Markos 14

Ya pagbantak na manga mangkatas na Judiyu kan Jisus

¹ Na, dakman duwanggabi taman na Pista na Paglabay na Tyumanem aw ya Pista na Pan na Wala' Patulina. Ya manga mangkatas na magdadugsu-ay aw manga talaglawung sa Uldin na manga Judiyu, gayed silan mig-anenganeng kun unun nilan ya pagdakep kan Jisus na tagu-tagu', kay kaliman nilan patayen sakanan. ² Manang miglong silan, �Dili' tadun padengan sa Pista ya pagdakep kanan pagaw mag-ikega' ya manga utaw.�

Ya pag-asag na ka?ubayan sa lana adti ulu ni Jisus

³ Talana nilan nyamantak, si Jisus aw ya manga umagakan nan lyumaba' adti balay ni Simon adti kabalayan na B�taniya. Na, si Simon yan ya awun ibung asini muna. Sagwa si Jisus kyuman, dyumulud kanan ya sambuk na ka?ubayan na dyumala sa sabuy na pig-imo' lekat adti batu na alabastro, aw adti seled awun lana na to-o manimbo' na pigngalanan na nardo. Aw dakula' to-o ya alaga' na lana yan kay wala' ya nyakadali'. Aw pigleped nan ya liyeg na sabuy aw pig-asag nan ya lana adti ulu ni Jisus. ⁴ Manang ya manga utaw dun, sa pagkita' nilan sa pig-imo' na ka?ubayan yan, to-o nyangkadaman ya eped kanilan aw miggumudgumud silan, law nilan, �Syapadan ya lana iyan! ⁵ Madyaw pa baling kun piggalin nan aw ya dakula' na kuwalta atag adti manga utaw na wala' ya pagkamangan.� Aw to-o nilan pigsala' ya ka?ubayan yan. ⁶ Manang miglong si Jisus kanilan, �Pabaya-i mayu ya ka?ubayan y�iy. Ananga' mayu sala-en? Madyaw saba ya pig-imo' nan kanak. ⁷ Ya manga utaw na wala' ya pagkamangan, pangkay kinunu mayu silan tabangi, kenne' nilan asini sayid mayu. Manang aku, dili' da madugay ya pag-eya' ku asini sayid mayu. ⁸ Ya pig-imo' na ka?ubayan ini, yan ya kanan mabatug palangad pagpamasa nan kanak. Aw dun ni pag-asag nan sa lana adti lawas ku, pigtagilan da nan dadan ya kanak lawas na un lebeng. ⁹ Aw matinaw saba ya piglong ku kamayu: Pangkay ayin pa-ede' ya Madyaw na Ubat-ubat adti kadakula' na banwa, ubat-ubat uman ya pig-imo' nan pada dili' sakanan kalingawan.�

Ya pakang ni Judas na tumbay si Jisus adti manga po-on nan

¹⁰ Pagkatigkas yan, si Judas Iskariyoti na eped na sampulu' tag duwa ya umagakan ni Jisus, nyadtu ni manga mangkatas na magdadugsu-ay pada mag-imo' sa pakang kun unun nan ya pagtumbay na padakep nilan si Jisus. ¹¹ Pagdengeg nilan sa tud nan, migleya to-o silan, aw pigpakangan nilan si Judas na kun matuman nan ya piglong nan, atagan nilan sakanan na kuwalta. Yanagaw tyumagad si Judas na makaselat magtumbay kan Jisus adti kanilan.

Ya pagkan ni Jisus sa iyambungay eped na manga umagakan nan

¹² Na, dyumateng da ya tagna' na allaw na Pista na Pan na Wala' Patulina. Yan ya allaw na pagtumba na manga Judiyu sa ise' na karniro na un nilan kanen dun ni iyambungay na Pista na Paglabay na Tyumanem. Nyusip kan Jisus ya manga umagakan nan, law nilan, �Ayin mu kami pakadtuwa pada magtagilan kami kanmu sa iyambungay na Pista na Paglabay na Tyumanem?� ¹³ Yanagaw pigsugu' ni Jisus ya duwa ya umagakan nan, law nan, �Kadtu kamu ni J�rusalim. Sungunun kamu na sambuk na eseg na dyumala sa sibulan na syeledan na tubig. Agad kamu kanan ¹⁴ adti balay nan. Paglonga mayu ya tagtun sa balay, �Nyusip ya Magpalna-uway nami kun ayin kunu ya tambi' na un nan kanan sa iyambungay na Pista na Paglabay na Tyumanem eped na manga umagakan nan?� ¹⁵ Aw pakita' nan kamayu ya dakula' na gibalayan adti kadwang kansad na balay na dadan da nilan pigtagilan. Aw adtu la kamu pag-imo' sa makan tadun.� ¹⁶ Yanagaw nyanaw ya duwa ya umagakan ni Jisus adti syudad. Aw pagdateng nilan dun, kyinita' da nilan ya kad�g na piglong ni Jisus kanilan. Aw katigkas yan, pig-imo' nilan adti seled na dakula' na gibalayan ya iyambungay na Pista na Paglabay na Tyumanem.

