मत्ती
लिखलोर नंगत खबर
आगे एके पढ़ा
मत्ती लिखलोर नंगत खबर, नवा नियम चो पईल किताप आय। ए किताप ने मत्ती सांगेसे कि जीसु किरिस्त ची लोगमन के पापमन ले खेमा करुन मुक्ति देउक सके। महापरभु खुबे बरक आगे जुना नियम ने आपलो करलो बायदा, एई मुक्ति देउ बललोने, जीसु किरिस्त बाटले पुरा करलो।
जीसु, बेतलहम गांव ने दाउद चो थर ने जूसुफ आउर मरियम चो घरे जनमलो। ए नंगत खबर सोजे जहूदीमन काजे ची नोआय मानतर ए संवसार चो सपाय लोगमन काजे आय।
मत्ती ए नंगत खबर ने, जीसु चो जनम, हुनचो बपतिस्मा, हुनचो परखतो आउर हुनचो सेवा बुता चो बारे ने लिखलोसे। सरासरी ने जीसु के कुरूस ने चेगातोर आउर हुन तीसर दिने मोरलो थान ले जीव उठलोर गोट के सांगेसे।