जूहन्ना
लिखलोर नंगत खबर
आगे एके पढ़ा
जूहन्ना लिखलो नंगत खबर ने जीसु के महापरभु संगे रलो जुग-जुग चो बचन आय बलेसे, जोन बचन माने-रूप धरुन आमचो मंजी रली। ए नंगत खबर के एईकाजे लिखलो कि एके पढ़तो लोग जीसु के मुक्ति देउआय बलुन पतेयाओत आउर हुनके पतेयाउन जुग-जुग चो जीवना पाओत।
ए नंगत खबर ने जूहन्ना, जीसु करलो अचरित बुतामन आउर चीनामन के नंगत ले सांगलोसे, जेचोले जीसु किरिस्त के महापरभु चो बेटा आय बलुन पक्का जानुक होयसे। दुसर नंगत खबरमन ने नी लिखलो अचरित बुतामन जेके जूहन्ना लिखलोसे, एमन आय: काना नाव चो गांव ने पानी के अंगुर रस उलटातोर, जीसु के नीकुदेमुस भेटतोर, जीसु आउर सामरेयीन बायले, बेतसयदा चो खोड़ेया मनुक हिंडतोर, जनम काना दखुक सकतोर आउर लाजर के जीव पड़ातोर।