Kiiryoontooyiin nyoo ng'oroom
16
1 Kumwoochi :Yēēsu kiineetanichiich kilē, “Kiimii :chiich nyoo kii lēē mōkōryoon akiiting'ēy chiinyiin nyoo kiiryoonchinii tukuuchiich. Kiiryoonchinii :chiichoonēē kamaspō rōōpiyō. Nēē mii pērēētuu ākoong'o, ku-iti mōkōryoontoonoonēē :ng'ālyoon kilē kiimii :kipāyityoonteenyiin kuululuukēy tukuuchiich. 2 Kukuur :chiitaa kata chiichoonēē kuwō kō akuteep kilē, ‘Nee ng'aleechu kaateer aneen akipō inyēēn? Āmārēy itātwoon tukuuchuuch tōkōl nkōō oor nyaa karaam, āmu moomārēy tee-irwaan pāyit.’ 3 Kuupkaat :kipāyityoontoonoonēē paani kākimwoochi akilē, ‘Koopoot pāyiisyeenyuun. Ara ā-irēy nee aniin? Nēē aroo keey, kumooting'ēy kaamuuka āpāliisyō āmoomārēy āsoomsyō. 4 Ānkēt kiyoo ā-irēy paannyēēnyi si nēē rook pāyiisyōōni, āting'ēy choorway chaa chaang' choo tookoon nkōō kēēstoonikwaak.’5 Kukuur nyuun :kipāyityoontoonoonēē chiich aka tōkōl nyoo kiiting'ēy pēsēnpō mōkōryoonteenyiin kuchō tākung'alaala ng'aleechoochēē. Kuteep nyēpō taay kilē, ‘Iting'ēēnyēēn pēsēn nyaa tyaan nyēpō mōkōryoonteenyuun?’ 6 Kilē :nyoonēē pō taay, ‘/Kurookoon tērēēn pōkōl chēpō mwaarpō *musēytuun.’ Kilēēchi :kipāyityoontoonoonēē, ‘Tēpēē ng'wēny akiisir konom.’ 7 Kuteep aka kilē, ‘Ā-inyēēn /kurookiin ata?’ Kuwalta kilē, ‘/Kurookoon soompuruun choo lēē ēlup ākoong'o chēpō nkaanu.’ Kumwoochi :muroonoonēē kilē, ‘Sira kilē iting'ēy soompuruun choo lēē pōkōl sisiit chēpō nkaanu.’
8 Kumwa :mōkōryoonteenyiin kilē, ‘Mpō ntā chiich chiichi nyoo māpō man, ku ng'oroom.’ ”
Kumwa nyuun :Yēēsu kilē, “Nkēt keey :piich chēpō ng'wēny nkōō wōloo irtooy tukuukwaak nkōō ng'oroomnyeeng'waang' kusiir :piich choo kiikunyōōru lēpkēēyoo Iriin.”
9 Kitas taay :Yēēsu kilē, “Koomwoorwook kilē, āpāyiisyēērēē mōkōrnoonti nyēpō ng'wēny anamee choorwoonti si nee rook /keetaakaak nkōō wōloo mii *:sopoon nyēpō ākōy. 10 Chiich nyoo /kiirānēy nkōō tukun choo ng'ērin, /kēērānēy mpō nkōō tukun chaa chaang'. Ku nyoo /mākuurānēy nkōō tukun choo ng'ērin, ku /mākuurānēy mpō nkōō tukun chaa chaang'. 11 Ku nēē kiimēēchō chiich nyuun nyaa ranaat nkōō mōkōrnoonti nyēpō ng'wēny, kēērāniin kilē nee nkōō mōkōrnoonti nyēpō kipsēnkwēt? 12 Aku nēē mēēnyēēn ranaat nkōō tukun chēpō piich walak oo, ku ng'oo nyoo kōōniin tukun choo kātā chookuuk?
13 Moomii :kipāyityoon nyoo muukēy kupāyiisyēēchi mōkōrō ārēēny. Nēē ir kilēē nyoonēē, kusāsēy aka akicham aka, ntā kupāyiisyēēchi aka akureeng' aka. Kunyuun, mēēmuukēē /kēētuuyō pāyiisyoo Iriin ākōō ng'alēēpō rōōpiyō.”
