13
Ya pagpa-ede' ni Jisus na un kalaten ya T�mplo
1 Na, sa pagluwa' da ni Jisus lekat adti pamanag na T�mplo, miglong kanan ya sambuk na umagakan nan, �Kay Magpalna-uway, tandawi ya mangkabakla' na manga batu iyan na pig-imo' inalad na T�mplo! * Tay, sa pangkabakla' na manga balay iyan ni seled!� 2 Aw miglong si Jisus, �Kay L�w, ya dakula' na manga balay iyan, dumateng pa ya allaw na mabus silan magkalat. Wala' ya sambuk na batu na nyakalantu adti eped na dili' mabus mangka-agba'.�
Ya pagpa-ede' ni Jisus sa un dumateng
3 Wala' kadugay, nyingkud si Jisus adti Buntud na Manga Olibo dun ni dipag na T�mplo. Aw dyumulud kanan si P�dro, aw si Santiago, aw si Juan aw si Andr�s, aw piglongan nilan si Jisus, 4 �Ubati beg kami kun kinunu katuman ya kad�g na piglong mu kakayna. Wan ya pangilala na malapit da ya allaw yan?� 5 Aw tyumubag si Jisus, �Magpakatadeng kamu pagaw pasuwayen kamu na eped na utaw adti palna-u na galu'. 6 Kay awun mad�g na utaw na un dumateng na dumala sa ngalan ku aw long nilan, �Aku saba ya Kristu�, aw mad�g ya gawayan nilan. 7 Aw makadengeg kamu sa manga dakula' na tanam na malapit kamayu aw sa manga ubat-ubat sa dakula' na tanam adti eped na manga banwa, manang dili' kamu magkallek. Ya kad�g y�iy un ma-imo' manang beke' pa nan ya kamoliyan na allaw. 8 Kay ya sambuk na nasud magpanugbuk sa eped na nasud, aw ya sambuk na kasakupan matu sa eped na kasakupan. Awun manga linug adti mad�g na banwa aw dumateng ya dakula' na bayil aw getem. Aw olo' pa yan ya pagpalekat sa kad�g na un dumateng, siling na ka?ubayan na bagu pyetesan.*
9 �Manang kamu, magpakatadeng kamu! Kay awun manga utaw na gayed kamayu magpandakep aw mag-imo' sa limanda, aw badasan kamu nilan sumbagen dun ni seled na sinagoga nilan. Asuntu sa pagpangintu-u mayu kanak, legesen kamu nilan pa-indegen adti asdangan na manga gubilnadul aw manga hari', aw dun da kamu pakaselat maglong kanilan sa Madyaw na Ubat-ubat kanak. 10 Aw sa dili' pa dumateng ya katigkasan, una pa-ede' adti kad�g na manga nasud ya Madyaw na Ubat-ubat. 11 Yanagaw ila' aw pandakepen kamu aw pan-usipen kamu na mag-usayay, dili' magkakamang ya ginawa mayu sa un mayu tubag, kay ya Ispiritu na Tyumanem ya magpalna-u kamayu kun unu ya matinaw mayu tubag aw yan ya paglongun mayu.
12 �Dun ni manga allaw yan, awun mangkaylug na mag-atag sa kanan kaylug na un patayen. Aw maynan uman, awun ama na mag-atag sa ise' nan adti pagpapatay. Aw awun ise' na matu sa ama nan aw ina nan aw mag-atag kanilan dun ni pagpapatay. 13 Yanagaw ya mad�g na utaw, un kamu nilan kalatan na ginawa asuntu na mig-iyeped kamu kanak. Manang kun singalan ya magpadeleg dun ni pagpangintu-u nan taman na matigkas ya pamulayam y�iy, yan ya utaw na makatagtun sa ginawa na wala' ya katamanan.
