लूका
लिखलोर नंगत खबर
आगे एके पढ़ा
लूका चो लिखलोर नंगत खबर ने, जीसु के सोजे इसराएलचेई नाई, मानतर संवसार चो सपाय लोगमन के मुक्ति देउआय, बलेसे। हुन आउर बलेसे कि जीसु के, महापरभु चो आत्मा गरीब-दुखीमन के नंगत खबर सांगतो काजे हागदेउ रलो।
ए किताप के लूका, थियुफिलुस काजे लिखु रलो कि हुनचो पतेयातोर फोकाहा नोआय आउर हुन जेके पतेयायसे हुन सत आय। ए किताप ने जीसु चो जनम बेरा सरगदूतमन चो गीत, धोरईमन जीसु के दखतोर आउर जीसु पिला बेरा जरूसलेम चो मंदिर ने जातोर चो बारे ने लिखलोसे। पारथना, पवितर आत्मा, लोगमन चो सेवा-सुस्तारा आउर पापमन चो खेमा चो बारे ने बले लिखलोर आसे।