Na Mapiya A Baga Meantu Sike
Mateo
Na Aggidiyafuwan ira i Jesu Kristo
1
Antuweyaw yo allistan na aggidiyafuwannera i Jesus a Mesiya a gaka i David, a gaka i Abraham.2 I Abraham yo ama i Isaac,
i Isaac yo ama i Jacob,
i Jacob yo ama i Juda anneno wawwayinera.
3 I Juda yo amara Fares anni Zara anni Tamar yo inara,
i Fares yo ama i Hezron
a ama i Aram.
4 I Aram yo ama i Aminadab,
i Aminadab yo ama i Naason,
i Naason yo ama i Salmon.
5 I Salmon yo ama i Boaz sike Rahab,
i Boaz yo ama i Obed sike Ruth,
i Obed yo ama i Jesse,
6 anni Jesse yo ama i Patul David.
I David yo ama i Solomon so dati a atawa i Urias
7 I Solomon yo ama i Rehoboam,
i Rehoboam yo ama i Abijah,
i Abijah yo ama i Asaf.
8 I Asaf yo ama i Jehosafat,
i Jehosafat yo ama i Joram,
i Joram yo aggidiyafuwan i Uzzias,a
9 I Uzzias yo ama i Jotam,
i Jotam yo ama i Ahaz,
i Ahaz yo ama i Hezekias.
10 I Hezekias yo ama i Manase,
i Manase yo ama i Amos,
i Amos yo ama i Josia.
11 I Josia yo afu i Jeconiasb anneno wawwayinera mamefu sin nafuwersa a magyan ino Israelitera so Babilonya.
12 Kapiyena a nagyan so Babilonya, neyanak i Salatiel,
e i Jeconias yo amana,
i Salatiel yo ama i Zerubabel.
13 I Zerubabel yo ama i Abiud,
i Abiud yo ama i Eliakim,
I Eliakim yo ama i Azor,
14 i Azor yo ama i Zadok,
i Zadok yo ama i Akim,
i Akim yo ama i Eliud.
15 I Eliud yo ama i Eleazar,
i Eleazar yo ama i Mattan,
i Mattan yo ama i Jacob,
16 i Jacob yo ama i Jose a atawa i Maria,
i Maria yo ina i Jesus a maayan si Mesiya.
17 Kunnantu, ana a tafulu appat a diyafuwan a naggabwat sike Abraham makiyad sike Patul David anna tafulu appat pay sike Patul David makiyad a nafuwersa a magyan ino Israelitera so Babilonya anna tafulu appat pay mamefu sin nanaweno Israelitera so Babilonya makiyad sin neyanak i Mesiya.
Na Akkeyanaknga i Jesus a yo Mesiya
18 Antuweyaw yo istorya na akkeyanaknga i Jesus a yo Mesiya. Netaratu i Maria a ina i Jesus a meyatawa sike Jose. Udde liyera naddawum, naammuwan i Jose a mabussit i Maria gumafu so pakapangwa i Espiritu i Dios.
19 I Jose a mangatawa sike Maria e makimoray so dundun ira i Dios antu ammena kanggam a meyatatal i Maria si kaodduwan. Ninonotna a ikatway baggina a awan makaammu.
20 Udde sin nono-nonotan i Jose iyaw a akwan, nappadda sikwaneno tata anghel i Afu Dios si tenap. Sinapitna sikwana, “Jose, gaka i David ammeka mattalaw a atawan i Maria gumafu se nabussit baggina megafu si pakapangwa i Espiritu i Dios. 21 Tata lalaki yo iyanaknga e pinganannuna si Jesus se baggineno manabbut so tolayera si liwa-liwatda.”
22 Naangwa amminan iyaw takesi maparulot ino sinapitna i Afu Dios megafu sike profeta Isaias e kunna, 23 “Maningngag kayu, malwaringngeno tata bafay a ammena kepay nasiddun e manaknga si kalubit a lalaki, pinganandana baggina si Emmanuel, kanggamma sapitan iyaw e, ‘Ana i Dios sikwatam.c’ ”