14 �Na, dun ni manga allaw yan, un dumateng adti seled na T�mplo ya sambuk na to-o malipa' dun ni asdangan na Tyumanem, aw mindeg sakanan dun ni seled na yan ya magtampeyes sa Tyumanem. (Ya utaw na magbasa s�iy, kalabetan nan galu ya kakawasan.) * Ila' aw kita-en mayu ya maynan adti T�mplo, kamu na nyeya' dun ni Judiya, maksay kamu palaguy pasinan adti manga buntud. 15 Kun awun utaw adti atep na balay nan, dili' da sakanan sumeled na un nan kamangen ya pangkay unu, manang madyaw pa baling maksay malaguy adti buntud. 16 Aw kun awun utaw na magtalabahu adti pawa' nan, dili' da sakanan mag-uli' na un mangay sa kad�gkad�g nan. 17 Makalalat beg ya manga ka?ubayan na mabdes aw ya manga kalmukan dun ni manga allaw yan, kay malug to-o kanilan ya pagpalaguy. 18 Manang magsekat kamu adti Tyumanem na dili' galu ma-imo' ya maynini sa bulan na awun simag aw malat ya lupa'. 19 Dun ni manga allaw yan, to-o malat ya kagamakan na manga utaw, aw wala' pa na utaw lemena asini tas na lupa' ya maynan lekat adti pag-imo' na Tyumanem sa kadakula' na banwa taman adun. Manang pagkatigkas da yan, dili' da masalut. 20 Aw kun wala' pa na Tyumanem uwa-i ya manga allaw yan, wala' ya utaw na un mataw asini tas na lupa'. Manang asuntu sa manga utaw na pigpamalli' nan, pig-uwa-an nan ya manga allaw yan.
21 �Aw dun ni allaw yan, kun awun utaw na maglong kamayu, �Tanawa! Ini la ya Kristu!� aw maglong ya sambuk, �Awun da kunu ya Kristu!� dili' kamu magpangintu-u sa paglongun nan, 22 kay awun manga utaw na galu-un na un dumateng aw silan kunu ya Kristu aw propita. Magpakita' silan sa pangilala na gawayan galu nilan ya manga utaw magi sa kapandayan nilan, aw pangkay ya manga utaw na pigpamalli' da na Tyumanem pabelengbelengen nilan kun mabatug. 23 Yanagaw magpakatadeng kamu! Pig-ubatan da ta kamu dadan sa kadakula' y�iy pada ka-ede-an da mayu.
24 �Manang dun ni manga allaw yan, pagkatigkas da na dakula' na kalugan, ya sega magkangitngit aw ya bulan dili' da minag. 25 Ya manga bitun mangkataktak lekat adti langit aw ya kadakula' na banwa mangkatangkeg. * 26 Aw katigkas yan, aku na Ise' na Utaw magpakita' na un dumateng dun ni seled na labun, aw kita?en na manga utaw ya to-o dakula' na katulus ku aw ka-ilawan aku na kalalamdag na pagka Tyumanem ku. 27 Aw sugu-un ku ya manga anghil aw madtu silan ni silatan aw adti sallepan aw adti manga balabagan na kadakula' na banwa, aw un nilan angayen aw pantipunun ya manga utaw na pigpamalli' da ku dadan.
28 �Na, anenganenga mayu ya pundinganan sa kawuy na igira: Kun ya sanga nan mamalungpung aw dumawun da, ka-ede-an mayu na agpet da ya manga bulan na awun sega. 29 Aw maynan uman, kun kita-en mayu na matuman da ya kad�g na piglong ku kamayu, ka-ede-an mayu na agpet da ya pagliku' ku. 30 Aw matinaw saba ya paglongun ku kamayu: Ya manga utaw asini tas na lupa' adun na allaw, dili' pa silan mabus matay menda' na matuman da ya kad�g na piglong ku y�iy. 31 Ya langit aw kadakula' na banwa un malanas, manang ya tingeg ku dili' saba malanas.
32 �Na, ya allaw aw ya udas na pagliku' ku wala' ya utaw na nyaka-ede', aw pangkay ya manga anghil na awun ni tas na langit, aw pangkay aku na Ise' na Utaw. Yan olo' ya nyaka-ede' ya Ama ku na awun ni tas na langit. 33 Yanagaw magpakatadeng kamu! Pagpulaw kamu aw dayaw pagtagilan! Kay wala' mayu ka-ede-i kun kinunu ya pagliku' ku. 34 Kasiling na eseg na un manaw adti mawat na banwa, pigtaligu nan ya kanan balay adti manga sugu-anen nan. Pigpamene-an nan ya tag sambuksambuk kanilan na wan ya un nan imo-un. Aw pigsugu' nan ya magtatunggu-ay sa tatakep na gayed sakanan magpakatanaw. 35 Maynan uman kamu, gayed kamu magpakatanaw kay wala' mayu ka-ede-i kun kinunu ya pag-uli' na tagtun sa balay, pangkay ambung da, aw pangkay tenga' na gabi, aw pangkay kun tumaga-uk da ya manuk aw pangkay paka?allawunun da, 36 pagaw maksay dumateng ya tagtun aw kasaban kamu nan na nyampakatulug. 37 Yanagaw y�iy ya sugu' ku kamayu aw sugu' ku adti kad�g na utaw, long ku, �Gayed kamu magpakatanaw.� �