Ya Madyaw na Ubat-ubat kan Jisus Kristu na migpaleya sa ginawa na manga utaw
Pigsulat ni Markos
1
Ya manga pagpalekat
Ya pagpa-ede' ni Juan na Magbaba?utismuway sa pagdateng na Kristu *
(Matiyo 3:1-12, aw Lukas 3:1-18, aw Juan 1:19-28)
1-2 Y�iy ya Madyaw na Ubat-ubat kan Jisus Kristu ya Ise' na Tyumanem. Ya pag-ubat-ubat ini, migpalekat asini muna siling na piglong na Tyumanem dun ni pigpasulat nan adti propita nan na si Isayas, kay dun ni pigsulat nan miglong ya Tyumanem adti Ise' nan, law nan,
�Un ku pa-una?en kanmu ya kanak mag-ubat-ubatay
pada tagilanen nan ya un mu agiyan. *
3 Aw ya mag-ubat-ubatay ku, yan ya migtatawag dun ni kaligbinan, law nan adti manga utaw,
�Dili' madugay un dumateng ya Matas na Pangulu.*
Yanagaw linisi mayu ya dalan na un nan agiyan!
Aw tulida mayu kanan ya agiyanan!� �*
4-5 Yanagaw nyatuman da ya piglong dadan ni Isayas, kay dyumateng da si Juan dun ni kaligbinan na yan ya banwa na wala' eya-i na utaw. Aw ya manga utaw na nyeya' adti J�rusalim aw probinsiya na Judiya, mad�g silan ya nyadti kan Juan pada magpakanyeg sa pag-ubat-ubat nan, law ni Juan, �Ayawi mayu ya manga sala' mayu aw pagselsel kamu! Pagpaba?utismu kamu na yan ya pangilala na lyumiku' da kamu adti Tyumanem! Aw dun da nan linisi ya manga sala' mayu.� Aw yanagaw mad�g silan ya migsi-ubat-ubat sa manga sala' nilan aw pigpamba?utismuwan silan ni Juan dun ni tubig na Jordan.
6 Na, ya kad�gkad�g ni Juan pig-imo' lekat adti bulbul na kamiliyo, aw ya elen nan kindal na ayep.* Aw ya pagkanen nan dulun aw dega'. 7 Aw gayed si Juan mig-ubat-ubat adti manga utaw, law nan, �Un dumateng ya sambuk na matas pa kanak aw dili' aku kanan makatumbuk, pangkay sa pag-ubad sa eket na sandal nan. 8 Ya kanak pagba?utismu kamayu magi sa tubig, manang ya un dumateng, yan ya un nan kamayu pagba?utismu ya Ispiritu na Tyumanem.�*
Ya pagpa-ede' na Tyumanem na si Jisus Ise' nan
(Matiyo 3:13-17, aw Lukas 3:21-22, aw Juan 1:32)
9 Wala' kadugay, si Jisus dyumateng lekat adti lunsud na Nasarit na sakup na probinsiya na Galiliya, aw migpaba?utismu sakanan kan Juan dun ni tubig na Jordan. 10 Aw sa pagtaklang ni Jisus lekat adti tubig, kyinita' nan na nyabeka' ya langit aw kyinita' nan ya Ispiritu na Tyumanem na lyumugsad adti kanan siling na kalupati. 11 Aw awun miglong lekat adti tas na langit: �Ikaw ya Ise' ku na to-o ku pigginawa?an, aw to-o aku kanmu kyatutukan.�
12 Aw nyaksay si Jisus pig-ated na Ispiritu na Tyumanem adti kaligbinan, 13 aw dun sakanan pag-eya' seled na kapatan ya allaw, aw gayed pigtanda' ni Satanas kay kaliman nan pasuwayen. Aw awun manga mangkabulut na mannanap dun, manang migsanggila' kanan ya manga anghil.
