King'ēētēē :Yēēsu meerat
24
1 Nēē mii pērēētuu nyēpō taay nyēpō wiiki, kumusta :chēēpyōōsōōchoochēē paani kēērir :kōōrēē ākōy wōli /kikuusiintoochi Yēēsu. Kwoop mwaarta nyoo ng'uutooy nyaa anyiny nyoo kiisat :akwaaneek.2 Paani ka-it kēpēnēē, kunyōōru /kiikeetiriinta kortō nyoo /kiikukara kēpēnēē. 3 Paani kachuut kēpēnēē, ku kiimoomii :pōōrpō Kiptaayaan Yēēsu.
4 Kutākumii :chēēpyōōsōōchoochēē kukwōng'ēy, kuuro piich choo lēē ārēēny kuuryoonchēērēē taayuung'waang'. Kiiting'ēy :pichoochēē sirōōy choo ryēlsōōt. 5 Āmu koowāriisyō, kikutung' :chēēpyōōsōōchoochē. Kilēēchi :pichoochēē lēē ārēēny chēēpyōōsōōchoochēē, “Āmu nee saawasa nyoo sopoot nkōō wōloopō choo kiikumēērō? 6 Apkaata kee kir nyoo kiimwoorwook paani kiitākumii Kalilaaya. 7 Kiimwa kilē, ‘/Kināmēy *Wēēroo Chiich /akēētē piich choo lēē kipng'ōōkiin choo /pārchinii inyeentee kimurtooyoon. Nēē mii pērēētuu nyēpō sōmōk, kung'eetee /kēēpārchi kimurtooyoon, kung'ēētēē meerat.’ ” 8 Kuupkaat :chēēpyōōsōōchoochēē ng'aleechu kiimwoochi :Yēēsu.
9 Kuwārākiisyō nyuun :chēēpyōōsōōchoochēē wōli kipkoonēē akupa kumwoochi kiineetanik taman nkōō ākoong'o ng'aleechoochēē ākōō piich walak. 10 Chēēpyōōsōōchoochēē kiipa kumwoochi kiineetanik ng'aleechoochēē ku kii Maaryaa Maktaleena, Chowaan, Maaryaa eeyaa Chēēmis, ākōō chēēpyōōsōōk walak choo kiimii tōkōl. 11 Kiichaasta :kiineetanik ng'alēēpō chēēpyōōsōōchoochēē āmu kiipkootēy kilē kii ng'al chēpō sālwoonti, ku maakuuran.
12 King'eet :Pēētērō akuurip ākōy kēpēnooni /kiikuusiintoochi Yēēsu. Paani ka-it kuukōōytō kēpēnēē, kuurō sirōōk kipaat choo /kiikutuptō Yēēsu amoomii :pōōrtō. Kuwaraka :Pēētērō kaaw kukwōng'ootēy nkōō kiyoo kii-ira.
King'uutinii keey :Yēēsu kiineetanik ārēēny choo kiipēētii Emaawus
Maarkō 16:12-13
13 Nkōō pērēētuunoonēē ku kiimii :kiineetanik walak choo lēē ārēēny chēpō Yēēsu kupēētii kōōrēē aka nyoo /kiikikuurēē Emaawus. Kii paan nyēpō saayitiis ārēēny kuwēērō :chiich Chēērusālēēm ākōy yoonēē pō Emaawus. 14 Kiing'āloolootēērēē :tōkōl ng'aleechoochēē kii-iriisyō.
