Yohanesti mome toro pibogha
Wilindipne
El nenerop yubu palilamap
Yohanesti mome toro pibog yubu wilindipne eneag, “Na Allah Elmabo wenehiropneri an Gayus sembe mome toro palilamna,” seog. Yohanes wamog li ko'o eneko nimi si Gayus engerop nimi maikno wamek aghana, mome eneag Gayus seogne ponekona, Yohanes elkae wanaagne wamogti, Yesusag “Sikne” aro wana paliro ul palamog. Gayus ponekori Yesus yubu ambatsirop nimi maikno yeplamsiogti, eldi aeag kipto tolongolamsiog. Tam nene sembe elkae Yohanesti ka'ebaogti, elkae Gayus ponekoag, “Walia ulamlam,” aro mome toro pibog. Nen tam nhon mome toro pibognena, Yohanesti yubu toraptopne nubunge si Diotrefes sembe, “Yubu toraplamnelba, yae uptangkamlulam,” aro Gayus poneko wenero ambatto pibog.
Yohanesti mome toro pibogha wilindipne lomag wamlange
Kipsiog yubu (1-4)
Yohanesti elkae Gayus kipto maibogne (5-8)
Diotrefes ponekori Yohanesti yubu toraptopne sembe (9-10)
Demetrius ponekori wali ulamogne sembe (11-12)
Komoptop yubu (13-15)