15
Si Jisus adti asdangan ni Pilato
1 Na, pagpakallawunun da, nyatigkas da ya pag-usay na manga mangkatas na magdadugsu-ay aw mangkatas na manga Judiyu aw manga talaglawung aw kadakula' na Sanh�drin, aw tyumande' da silan. Aw yanagaw pigpagapus da nilan si Jisus, aw dyala nilan, aw pig-atag nilan adti kan Pilato na yan ya gubilnadul adti probinsiya na Judiya. *
2 Pag-indeg ni Jisus dun ni asdangan nan, nyusip si Pilato kanan, law nan, �Walan ka', ikaw kadi' ya Hari' sa manga Judiyu?� Aw tyumubag si Jisus, law nan, �E-e, matinaw saba ya piglong mu.� 3 Na, pig-ubat da na manga mangkatas na magdadugsu-ay kan Pilato ya mad�g na diklamu kan Jisus. 4 Yanagaw nyusip pa si Pilato kanan, �Dyengeg da mu ya kad�g na pigpandiklamu nilan kanmu. Na, walan ya tubag mu kanilan?� 5 Manang wala' tubag si Jisus. Aw nyabelengbeleng to-o kanan si Pilato.
6 Na, awun sambuk na katanem ni Pilato, na kun dumateng ya Pista na Paglabay na Tyumanem, magpaluwa' sa sambuk na pigpakalabusu na pagsekaten na manga utaw na Judiyu. 7 Aw dun ni kalabusuwanan awun sambuk na utaw na pigngalanan na si Barabbas. Pigpakalabusu sakanan aw ya manga eped nan kay nyatu silan sa gubilnu na taga Roma, aw ya manga eped nan nyakamatay sa manga utaw.
8 Aw migpangkatipun ya mad�g na utaw dun ni pamanag na balay ni Pilato, kay ya tud nilan sekaten adti kanan ya kallat nan sa sambuk na utaw na pigkalabusu. 9 Aw nyusip si Pilato kanilan, law nan, �Unu, malim kamu paluwa-en ku kamayu ya Hari' sa manga Judiyu?� 10 Kay kya-ede-an ni Pilato na to-o nyinga' kan Jisus ya manga mangkatas na magdadugsu-ay aw yan ya du-an na pigtumbay nilan si Jisus adti kanan. 11 Manang pigdegdeg na manga mangkatas na magdadugsu-ay ya mad�g na manga utaw na yan baling ya sekaten nilan si Barabbas. 12 Miglong pa si Pilato kanilan, �Na, kun paluwa-en ku si Barabbas, unun ku ya utaw y�iy na pigngalanan mayu na Hari' sa manga Judiyu?� 13 Aw migpansitawag silan, �Kalabuwan sakanan adti krus!� 14 Aw nyusip pa si Pilato kanilan, �Ananga' yan? Walan ya sala' nan?� Manang to-o la baling silan gyumelgel migpansitawag, �Kalabuwan sakanan adti krus!� 15 Ya kaliman ni Pilato na magleya kanan ya manga utaw, yanagaw pigpaluwa' nan si Barabbas adti kanilan. Aw pigsugu' nan ya manga sundalu na taga Roma na badasan nilan na lalabet si Jisus, * aw pig-atag nan kanilan si Jisus na kalabuwan adti krus.
Ya pag-odoy-odoy kan Jisus na manga sundalu
16 Aw piggakgak si Jisus na manga sundalu adti pamanag na kota' nilan. Aw pigpatawag nilan ya mad�g to-o na sundalu na eped nilan. * 17 Pigpasut nilan si Jisus na malawig na sa-ul na vayolit ya batek siling na kad�gkad�g na hari'. Aw tigkas yan, migsalapid silan sa balagen na suksukun na palangad korona aw pigsangkub nilan adti ulu nan. 18 Aw pig-odoy-odoy nilan na sallong kunu syumaludu adti kanan, law nilan, �Kay Hari' sa manga Judiyu, madugay pa galu ya pag-eya' mu asini tas na lupa'!� 19 Pigbunalan nilan ya ulu nan na layi', aw pigpan-eleban nilan si Jisus. Aw lyumuhud silan adti asdangan nan, aw sallong kunu silan nyamasa kanan. 20 Pagkatigkas nilan sakanan odoy-odoyun, pigluwasan nilan sa sa-ul na vayolit ya batek aw pigpaliku' nilan pigpasut ya kanan sa-ul.
Ya pagkalabu kan Jisus adti krus
Katigkas yan, pigguyud nilan si Jisus adti luwa' na syudad na un nilan kalabuwan adti krus. 21 Sagwa silan nyanaw, pig-isungun nilan ya sambuk na eseg na bagu dyumateng adti syudad, aw pigleges sakanan na manga sundalu na papisan kanan ya krus. Ya ngalan na utaw yan, si Simon na taga syudad na Cir�n�. Na, si Simon yan ya ama ni Al�jandro aw si Rupo. * 22 Aw dyala nilan si Jisus adti banwa na pigngalanan na Golgota. Ya kakawasan na Golgota: Banwa na pesa' na ulu.
23 Pagdateng nilan dun, pigdimilan nilan galu si Jisus na bino na pigdali-an na mirra, kay babulung yan. Manang wala' nan dawata. 24 Aw tigkas yan, pigkalabuwan nilan sakanan adti krus. Aw mig-ublut-ublut ya manga sundalu pada ka-ede-an kun singan ya makatagtun sa tag sambuksambuk na kad�gkad�g nan.
