2
Ya pagpaguli' ni Jisus sa utaw na pulid
1 Paglabay da na pilangallaw, lyumiku' si Jisus adti lunsud na Kapirna-um. Pagdateng nan adti kanan eya-anan, * maksay nyabekkal ya ubat-ubat na awun da si Jisus. 2 Wala' kadugay, migkatipun ya mad�g na manga utaw adti dakula' na katipunanan adti seled na balay * menda' na wala' da silan kasa aw gayed silan mig-insek pangkay adti agiyanan na balay. Yanagaw nyakaselat si Jisus migpa-ede' kanilan sa Madyaw na Ubat-Ubat sa paghari' na Tyumanem. 3 Talana nan mig-ubat-ubat, awun dyumateng na upat ya eseg na migtingga silan sa eped nilan na pulid pada dala?en adti kan Jisus. 4 Manang wala' silan pakapalapit adti kan Jisus asuntu sa kad�g na utaw. Yanagaw piggawangan nilan ya atep adti tas ni Jisus, aw pigtonton nilan adti dalem ya kamen na pigkakulangan na pulid. 5 Kyinita' ni Jisus ya kadakula' na pagpangintu-u nilan na mabatug nan ya pagpaguli' sa utaw yan. Yanagaw miglong si Jisus adti eseg yan na pulid, �Kay L�w, ya manga sala' mu adti Tyumanem, piglanas da.�
6 Na, dun ni katipun awun nyingkud uman na manga talaglawung sa Uldin na manga utaw na Judiyu. Pagdengeg nilan sa piglong ni Jisus, miglong ya adti anenganeng nilan, 7 �Ananga' kalaw maglong ya utaw ini sa maynan? Iman nan aw Tyumanem sakanan! Ya Tyumanem saba olo' ya makalanas sa manga sala'!� 8 Manang kya-ede-an ni Jisus na migsibalawbalaw silan sa piglong nan, aw kya-ede-an da nan ya adti seled na anenganeng nilan, yanagaw miglong si Jisus kanilan, �Ananga' kamu mag-anenganeng sa maynan? 9 Ayin ka' ya molas ku paglongun adti eseg na pulid, �Ya manga sala' mu nyalanas da,� aw kun paglongun ku sakanan, �Pagbangun kaw. Dala?a ya pigtingga kanmu aw panaw da kaw�? 10 Na, pada ka-ede-an mayu, un ta kamu pakita?an na Aku ya Ise' na Utaw * aw awun katulus ku asini tas na lupa' na maglanas sa sala' na manga utaw.� Tigkas yan, miglong si Jisus adti eseg na pulid, 11 �Pagbangun kaw. Dala?a ya pigtingga kanmu aw uli' da kaw!� 12 Aw dun ni asdangan na manga utaw, migbangun da ya eseg aw dyala nan ya pigtingga kanan aw nyagi di tenga' na kad�gan na utaw aw lyumuwa' da adti balay. Aw to-o nya-enneng-enneng ya manga utaw, aw migdeyen silan sa Tyumanem, aw law nilan, �Wettay! Wala' tadun saba kita-a ya maynini!�
Ya pagpamalli' ni Jisus kan Libi
13 Paglabay da na pilangallaw, lyumiku' uman si Jisus adti baklayan na danaw aw pigkatipunan na mad�g na utaw. Yanagaw migpalekat si Jisus migpalna-u kanilan. 14 Sa pagpanaw da ni Jisus, kyinita' nan si Libi ya ise' ni Alpiyo na nyingkud adti bayadanan sa buwis. * Miglong si Jisus kanan, �Dalug kaw kanak.� Aw nyindeg si Libi aw nyagad kanan.
