Yohanesti mome toro pibogha
Phendepne
El nenerop yubu palilamap
Yohanesti mome toro pibogne phendep yubu eneag, “Na Allah Elmabo wenehiropneri an sikinin weptop kelap andi kelmaboap maboap sembe mome toro palilamna,” seog. “Sikinin weptop kel,” seog kel enekona, Yesusag wana paliro winiptangtop nimi sembe likipto pibog. Yohanesti, “Andi kelmabo meap,” seog nimi enekona, Yesusag wana paliro winiptangtop nimi a'ero-a'ero wamek nimi sembe lebog. Yohanesti mome toro pibogne orangeag Yesusag wana paliro winiptangtop nimi sembe, “Kristusti torop kel,” aro mome toro likipto pibog (Wahyu - Lag Taogha 19:7; 21:2, 9). Ane sembe, Yohanesti yubu ene Yesusag wana paliro winiptangtop nimi sembe mome toro pibog.
Mome eneag Yohanesti tam phende sembe wenelamsiogti, mome toro pibog. Nhonna, “A'un mamun o'ona seneldalamlulom,” aro mome toro pibog. Phendepnena, “Orolenange haing kunuro ambatsirop nimi sembe yae piptangkapmundi, sindi yubu ka'ebaheng kom,” aro mome toro pibog.
Yohanesti mome toro pibogha phendepne lomag wamlange
Kipsiog yubu (1-3)
Nimi mamun o'ona seneptangtopne sembe (4-6)
“Orolenange ka'ebaheng kom,” aro yae uptangtopne sembe (7-11)
Komoptop yubu (12-13)