judiyu. Magkalim silan sumut sa madyaw na kad�gkad�g na malawig ya pangaway kay yan ya pangilala na matas pa silan kay sa manga eped na utaw. Aw magleya silan kun pagbasabasa?an silan na manga utaw adti manga tabu-an aw pal�ngk�. 39 Aw kaliman nilan ya mingkud adti mangkatas na ingkudanan dun ni manga sinagoga aw manga dakula' na pista. 40 Manang piggawayan nilan ya manga balu pada agawun ya kanilan lupa' aw balay aw ka-unan. Migpakita-kita' silan adti asdangan na manga utaw sa pagpanawagtawag nilan na madugay. Manang silan ya un dumawat sa mabegat na pa-emel-emel na Tyumanem adti kamoliyan na allaw.�
Ya pag-atag na balu adti Tyumanem
41 Talana ni Jisus nyingkud adti pamanag na T�mplo dun ni timbang na uluganan sa kuwalta, pigsilib nan ya manga utaw na mig-ulug sa kuwalta na yan ya pig-atag nilan adti Tyumanem. Kyinita' nan ya mad�g na utaw na kuwaltahan na mig-ulug silan sa dakula' na kuwalta. 42 Menda-menda' dyumateng ya sambuk ya ka?ubayan na balu na to-o makalalat, aw mig-ulug sa duwa ya tin sinsiliyo na tabaga na tagbi' to-o ya alaga'. 43 Aw pigtawag ni Jisus adti sayid nan ya manga umagakan nan, law nan, �Matinaw saba ya paglongun ku kamayu: Ya balu iyan pangkay wala' ya un nan kakamangan, manang dakula' pa ya kanan pig-atag kay sa kad�g na utaw na mig-atag sa dakula' na kuwalta. 44 Kay ya pig-atag nilan, sawaw da sa kabatug nilan, manang ya ka?ubayan yan, pangkay to-o dakula' ya kapelek nan, pig-ubus da nan pig-atag ya kadakula' na awun ni kanan.