15 Kutākumii ku-āmootēy lōkōōy, kuchō :Yēēsu kunyōōru akwaaneek akupa tōkōl. 16 Kiimaasōwu :akwaaneek kilē kii Yēēsu :nyoonēē. 17 Kumwoochi :Yēēsu kilē, “Nēē ng'aleechu āmiikwaan āng'āloolēē āpēētii?” Kuuryoonchō nyoo māpāypāyiituuy. 18 Kiteep :kiineetanee nyi /kiikikuurēē Kilyoopa Yēēsu kilē, “Mwoorwēēch kee, inyēēn ākityōōn nkōō Chēērusālēēm nyoo mēēnkēt kiyoo kiiku-ira?” 19 Kuteepa :Yēēsu kilē, “Kir nee nyoo ka-ira?” Kuwālchi :pichoochēē kilē, “Ng'aleechu kā-iriisyō nkōō wōloo mii Yēēsu nyēpō Naasareet. Kii *ōōrkooyoontoo Iriin nyoo kiiting'ēy kaamuuka nkōō wōloo kiing'ālooltooy, aku-irēy ng'al chēpō kwōng'uut nkōō taayuu Iriin ākōō piich. 20 Kiitētō *:tisiik choo ēēchēēn ākōō kāāntōōyiichooch /pākēērwoochi /ākēēpārchi kimurtooyoon. 21 Kiikiipkootēy man kilē inyeentee nyoo chōōnēy kuutyooytooy piich chēpō *Israayeel, aku pērēētuu nyēpō sōmōk :nyēēnyi kung'eetee ki-iriisyō :ng'aleechu. 22 Kamusta akay kēērir kōōrēē :chēēpyōōsōōy walak choo kimii tōkōl ākōy kēpēnooni /kiikutupchi akupka ku-ireech kēēkwōng'yēē. 23 Ka nēē it kēpēnēē, ku maakunyōōru pōōrtō. Kuwaraka akupka kimwoorwēēch kilē keero *malaykeen choo kāmwoochi akwaaneek kilē sopoot :Yēēsu. 24 Kipa :piikō walak choo mii nkōō achaan wōli kiikutupchi Yēēsu. Nēē it wōlinēē, kupa kunyōōru kilēē wōloo kāmwoortooy chēēpyōōsōōk; amakuuro pōōrpō Yēēsu.”
25 Kumwoochi :Yēēsu pichoochēē kilē, “Kyoosālwootān :akwaan kilē nee kēny, aku ururō mētēwēyiikwook kilē nee! Koo toomō aran akwaan tukun tōkōl choo kiikumwooru *:ōōrkooyiipō Iriin. 26 Moonkēt :akwaan kilē kiirookēē kunyaril *:Meesaaya akipō tukuuchoochēē si nēē ng'at /kēētōrōōr inyeentee?” 27 Kurārchi nyuun :Yēēsu pichoochēē kiyoo kiimwa :siruut chēpō Iriin akipō inyeentee kitoowuunō chēpō *Muusa ākōy chēpō *ōōrkooy tōkōl.
28 Paani kariik kōōroonoonēē kiimii kupēētii, ku-irta keey :Yēēsu kilēē yoo kiimārēy takutas taay kusiirtō kōōroonoonēē. 29 Kusoom :pichoochēē kilē, “Kaykay tēpēē nkōō kichaan. Kaakutuuriit kōōrēē akimii kumichintooy asiis.” Kucham :Yēēsu kutēpō nkōō akwaaneek. 30 Paani kapa kutēpi ng'wēny tōkōl ku-āmiisyō, kunam :Yēēsu makatyaan akumwoochi Iriin kōōnkēy. Kupuutil akuutē pichoochēē. 31 Paani ka-ir :Yēēsu kilēē nyoonēē, kusōwu :pichoochēē kilē koo kii Yēēsu :nyoonēē. Paani kāsōwu kilēē nyoonēē, kupēt :Yēēsu nkōō taayuung'waang' kilē ‘wirwir.’
32 Kuteep keey :pichoochēē kilē, “Mākālālāng'iituuy :moontiinēchooch paani kēēmii kumwoorwēēch nkōō aree akipō kiyoo mwoorēy :siruut chēpō Iriin?” 33 Kung'ēētyō :pichoochēē kilē weel akuwaraka Chēērusālēēm. Kipa kunyōōru kiineetanik taman nkōō ākoong'o nkōō piich walak kēērumchi keey tōkōl ārii ākoong'o. 34 /Kēēmwoochi kiineetanichoochēē lēē ārēēny kilē, “Kiikung'eeta man :Kiptaayaan meerat, akaakung'uuti keey Siimnyōn.” 35 Kimwoochi nyuun :kiineetanichoochēē lēē ārēēny kiineetanik chuuchō walak kiyoo ki-ira nkōō aree ākōō wōloo kiisōwuuntō :akwaaneek Yēēsu paani kipuutil makatyaan.