Ya manga pigpan-imo' ni Jisus adti banwa na Galiliya
Ya pagpalekat ni Jisus sa tud nan asini tas na lupa'
14 Na, pagkatigkas na pagkalabusu kan Juan, wala' kadugay nyanaw si Jisus adti Galiliya. Aw gayed nan pigpa-ede' ya Madyaw na Ubat-ubat na lekat adti Tyumanem, 15 law nan, �Dyumateng da ya katagkasan na pakang na Tyumanem. Agpet da ya paghari' nan. Yanagaw pagselsel kamu aw ayawi mayu ya pigpan-imo' mayu na malat aw pangintu-uwa ya Madyaw na Ubat-ubat!�
Ya pagpamalli' ni Jisus sa upat ya magpapangut
16 Na, sambuk na allaw, sa pagpanaw ni Jisus adti baklayan na Danaw na Galiliya, * kyinita' nan si Simon aw ya mangud nan na si Andr�s na nyamiyala silan kay magpapangut silan. 17 Aw migtawag si Jisus kanilan, �Agad kamu kanak, aw imo-un ta kamu magpapangut sa manga utaw!� 18 Aw maksay nilan pig-ayawan ya manga biyala nilan aw nyagad silan kan Jisus. 19 Migpadeleg si Jisus migpanawpanaw adti baklayan, aw kyinita' nan uman si Santiago aw ya mangud nan na si Juan na alag ise' ni Sibidyo. Dun silan ni seled na kanilan balangay mig-uman sa kanilan manga pukut. 20 Pagkita' ni Jisus kanilan, pigtawag nan silan. Aw pig-indegan nilan ya ama nilan dun ni seled na balangay aw ya manga pigpanandanan nilan, aw nyagad da silan kan Jisus.
Ya pagpakita' ni Jisus sa katulus nan dun ni sinagoga
21 Aw nyanaw da si Jisus aw manga eped nan pasinan adti lunsud na Kapirna-um.* Aw pagdateng na Allaw na Paglagdeng, * syumeled si Jisus adti sinagoga * aw migpalekat migpalna-u sa manga utaw dun. 22 Aw ya kad�g na dyumengeg kanan, alag silan nya-enneng-enneng kay awun katulus na palna-u nan aw wala' kasiling na palna-u na manga talaglawung sa Uldin na manga Judiyu.*
23 Na, dun ni sinagoga awun sambuk na eseg na dadan da syeledan na malipa' na ispiritu. Aw tigkan mig-ulangag ya malipa' na ispiritu, 24 law nan, �Kay Jisus na taga Nasarit, pabaya-i la kami! Unu ya tud mu kanami? Basi ya tud mu apnasen mu ya kad�g nami. �, kyilala ta kaw! Ikaw saba ya wala' ya sala' na pigpadala na Tyumanem!� 25 Manang pigsagda ni Jisus ya malipa' na ispiritu, law nan, �Katinep kaw aw luwa' kaw adti kanan!� 26 Aw to-o migpatakig sa utaw ya malipa' na ispiritu aw to-o mig-ulangag aw lyumuwa' da adti utaw yan. 27 Aw ya kad�g na manga utaw dun, alag silan nya-enneng-enneng. Aw migpan-usip-usipay silan, law nilan, �Wan y�iy? Unu, bagu na palna-u ya ini? Awun katulus nan saba magsugu' sa manga malipa' na ispiritu aw pagka?agadan nilan sakanan!� 28 Yanagaw nyaksay nyabekkal ya dengeg ni Jisus adti kadakula' na banwa na Galiliya.
Ya pagpangguli' ni Jisus sa mad�g na utaw
29 Na, pagkatigkas yan, nyindeg si Jisus aw ya manga eped nan dala si Santiago aw si Juan lekat adti sinagoga, aw nyadtu silan ni balay ni Simon aw si Andr�s. 30 Pagdateng nilan dun, pig-ubat na manga utaw kan Jisus na to-o kyedelan ya ugangan ni Simon na ka?ubayan, kay migkapasu' sakanan aw kyumulang da adti tambi' nan. 31 Yanagaw, migpalapit si Jisus adti kanan aw pigbangun nan. Aw pig-uwasan da sa kapasu-an nan. Aw nyinindeg sakanan aw migsanggila' kanilan.
