पठालो-लोगमन
चो बुता
आगे एके पढ़ा
पठालो-लोगमन चो बुता किताप के लूका लिखलोसे। ए किताप ने एई सांगेसे कि जीसु चो चेलामन पवितर आत्मा चो बाट दखातो बाटले जीसु चो नंगत खबर के जरूसलेम, जहूदिया, सामरिया आउर संवसार चो कोना-कोना ने सांगला। सबुले आगे नंगत खबर जहूदीमन लगे अमरली, हुनचो पाछे गुलाय राज चो लोगमन पतेयाला।
लूका ए गोट के पक्का करेसे कि किरिस्ती लोग, रोम राज चो बयरी नोआत। ‘पठालो-लोगमन चो बुता’ किताप ने सबुले बड़े गोट ‘पवितर आत्मा चो सकत’ आय। पवितर आत्मा, मंडली आउर धरम सियानमन के, बाट दखायसे आउर हुनमन के महापरभु चो सेवा-बुता करतो सकत देयसे।