¹⁷ Pagkagabi la, dyumateng si Jisus aw ya sampulu' tag duwa ya umagakan nan. ¹⁸ Aw sagwa silan kyuman, miglong si Jisus kanilan, �Matinaw saba ya paglongun ku: Awun sambuk kamayu na talobo syumalu kanak na un magtumbay kanak adti manga po-on tadun.� ¹⁹ Pagdengeg na manga umagakan nan sa piglong nan, migkalat to-o ya ginawa nilan. Aw migsayusayu silan nyusip kanan, �Unu, beke' ku?� ²⁰ Aw tyumubag si Jisus kanilan, �Kamu na sampulu' tag duwa na syumalu kanak tyumugmuk sa pan asini lipung ini, sambuk kamayu ya un magtumbay kanak adti manga po-on tadun. ²¹ Aku na Ise' na Utaw un saba matay kay yan ya dadan pigpalpa na Tyumanem aw pigpasulat nan asini muna. Manang ya utaw na magtumbay sa Ise' na Utaw adti po-on nan, makalalat beg ya utaw yan. Madyaw pa kanan ya wala' ka?utaw asini tas na lupa'.�

²² Talana nilan kyuman, pigkamang ni Jisus ya pan aw pigpasalamatan nan ya Tyumanem. Tigkas yan, pigtenga-tenga' nan ya pan aw pig-atped-atped nan adti umagakan nan aw law nan, �Dawata mayu. Y�iy ya kanak lawas.� ²³ Aw pigkamang nan uman ya tabu' na syeledan sa bino aw pigpasalamatan nan ya Tyumanem. Tigkas yan, pigdimil nan kanilan ya tabu', aw ya tag sambuksambuk kanilan nyinem. ²⁴ Aw miglong si Jisus kanilan, �Y�iy ya kanak dugu' na magpa-iganget sa pakang na Tyumanem sa manga utaw. Aw pa-iligen ya dugu' ku sa kadyawan na mad�g na utaw. ²⁵ Matinaw saba ya piglong ku kamayu: Dili' da ku salutun ya minem sa bino na paras taman na allaw na mabagu la aku aw adtu la aku inem dun ni allaw na maghari' aku adti kasakupan na Tyumanem.� ²⁶ Katigkas ni Jisus maglong, migkanta silan sa manga salmo, aw katigkas yan, nyindeg silan lekat adti J�rusalim aw tyumukud sa Buntud na Manga Olibo dun ni dipag na syudad.

Ya pagpa-ede' ni Jisus na un mampamalaguy ya manga umagakan nan

²⁷ Dun ni buntud, miglong si Jisus kanilan, �Un kamu magsipalaguy kagaya aw maksay aku mayu ayawan. Siling na pigpasulat dadan na Tyumanem:

�Patayen ku ya magdadiyaga?ay

aw magsabug ya manga karniro nan.�

²⁸ Manang mataw aku lekat adti nyangkamatay. Aw muna aku kamayu adti Galiliya aw magkita' kitadun dun.� ²⁹ Manang miglong si P�dro kanan, �Pangkay mabus silan magsipalaguy, manang aku, dili' ta kaw ayawan!� ³⁰ Aw miglong si Jisus kanan, �Kay L�w, matinaw saba ya un ku paglongun kanmu: Kagaya na gabi, sa dili' pa tumaga-uk ya manuk na makadwa, balyaw da aku mu na makatlu.� ³¹ Manang gyumelgel si P�dro miglong, law nan, �Beke' yan! Pangkay kun maka-agad aku kanmu matay, manang dili' ta kaw balyaw.� Aw maynan uman ya piglong na kad�g na eped nan.

Ya pagpanawagtawag ni Jisus dun ni G�ts�mani

³² Na, dyumateng si Jisus aw ya manga umagakan nan adti tanemanan na pigngalanan na G�ts�mani. Aw miglong si Jisus kanilan, �Ingkud da kamu asini talana aku manawagtawag adti Tyumanem.� ³³ Manang pigtawag nan si P�dro, aw si Santiago, aw si Juan, aw nyagad silan kanan. Aw migpalekat ya malat na pigbati' nan aw migkabegat to-o ya ginawa nan. ³⁴ Aw miglong kanilan, �To-o kanak nyakalulan yangadi ya kakalatan na ginawa. Aw un da aku sangadi matay. Pagtagad kamu asini aw pagpulaw kamu!�

³⁵ Aw nyanaw pa si Jisus na dili' mawat kanilan. Aw tigkas yan, lyumebleb sakanan adti lupa' aw nyanginayu' adti Tyumanem na kun mabatug, dili' galu dumateng adti kanan ya pamulayam, ³⁶ law ni Jisus, �We Ama! Kay Ama ku, mabatug mu saba ya pangkay unu. Kun kaliman mu, kamanga beg kanak ya tabu' ini na pigtigisan mu kanak. Manang beke' na kanak pagkaliman ya matuman. Kanmu pagbaya' ya matuman.�

³⁷ Pagliku' ni Jisus adti tulu ya umagakan nan, kyinita' nan na nyampakatulug da silan. Yanagaw pigsagda nan si P�dro, �We Simon, ananga' kaw makatulug? Unu, dili' mu mabatug ya magpulaw pangkay olo' tin sang ka udas? ³⁸ Pagpulaw kamu aw panawagtawag kamu na dili' mayu ka-ayawan ya pagpangintu-u mayu kanak. Dun ni anenganeng na utaw kaliman nan matu sa pagtanda' kanan, manang dyeg baling na kalumay na lawas nan.� ³⁹ Aw nyindeg si Jisus lekat adti kanilan aw pigsalut nan ya pagpanawagtawag nan adti Ama nan.

⁴⁰ Uman da uman lyumiku' salut adti kanilan, aw kyinita' nan na uman da silan nyampakatulug. Wala' nilan kabatug ya magpulaw kay to-o silan pigtudtud. Aw wala' nilan ka-ede-i kun unu ya un nilan paglongun kanan. ⁴¹ Aw katlu ni Jisus lyumiku' adti kanilan, pigsagda nan silan, law nan, �Unu, kenne' pa mayu nyakatulug? Basi yan olo' ya tud mayu ya maglagdeng adi. Umba' da yan! Dyumateng da ya udas na tumbay ya Ise' na Utaw adti manga makasasala'. ⁴² Pagbangun kamu! Kitadun da! Tengtengi, iyan da ya utaw na un magtumbay kanak adti kanilan.�

Ya pagdakep kan Jisus

⁴³ Sa kenne' pa ni Jisus miglong, dyumateng si Judas. Na, yan ya eped na sampulu' tag duwa ya umagakan ni Jisus. Aw migpa-agad si Judas sa mad�g na utaw na migsidala sa kampilan aw babunal, kay pigsugu' silan na manga mangkatas na magdadugsu-ay aw manga talaglawung sa Uldin aw manga mangkatas na manga Judiyu. ⁴⁴ Na, dadan da silan ni Judas pigpa-ede' sa pangilala kun unun nan ya pagtulli' kan Jisus, law nan, �Ya sambuk na alekan ku, yan ya utaw na dakepa. Dala?a mayu aw dayaw mayu tunggu-i.� ⁴⁵ Yanagaw pagdateng nilan dun, dyumulud si Judas adti kan Jisus aw miglong, �Kay Magpalna-uway!� Aw pig-alekan nan si Jisus. ⁴⁶ Aw tigkan na manga eped nan pig-ugmunan si Jisus aw pigdakep nilan.

⁴⁷ Aw ya sambuk na umagakan ni Jisus na malapit dun tyumagnus sa kampilan nan, aw tigkan nan pigtibas ya sugu-anen na pangulu na manga magdadugsu-ay, aw nya-ilap ya talinga nan. ⁴⁸ Aw tigkas yan, miglong si Jisus adti manga utaw na migdakep kanan, law nan, �Ananga' kamu dumala sa manga kampilan aw babunal? Iman mu aw migdakep kamu sa ribildi! ⁴⁹ Kada allaw awun aku ni T�mplo migpalna-u, aw wala' aku mayu dakepa. Manang y�iy alag ya pigpasulat dadan na Tyumanem.� ⁵⁰ Aw ya manga umagakan ni Jisus, nyabus silan migsipalaguy aw inayawan nilan si Jisus dun.

⁵¹ Awun sambuk na bata' na dyumalug adti moli ni Jisus, aw olo' migkulimot sa dagmay. Pigdakep galu uman nilan, ⁵² manang nyatagak ya dagmay nan aw nyakapalaguy sakanan na wala' ya kad�gkad�g.

