मरकुस
लिखलोर नंगत खबर
आगे एके पढ़ा
मरकुस आपलो लिखलो नंगत खबर ने, जीसु के नासरतेया, महापरभु चो बेटा आउर हुनके सपाय उपरे हक आसे बलुन सांगेसे। जीसु आपने के, महापरभु चो कमेया मानेसे। मरकुस, आपलो नंगत खबर ने जीसु चो बचन आउर सिखिया के चे नाई, मानतर जुगे करुन हुनचो करलो सेवा बुता चो बारे ने सांगेसे। जीसु चो जीवना आउर जतरा, आपलो चेलामन काजे गोटोक बाट दखाउ असन आय।
ए नंगत खबर ने जीसु चो जनम, हुनचो बपतिस्मा, परखतोर, लोगमन के उजरातोर, जीसु के धरातोर, कुरूस ने चेगातोर आउर तीन दिन पाछे हुन मोरलोमन ले जीव उठलोर चो बारे ने लिखलोर आसे।