Milikitaadhdhe Perre Dhikkatatena
13
Immanne Kʼulkʼullawhatte ghintate ligheete qaghana kolladhampawhe huusuna kittatte tookko hasina payi:
“Kollisampakko haayyu!
into awrughipa manni awrughettay aghupadhi qhamu koro dhahxhxiseesi eema.”
2 Iyyesusekka hasi payipa nuholasu:
“Mannaadhi kaanooma aʼawrughghettay ghupadhiisi ahhiʼa?
Awrughghisa aʼille saappeema theeli ye dhoqhonkinna ye hasa haqhne.”
3 Iyyesuse ighghuposi Ekerkito Manne Kʼulkʼullawhatte miintatte qaghana saappeete qakkadhana Petʼiroosepa Yaykʼoopepa Yohannise pana Intriyaase pattakki Uso kula okayipa hasa payonkippa kasqadhonki:
4 “Into ine qalli olissa parakki kodhdhamanni?
Itʼtʼuye dhikkate olisana milikite mootaka an arraani?”
5 Iyyesusekka hasi payipa nu holasu:
“Yaxakka qhamu ye hune dhappisninnu hetiqithadhindha!
6 Koro kisha ‹Ano Kristoose› payinpa makaxko haayyuttay okayuppa he kishaasi dhappisu.
7 Qhoota orxankitopa ote orxankito aʼapaqhte payni olo muruke.
Olina kodhdhamadhe na gheqama,
ikkodhdhitama kapay dhikkate ye taamuye.
8 Waarshoka waarshoomi haqani,
ahxaseka ahxaseemi haqinti;
piyyaadhe qawni qawnina tiititopa laaqe kodhdhamanna,
olisa kaasay qhuuqhayte payyootate.
9 Hune pukkaqate taahundhina he tiqitadhindha,
he qhaqhitte qhaqhanuki likkasneppa hune teexonki.
Mannaadhdhe huusundhi ghissootattena kallakka ihhune thuthubhbhina,
qhama misikkire kodhdhinttennu qhoota Haayyu maallay rafisampawhepa nukusaadhdhe minteema ashshikkarante.
10 Kapay olisa kaasay ye kodhdhamadhunna qharaʼitha wonkeleesi waarsho piyye qhatʼete qagha kaasannu thorruyepa dhaghapoose gheeqasa.
11 Xinke koro hune ghappipa qhaqhittenu hune itʼtʼosuna olo payenna ata moʼo an qallannanipa isa qharriteema rakadhankuma ho qallana Nasso Kʼulkʼullo dhiishoy hune qandhiye,
hussa maallay saatisana olho Uso hune teexi patta qalladha.
12 Qharunko qasoosi,
qasokka qharunkoosi,
paappokka miʼaye huusuusi fartenukki likkasnipa teexu,
miʼaadhekka ahxkaadhdhe huusundhisa maghnotakki nahaqneppa paaxonki.
13 Qhoota makaxko Haayyu maallay koro kaasakki hune shikkina,
naqharray qhawho haka dhikkatte saasa kokisadhi uso dhina.
14 “Apayni ‹lokmesi koro patisnaki›a xayto ye gheeqasisa shikkaarippa hianku payni qhawho nappapa ihhela taayya xinkisana koro piyye Yihutanna qagha ikkaro ghuppeete ghoradha.
15 Qhawho manneete saappeete qaghakka ioodhdhe hxura,
immaahxatto manneete kala qaghaasi akkenu xulle hxura.
16 Qhawho pashito qaghakka immanne kula laalle akkadhenu holle hxura.
17 Xinkisana yaayyadhdhe sheeghoomapa he miʼaadhe shurrasha ihhe ooyadhe!
18 Naqharray ghoradhe taahundhi katanko kitteema qhamu ye kodhdhintinu ghissadha.
19 Kuyyaqissana rakko haxa Haallikko haki uuumata uuminu paayyatti hagha hantu saasa apari ye kodhdhamadhupa karo miinattekka ye kodhdhamanikki kodhdhamanna.
20 Pogholhoki ye kuyyaqisaasi mahxnaʼisu payni ahxay qhawho dhina ye qaghni,
emma kapay korussa Uso qholadhi maallaki paypa kuyyaqisaasi mahxnaʼisi.
21 Xinkisana yaxakaki hunena payina ‹Haadhi Kristoose hassi qaghi› taakinti ‹Ha koranaki qaghi› payni olo dhukkaysadhe.
22 Moʼo maalla payni kristosadhdhe ayyapa hxumampawhe ayyaki haqana innu alkasama payni hessi qholamesikaki dhappisenu milikitaadhdhepa dhahxhxootaadhdhe konne.
23 Hussa maallay hetiqitadhindhama olho kaasaasi an intoosipa hune qallaye.
Lanka Okaye Kristoose
24 “Kuyyaqissa rakkito tupettay oqhqhaye iʼimnay,
leeqokka hammakko huusuusi ye teexnika.
25 Xuske moonthitokka ihhayyina,
humnaadhe moonthitokka illelehnanki.
26 Xinkisana Ano Miʼaye Qhawhito humnapa kaanaste dhammattay an urratta ghutu okaayanaki ye hiine.
27 Xinkisana Uso erkampathadhdhe huusuusikki erakni,
usundhekka xayto salaxtakki ashshineppa korossi Usoosi qholamiisi haka piyyatte hinaasenu moonthito hinaase saasa qaghaasi illeema holasonki.
28 “Lighnoosi kaarkko pelesattena kolladha:
apayni qharre huusuki na fucʼukipa aahxekka na kʼartaxonki payni xinkisana oypakob qhamu itʼtʼuyisa aʼarranku.
29 Qhamusa kula olisa kodhdhamadha ahiite payni okaye Ano Miʼaye Qhawhitona qhamu mankaxxeema itʼtʼuytisa arrindha.
30 Dhuke anhune qalli,
oli kaasay haki dhikkani saasa dhalathi ye lighinikka.
31 Moonthopa piyye illighinna,
naqharray Kʼaale thaayyu moʼo kaki payni ye illighinekka.”
Kuyyaqakopa Saatisay Huni Arrte
32 “Naqharray qhoota kuyyaqakussapa saatisa Haallikko appa malettay erkampatadhdhe moonthitoka ikkodhdhe Miʼayekka ikkodhdha yaxaka ho arra ye qaghikka.
33 Kuyyaqakusa paray qhamu kodhdhisa qhoota huni arrte maallay kokisadhapa tiqithadhonku.
34 Hussakka qhawho aylaadhe huusunu kodhmo qhootipa manne huususikka na hxuruppa,
qhawho manne tiqadhaka qhamo ikkokisnpa tiqadhonu hayuppa piyye pile kula ashshosiki lighi.
35 Hussa maallay paappo manneete saate ina qaakniisi qhoota huni arte maallay upaadhapa tiqithadhonku;
yaxarakka qawwo taaki parakitte taaki lukkale quughanna taaki sinkatto taaki awnati okayni.
36 Itutuppe okayina qhamu huni raftnteppa huna hxafonnu he tiqithadhindha.
37 Olho an huneesi qalliisi koro kaasanukki an qallin:
‹Kokisadhapa tiqithadhonku!›.”