25 Na, manga alas nuwibi na maselem ya pagkalabu nilan kan Jisus adti krus. 26 Adti tas na ulu ni Jisus, pigsulat dun ya limanda kanan na: �Y�iy ya Hari' sa manga Judiyu.� 27 Dun ni tampid nan pigkalabuwan uman adti manga krus ya duwa ya utaw na nyatu sa gubilnu, * sambuk adti kalintu nan aw sambuk adti kawala. 28 [Maynini nyatuman agaw ya pigpasulat na Tyumanem asini muna sa Kristu, law nan: �Nyaka-iyeped sakanan sa manga makasasala'.�]* 29 Aw ya manga utaw na nyangindalan, mig-odoy-odoy silan kan Jisus aw mig-eleng-eleng silan, aw law nilan, �E, kalaw! Ikaw ya miglong na kalaten mu ya T�mplo aw seled na tulungallaw pa-indegen mu uman ya bagu. 30 Na! panog kaw lekat adti krus aw paluwa-a ya pagka-utawun mu!� 31 Aw maynan uman, migpan-odoy-odoy kanan ya manga mangkatas na magdadugsu-ay aw ya manga talaglawung na manga Judiyu, law nilan, �Mabatug nan tabangan ya eped, manang dili' nan mabatug tabangan ya kanan pagka-utawun.� 32 Aw miglong silan kan Jisus, �Na, pakita?an kanami na ikaw ya Kristu aw ya hari' sa Isra-�l. Panog kaw dun ni krus, pada mangintu-u pa kami kanmu!� Aw mig-odoy-odoy uman kanan ya duwa ya mag-atuway adti krus nilan.
Ya pagkamatay ni Jisus
33 Pagka-alas dosi la, migkangitngit ya banwa taman na alas tr�s na ambung. 34 Pagka-alas tr�s, mig-ulangag si Jisus aw mableg to-o ya tingeg nan, law nan, ��loi, �loi, lama sabaktani?� Ya kakawasan na piglong nan: �We Tyumanem ku, we Tyumanem ku, ananga' aku mu ayawan?�*
35 Pagdengeg na manga utaw na migbantay, migsipaglong silan, �Pakanyegi mayu ya piglong nan! Migtawag sakanan kan �liyas.� 36 Aw sambuk kanilan maksay nyangay sa ispongha aw pig-elem nan ya ispongha adti suka' na bino. Aw pigbetang nan adti tuktuk na layi' aw pigsungit nan kan Jisus na un pasepsep kanan. Aw law nan, �Na, tagadan pa ta! Tanawun ta kun madi si �liyas aw mangay kanan lekat adti krus.� 37 Manang mig-ulangag to-o si Jisus aw nyabugtu' da ya ginawa nan. 38 Aw tigkan nyak�s�' ya dakula' na biday dun ni seled na balay na T�mplo lekat adti tas taman adti dalem. *
39 Na, nyindeg dun ni timbang na krus ya c�nturiyon na migdumala sa manga sundalu na taga Roma. Pagdengeg nan sa ulangag ni Jisus, aw pagkita' nan sa pagkamatay ni Jisus na maynan, nyakapaglong ya c�nturiyon, �Matinaw saba! Ya utaw ini, y�iy kadi' ya tengteng Ise' na Tyumanem!�
40 Awun uman manga ka?ubayan na migtandaw adti mawat dala si Maria Magdal�na, aw si Maria na ina ni Jos� aw ni Santiago na piggelal na Mangud, aw dala uman si Salom�. 41 Silan ya eped na manga umagakan ni Jisus na gayed mig-agad-agad kanan. Aw silan ya migsanggila' kanan talana na adtu pa silan ni Galiliya. Aw mad�g pa uman ya eped na manga ka?ubayan na nyagad kanan syuminan adti J�rusalim.
Ya paglebeng kan Jisus
42 Na, ya allaw yan, dispiras sa Allaw na Paglagdeng. Aw pagsiklep da, 43 si Jos� na taga lunsud na Arimatiya, pigtibagsegan nan ya ginawa nan madti kan Pilato, aw pigsekat nan ya lawas ni Jisus. Na, si Jos� pagbasa?an na manga eped nan dun ni Sanh�drin aw migtagad pa uman sa paghari' na Tyumanem. 44 Sa pagsekat ni Jos�, kyumega' si Pilato aw nyabelengbeleng, kay iman nan aw wala' pa kamatay si Jisus. Yanagaw pigtawag nan ya c�nturiyon na manga sundalu na taga Roma aw pig-usip nan kun utaw pa si Jisus aw nyatay da. 45 Pagdengeg ni Pilato sa tingeg na c�nturiyon, pigtumbay nan kan Jos� ya pagkamang sa lawas ni Jisus. 46 Tigkas yan, nyayad si Jos� sa manggad na linum, aw pigkamang nan ya lawas ni Jisus lekat adti krus aw pigbedbedan nan na manggad, aw pigbetang nan adti ilib na lebenganan na dadan da pigkutkutan dun ni kilid na pangpang. Aw miglilid sa dakula' na batu adti baka' na ilib. 47 Aw kyinita' ni Maria Magdal�na aw si Maria na ina ni Jos� kun ayin lebengan si Jisus.