Ya pag-ukum kan Jisus adti asdangan na manga mag-usayay

⁵³ Pagkatigkas yan, pigpa-agad nilan si Jisus adti asdangan na pangulu na manga magdadugsu-ay. Aw migpangkatipun dun ni balay nan ya kad�g na mangkatas na magdadugsu-ay, aw mangkatas na manga Judiyu, aw manga talaglawung sa Uldin. ⁵⁴ Talana nilan mig-usay adti seled na balay, dyumalug si P�dro kanilan adti mawatawat taman da olo' di pamanag na balay. Aw dun sakanan ingkud adti tampid na manga magtatunggu-ay sa balay aw nyanalang adti atulun. ⁵⁵ Na, adti seled na balay, ya manga mangkatas na magdadugsu-ay aw ya kadakula' na Sanh�drin, nyaninaw silan sa un nilan paglimanda kan Jisus, kay kaliman nilan patayen sakanan. Manang wala' ya kyinita' nilan. ⁵⁶ Pangkay awun mad�g na utaw na migmatinaw sa galu' adti kan Jisus, manang wala' pag-unawa ya ubat-ubat nilan.

⁵⁷ Awun manga eped na utaw na nyindeg adti asdangan na kad�g nilan aw migsidiklamu silan sa galu' adti kan Jisus, law nilan, ⁵⁸ �Dyengeg nami kunu ya utaw y�iy na miglong, �Kalaten ku ya T�mplo ini na pig-imo' na utaw, aw seled na tulungallaw, uman ku pa-indegen ya bagu na wala' imo-a na utaw.� � ⁵⁹ Pangkay mad�g ya pig-ubat nilan y�iy, manang kenne' na wala' pag-unawa ya tingeg nilan.

⁶⁰ Pagkatigkas yan, nyindeg ya pangulu na manga magdadugsu-ay adti asdangan na kad�g nilan, aw nyusip kan Jisus, �Unu, matinaw aw galu' ya diklamu nilan kanmu? Walan ya tubag mu?� ⁶¹ Manang wala' si Jisus tubag. Aw nyusip uman kanan ya pangulu, law nan, �Unu, ikaw ka' ya Kristu, ya Ise' na Tyumanem na to-o Pagdeyen?� ⁶² Aw tyumubag si Jisus, �E-e, Aku saba. Aw kita-en mayu aku na Ise' na Utaw na mingkud adti kalintu na Tyumanem na To-o Matulus. Aw kita-en aku mayu na madi na ka-agadan na manga labun na awun ni langit.� ⁶³ Pagdengeg na pangulu sa tubag ni Jisus, pigk�s�' nan ya sa-ul nan kay to-o nyadaman, aw miglong, �Unu ka', paninawun pa tadun ya eped na utaw na magdiklamu adti kanan? ⁶⁴ Dyengeg da mayu ya piglong nan. Migpa-unawa sakanan sa Tyumanem! Na, wan ya kamayu pagbaya'?� Yanagaw, migboto silan aw tyumande' ya kad�g nilan, law nilan, �Madyaw sakanan patayen!�

⁶⁵ Aw ya eped kanilan migpalekat mig-eleb-eleb kan Jisus. Aw pigtampeng nilan ya mata nan aw pigbadasan nilan na sumbag si Jisus, aw law nilan, �Na, tuka?a! Singalan ya migsumbag kanmu?� Aw pig-atag si Jisus adti manga magtatunggu-ay aw gayed nilan pigpanampal.

Ya pagbalyaw ni P�dro kan Jisus

⁶⁶ Na, kenne' ni P�dro adti dalem, dun ni pamanag na balay. Sagwa sakanan nyanalang adti atulun, dyumateng ya sambuk na ka?ubayan na sugu-anen na pangulu na manga magdadugsu-ay. ⁶⁷ Pagkita' nan kan P�dro na nyanalang, pig-inunu nan aw miglong, �Ikaw uman ya eped ni Jisus na taga Nasarit!� ⁶⁸ Manang migbalyaw si P�dro, law nan, �Wala' ku ka-ede-i ya piglong mu!� Aw pag-alin ni P�dro adti suwangan na pamanag, tyumaga-uk ya manuk minsan. ⁶⁹ Wala' kadugay, kyumita' uman kan P�dro ya ka?ubayan na sugu-anen, aw miglong adti manga utaw dun, �Ya eseg iyan, eped nilan saba!� ⁷⁰ Manang uman da si P�dro migbalyaw. Aw wala' kadugay, miglong ya manga utaw na nyindeg malapit adti kan P�dro, �Ikaw saba ya eped nilan, kay ya tingeg mu yan ya tingeg na utaw na taga Galiliya.� ⁷¹ Aw to-o nyadaman si P�dro aw migsapa', law nan, �Nyatay pa aku! Wala' ku kilala?a ya utaw yan na piglong mayu!� ⁷² Aw dyengeg nan ya kadwa na pagtaga-uk na manuk, aw dun da ni P�dro ka-anenganengi ya piglong ni Jisus kanan, �Sa dili' pa tumaga-uk ya manuk na makadwa, balyaw da aku mu makatlu.� Aw migkalat ya ginawa ni P�dro aw to-o sakanan migsugaw.