मत्ती
लिखलोर नंगत खबर
जीसु चो पुरखा-पाटी
1
अबराहम आउर दाउद चो बंस ले जनमलो जीसु किरिस्त चो पुरखामन एमन आत।
2 अबराहम, इसहाक चो बुआ रये,
इसहाक, जाकूब चो बुआ,
आउर जाकूब, जहूदा आउर हुनचो भाईमन चो बुआ रये।
3 जहूदा, फिरिस आउर जोरह चो बुआ रये,
आउर हुनमन चो आया तामार रये,
फिरिस, हिसरोन चो बुआ रये,
आउर हिसरोन, एराम चो बुआ रये,
4 आउर एराम, अमीनादाब चो बुआ रये,
अमीनादाब, नहसोन चो बुआ रये,
आउर नहसोन, सलमोन चो बुआ रये
5 सलमोन, बोअज चो बुआ रये,
आउर बोअज चो आया राहब रली,
बोअज, ओबेद चो बुआ रये,
आउर ओबेद चो आया रूत रली;
आउर ओबेद, जिसय चो बुआ रये,
6 आउर जिसय, दाउद राजा चो बुआ रये।
दाउद, सुलेमान चो बुआ रये,
आउर सुलेमान चो आया आगे उरिया चो बायले रली,
7 सुलेमान, रहबाम चो बुआ रये,
आउर रहबाम, अबिया चो बुआ रये,
आउर अबिया, आसा चो बुआ रये,
8 आउर आसा, जहोसाफात चो बुआ रये,
आउर जहोसाफात, जोराम चो बुआ रये,
आउर जोराम, उज्जिया चो बुआ रये,
9 उज्जिया, जोताम चो बुआ रये,
आउर जोताम, आहाज चो बुआ रये,
आउर आहाज, हिजकिया चो बुआ रये,
10 हिजकिया, मनस्सि चो बुआ रये,
आउर मनस्सि, आमोन चो बुआ रये,
आउर आमोन, जोसिया चो बुआ रये,
11 जोसिया, जकुनया आउर हुनचो भाईमन चो बुआ रये। हुदलीदांय इसराएलिमन के बांधुन बेबिलोन राज ने नेते रला।
12 बेबिलोन ने नेतो पाछे:
जकुनया, सालतिएल चो बुआ रये,
आउर सालतिएल, जरुबाबिल चो बुआ रये,
13 आउर जरुबाबिल, अबीहूद चो बुआ रये,
अबीहूद, इलयाकीम चो बुआ रये,
आउर इलयाकीम, अजोर चो बुआ रये,
14 अजोर, सदोक चो बुआ रये,
सदोक, अखीम चो बुआ रये,
आउर अखीम, एलीहुद चो बुआ रये,
15 एलीहुद, एलियाजर चो बुआ रये,
आउर एलियाजर, मत्तान चो,
आउर मत्तान, जाकूब चो बुआ रये,
16 आउर जाकूब, जूसुफ चो बुआ रये,
जूसुफ, मरियम चो मनुक रये,
मरियम, जीसु जेके किरिस्त बले बलसोत, हुनचो आया रली।
17 असन अबराहम ले धरुन दाउद अमरतले चवदा पीड़ी होली, आउर दाउद ले बेबिलोन ने बांदाय होउन नेओतले चवदा पीड़ी होली, आउर बांदाय होउन बाबुल ने अमरलो पाछे किरिस्त चो जनम होओतले चवदा पीड़ी होली।
जीसु किरिस्त चो जनम
18 जीसु किरिस्त चो जनम असन बरन ले होली, जीसु चो आया मरियम चो माहला जूसुफ संगे होउन रये, मानतर हुनमन चो बिया-दान होतो ले आगे कुंआरी लेकी मरियम पवितर आत्मा बाटले पेटे ठेबली।
19 हुनचो माहला-मनुक, जूसुफ जोन धरमकारी रये, मरियम के खुसनाय ले छांडतो काजे बिचार करलो, कसनबलले हुन मरियम चो इजित धरतो काजे मन नी करते रये।
20 जिदलदांय जूसुफ ए गोट के बिचार करते ची रये, हुदलीदांय परभु चो सरगदूत हुनके सपना ने दखा देउन बललो, “ए जूसुफ! दाउद चो बेटा, तुय आपलो माहला-लेकी, मरियम के आपलो घरे आनतो काजे नी डर, कसनबलले जोन हुनचो पेटे आसे, हुन पवितर आत्मा बाटले आय।
21 हुन गोटोक बेटा के नंगत होयदे आउर तुय हुनचो नाव जीसु संगाव, कसनबलले हुन आपलो लोगमन के हुनमन चो पापमन ले मुक्ति देयदे।”
22 ए गोटमन असने ची घटली कसनबलले जोन बचन परभु चो अगमजानी बाटले सांगलोर रये, हुन पुरा होओ:
23 “दखा, गोटोक कुंआरी पेटे ठेबेदे आउर गोटोक बेटा के नंगत होयदे, आउर हुनचो नाव ‘इम्मानुएल’ संगादे। (जेचो अरथ आय ‘महापरभु आमचो संगे’।)”†