15 Wala' kadugay, migpa-imo' si Libi sa dakula' na makan adti balay nan. Aw mad�g ya pigpamilit nan dala si Jisus aw manga eped nan. * Tyumambung uman ya mad�g na manga mangungubla?ay sa buwis aw manga utaw na makasasala', aw syumalu silan kan Jisus kyuman. 16 Aw awun uman dyumateng na manga talaglawung sa Uldin na manga Judiyu na alag silan Parisiyo. Aw pagkita' nilan na syumalu si Jisus sa manga mangungublay sa buwis aw manga utaw na makasasala', pig-usip nilan ya manga umagakan ni Jisus, �Ananga' sakanan syumalu sa manga utaw na maynan?� 17 Manang dyengeg ni Jisus ya piglong nilan aw tyubag nan silan magi sa pundinganan, law nan, �Ya manga utaw na kyedelan, silan ya migkapelek sa doktol. Manang ya manga utaw na mangkadyaw ya lawas, wala' ya katukanan nilan sa doktol. Yan ya tud ku asini tas na lupa' ya pagtawag sa manga utaw na nyaka-ede' sa sala' nilan, pada magselsel silan aw dumalug silan kanak. Manang ya manga utaw na iman nilan aw wala' ya kanilan sala' adti Tyumanem, beke' nilan ya pigtawag ku.�
Ya dadan aw ya bagu
18 Na, migpuwasa ya manga umagakan ni Juan na Magbaba?utismuway aw migpuwasa uman ya manga Parisiyo kay yan ya katanem nilan. Sambuk na allaw, awun manga utaw na nyadti kan Jisus aw nyusip silan kanan, �Ananga' migpuwasa ya umagakan ni Juan aw ya umagakan na manga Parisiyo, manang ya kanmu umagakan, wala' silan baling pagpuwasa?� 19 Tyumubag si Jisus magi sa pundinganan nan, �Kun awun kasal, dili' magpuwasa ya manga ubaybay na migpanamung. Migleya silan baling aw syumalu kanan talana na dun pa ni sayid nilan ya migpanamung.* 20 Manang un dumateng ya allaw na kamangen ya migpanamung lekat adti kanilan, aw dun ni allaw yan, magpuwasa la silan.
21 �Siling uman na kad�gkad�g, ya bagu na manggad dili' makaleneb adti dadan kay malungu la ya dadan. Aw kun gayed begsakan, dili' madugay kumeteng ya bagu aw to-o la baling dakula' ya kak�s�-an. 22 Aw maynan uman dili' pagbetang ya bagu na bino adti dadan na betanganan na kindal na ayep na dili' da munat. * Kay kun sumubu ya bino, mutu baling ya betanganan aw masapad ya bino, aw yanagaw wala' da ya guna na betanganan. Manang kun mag-imo' ya utaw sa bagu na bino, betang nan adti bagu na betanganan na kindal, pada dili' magkalat ya betanganan aw dili' masapad ya bino.� *
Ya pagkasampet ni Jisus sa Allaw na Paglagdeng
23 Sambuk na Allaw na Paglagdeng, nyaka-agi si Jisus aw ya manga umagakan nan adti pawa' na trigu. Sagwa silan nyanaw, migkettel ya umagakan nan sa tagbi' na trigu kay nyagetem silan. 24 Na, pagkita' na manga Parisiyo sa pig-imo' nilan, piglongan nilan si Jisus, �Inunuwa ya pig-imo' na umagakan mu! Ananga' nilan y�iy imo-un? Wala' saba tumbayan adti Allaw na Paglagdeng ya pag-ani!� 25 Tyumubag si Jisus kanilan, �Unu, wala' pa ka' mayu kabasa ya pigpasulat na Tyumanem asini muna sa pig-imo' ni Dabid? Pagkapelek nan aw manga eped nan sa un nilan kanen, 26 syumeled sakanan adti balay na Tyumanem * aw pigkan nan ya pan na abus da pagdugsu-an adti Tyumanem, aw pig-atped-atped nan uman adti manga eped nan, pangkay olo' magdadugsu-ay ya makakan sa pan yan. Alag nya-imo' asini muna dun ni manga allaw na si Abi-atar pa ya pangulu na manga magdadugsu-ay. 27 Aw paglongun ta kamu: Wala' imo-a ya utaw sa kadyawan na Allaw na Paglagdeng. Manang ya Allaw na Paglagdeng pigtani saba sa kadyawan na manga utaw. 28 Aw asuntu na aku ya Ise' na Utaw, pig-atag da kanak ya pagbaya' sa unu ya madyaw imo-un sa Allaw na Paglagdeng.