King'uutinii keey :Yēēsu kiineetanichiich
36 Kutākumii :pichoochēē ku-āmchinii chuuchō walak lōkōōyichoochēē, kuuryoong'ō :Yēēsu kwēēnuung'waang' kilē chit, akilēēchi, “Ānyōōruu kaalya.” 37 Kyootyō :pichoochēē, akuuwāriisyō kuupkootēy kilē ālēē keero oyyiin. 38 Kumwoochi :Yēēsu kilē, “Āmu nee soowāriisyēē? Āmu nee saa-iima keey amaachamta kilē aneen :nyēēnyi? 39 Aroo kee anee ēēruun ākōō kēēlyēn soosōwu kilē aneen :nyēēnyi. Asapsapaan kee si nēē ng'at aroo, āmu āmiikwaan āpkootēy kilē :aneen oyyiin. Māting'ēy :oyyiin pōōr.” 40 Paani kaakumwa kilēē nyoonēē, kung'uuti akwaaneek ēēruunēchiich ākōō kēēlyeechiich. 41 Kikwōng'yō :kiineetanik akupāypāyiituuy, mpō tākiitoomō kuchamta kilē kii Yēēsu man nyoonēē. Kuteep :Yēēsu kilē, “Āting'ēēkwaan kir aka tōkōl nyoo kyoomēy?” 42 /Kuutē *koorookwō nyoo /kiikiikeewaatan. 43 Kunam aku-am nkōō taayuu kiineetanik. 44 Kumwoochi :Yēēsu kiineetanichiich kilē, “Tukuuchu chu kyoomwoorwook paani kiitākēēmii tōkōl. Kyoomwoorwook kilē iriisōōt tukun tōkōl kilēē wōloo mwoortooy :siruut chēpō *Muusa, chēpō *ōōrkooy chēpō Iriin ākōō chēpō mpō kiitapuu Tuumwēy chēpō Kāāloosunō akipō aneen.”
45 Kung'uuti nyuun :Yēēsu kiineetanik kusōwu kiyoo kiimwoorēy :siruut chēpō Iriin. 46 Kimwoochi :Yēēsu kiineetanichoochēē kilē, “/Kiikusir kilē, nyārilēy *:Meesaaya akima, aku nēē mii pērēētuu nyēpō sōmōk, kung'eetee meerat. 47 /Kyoomtooy lōkōōyichu kāroomēēn /akēēnyōōchi kaat choo wāliisyēy nkōō rāyiityēēng'waang' nkōō kaarineenyiin, kēētoowunō Chēērusālēēm akuyāmu kōōrootin tōkōl. 48 Akwaan chu āmwoortooy tukuuchu tōkōl kaaroo. 49 Āwēētii āyookwook kiyoo kiiyoomiisook :Paapeenyuun. Ātēpiisyēē nyuun kōōrooni ākōy /kēēkōōnook kaamuuka nyoo chōōnēē im.”
/Kēē-āpēy Yēēsu kuwō kipsēnkwēt
Maarkō 16:19; Pāyiisyōōnik 1:9
50 Nēē mii lētuun, kuwēērō :Yēēsu ākōō kiineetanichoochēē Chēērusālēēm kutāchinii keey kamaspō Peetannya. Paani ka-it yoo kiilēēkitō Peetannya, ku-āp ēēruunēchiich im akuupēēruur kiineetanichoochēē. 51 Kutākumii :Yēēsu kuupēēruurēy kiineetanik, /kēē-āp kuwō kipsēnkwēt. 52 Kukutunchi akuuloosu :kiineetanichoochēē Yēēsu akuwaraka kuureer Chēērusālēēm ku pāypāyō. 53 Kitas taay kung'eetee pērēētuunoonēē kupkoonēy *Kōpō Iriin kipa kuuloosuuy Iriin saayit aka tōkōl.