32 Pagsallep da na sega, yan ya katigkasan na Allaw na Paglagdeng, yanagaw mad�g ya pigpandala adti kan Jisus na manga utaw na kyedelan aw manga utaw na syeledan na busaw. * 33 Aw migpangkatipun ya manga taga Kapirna-um adti asdangan na balay pada magbantay sa imo-unun ni Jisus. 34 Yanagaw pigpangguli' nan ya mad�g na kapunganan na manga magkedel, aw pig-alilinan nan uman ya mad�g na busaw lekat adti manga utaw. Manang pigpigilan ni Jisus ya manga busaw na maglong kay kya-ede-an da nilan kun singalan sakanan.
Ya pag-ubat-ubat ni Jisus sa manga utaw dun ni Galiliya
35 Na, pagdateng na paka?allawunun, migbangun si Jisus aw nyindeg lekat adti balay syuminan ni kaligbinan. Aw dun ni kaligbinan sakanan panawagtawag adti Tyumanem. 36 Pagbangun da ni Simon aw manga eped nan adti balay, kyinita' nilan na wala' da dun si Jisus. Aw tantanan nilan paninawun 37 pigkita' nilan sakanan, aw law nilan kanan, �Ya kad�g na manga utaw alag silan nyaninaw kanmu.� 38 Manang tyumubag si Jisus kanilan, �Pigpadala aku asini tas na lupa' na un ku pa-ede' adti kad�g na manga utaw ya Madyaw na Ubat-ubat sa paghari' na Tyumanem. Yanagaw manaw kitadun adti manga lunsud aw kabalayan na malapit asini.� 39 Aw nyindeg silan, aw lyegeb ni Jisus ya mad�g na manga lunsud aw kabalayan dun ni banwa na Galiliya, aw gayed migpa-ede' sa Madyaw na Ubat-ubat adti seled na manga sinagoga nilan. Aw gayed sakanan uman mig-alilin sa manga busaw lekat adti manga utaw na syeledan.
Ya pagpaguli' ni Jisus sa utaw na ibungun
40 Na, sambuk na allaw nyadti kan Jisus ya sambuk na eseg na awun ibung. Pagpalapit da nan kan Jisus, lyumuhud aw nyanginayu' kanan, law nan, �Kun malim kaw, mabatug mu ya pagpaguli' sa ibung ku.�* 41 Aw to-o si Jisus nyallat kanan. Pig-awidan nan ya eseg yan aw miglong, �Kaliman ku saba. Na, kaguli-an kaw!� 42 Aw dayaw da kyaguli-an ya eseg. Aw migkalinis da ya lawas nan. 43-44 Tigkas yan, miglong si Jisus kanan, �Ya-i la pag-ubatan adti eped na utaw! Manang kaksay kaw panaw baling adti kagun na magdadugsu-ay adti T�mplo, pada tanawun nan ya lawas mu, aw yan ya magmatinaw na kyaguli-an da kaw. Dala?en mu uman ya manga dugsu' sa ibung aw atag adti kagun na magdadugsu-ay, kay yan ya sugu' na pigpasulat dadan ni Moysis. Tigkas yan, ka-ede-an da na manga utaw na kyalinisan da kaw sa ibung mu.�* Pagkatigkas yan, pigpapanaw da ni Jisus ya eseg yan. * 45 Manang baling na eseg yan pig-ubat adti mad�g na utaw ya nya-imo', menda' nyabekkal da adti mawat. Aw yan ya syampetan nan, na wala' si Jisus pakaseled adti manga lunsud. Kay pangkay ayin sakanan panaw, gayed pigdalugdalug na to-o mad�g na utaw. Aw pangkay nyeya' da adti manga kaligbinan, kenne' pa sakanan kyadtuwan na mad�g na utaw lekat adti eped na manga banwa.