Na Mapiya A Baga Meantu Sike
Mateo
Meafu Sitaw A Libru
Na Mapiya a Baga meantu sike Mateo e nepakaammu a i Jesus yo Mesiya a pinili i Dios a manangngal anna manabbut so Hudyuwera anna amminan a tolayera a mangurug sikwana. Kaodduwan so tinurakkan i Mateo e yo Hudyuwera, nabu tinestiguwannengkeno tamba i Dios so tolenera a Hudyuwera so Dadan a Testamentu e naparulot megafu sike Jesus.
Ipaitana iyaw a libru a i Jesus yo kaatannangan a mestru a dinundun i Dios. Nabu ana pakandamana a mabbarifit si katunungan i Dios anna manunturu meafu so pattangngalanna.
Na tunturuwera i Jesus sitaw a libru e nagrupu si lima: (1) na tabarang i Jesus sin ana baggina so bakulud patamu nu kasanna matolay, mattarabafu, na kargu a mattarabafu anneno pammakapiyan na tolayera a mesapat so pattangngalan i Dios (kapitulu 5-7); (2) na panunturu i Jesus so tafulu adwa a disipulunera sin dinundunnera a manunturu si sapitna (kapitulu 10); (3) na pangarig meafu so pattangngalan i Dios (kapitulu 13); (4) na panunturu meafu so pattabali a disipulu i Jesus (kapitulu 18); anna (5) na panunturu i Jesus meafu so tamfut na talubaggan anneno paggumwang na pattangngalan i Dios (kapitulu 24-25).