Ng'al walak choo kiimwooru :Yēēsu
14 Paani kateer *:Parisaayiik walak kiyoo kiimwooru :Yēēsu, kuroorāchi, āmu kiichāmēy :akwaaneek rōōpiyō. 15 Kumwoochi :Yēēsu kilē, “Akwaan chu ā-irtooy keey kilē āpēērēy keey nkōō taayuu piich, nkuunkēt :Iriin tuurin pō moo nyoo āting'ēēkwaan. Tukun choo pkootēy :piich kilē tukun chēpō im, kusāsēy :Iriin āmu raacha.
16 Ku toomō kutoowu :Koopootiisāniin Chowaana ku-amtaata lōkōōy choo kāroomēēn, ku kii ng'alēēpō *:Muusa ākōō chēpō *ōōrkooy chu /kiikyoomtooy pērēētuusyēchoochēē. Kung'eetee pērēētuusyēpō :Chowaana /kutākēēmii /kēē-āmtootēy lōkōōy choo kāroomēēn chēpō Pāyuunātoo Iriin, akimii :piich chaa chaang' kuutyāmēy kupooryēērō Pāyuunātoonoonēē. 17 Nyumnyum nyuun kuuwoonyō :imu ākōō ng'wēny kusiir kupēt :ng'ālyoon mpō ākoong'o nyēpō ng'ātuutēchoochēē. 18 Chiich aka tōkōl nyoo keetyaak cheepyooseenyiin aku-āp cheepyoosee aka, ku kāsiir karwa. Ku chiich nyoo kā-āp cheepyooso nyoo keetyaak :poonteenyiin, ku kāsiir :mpō chiichoonēē karwa.”
Lasaaro ākōō chiich nyoo kiilēē mōkōryoon
19 Kitas taay :Yēēsu kumwa kilē, “Kiimii :chiich nyoo kiilookēy sirōōy choo kāroomēēn choo /kiiku-ālēē rōōpiyō chaa chaang'. Kiichāmēy :chiichi ku-āmēy tukun chēpō lala pērēētuu aka tōkōl. 20 Akiimii nyuun mpō :chiich nyoo kiinyir kimootiin pōōr nyoo kiikukuurēē Lasaaro. Kiipa kuumokoonchinii :piich Lasaaro kaa mōkōryoontoonoonēē kurkat 21 kilē siku-am rarakan choo chintooy paani mii ku-āmiisyēy :mōkōryoontoonoonēē. Kiipkoonēy mpō :sukōyēy akupa kumeel kimootiinak.
22 Nēē mii lētuun, kima :Lasaaro. Kuumut *:malaykeen kuwō kutēpō nkōō *Apraam mu kipsēnkwēt. Nyoo matyaan, kuureer kima :mōkōryoontee. /Kēētup, 23 aku paani kapa /kēēwiirchi wōloo mii :ma nyēpō ākōy, kuuro *Apraam nkōō kipsēnkwēt kimii ākōō Lasaaro.
24 Kukuur :mōkōryoontoonoonēē *Apraam kilē, ‘Paapa Apraam! Riireenaan akiiyooku Lasaaro kuchō kutiing'ō pēr moorineenyiin wal sikutisuunēēnoon ng'alyaptiinyuun āmu ātēērēy ng'woonin nkōō mayi.’ 25 Kumwoochi *:Apraam kilē, ‘Wēēriinyuun, mārēy ipkaat kilē paani kiitēēsopoot, ku kiinyōōru tukun tōkōl choo kāroomēēn choo kiimārēy, kinyōōru :Lasaaro ng'woonin. Kunyuun, mii /kēēkooykooyēy aniinee :Lasaaro nkōō wōli karaam, imii :inyēēn ng'woonin. 26 Aku mii mpō :kēpēn nyoo ōōw kwēēnuunyoon nyoo nēē lē :chiich aka tōkōl nyoo mii wōli kuchō kamasoonēē, ku mēēmuukēē. Moomii mpō :chiich nyoo muukēy kuchōōnō kamasoonēē kuchō kamasi.’ 27 Kilē :mōkōryoontoonoonēē, ‘Paapa Apraam, āsoomiin naas imwoochiiwoon Lasaaro kuwō kataa paapeenyuun 28 wōloo mii :wēēchiichooch choo lēē muut kuwō kuriirchiiwoon sikuriip keey simapka wōli pō ng'woonintoni tēēnō nyi.’ 29 Kuwālchi *:Apraam kilē, ‘Ting'ēy :wēēchiikwook *Muusa ākōō *ōōrkooy chēpō Iriin choo riirchinii akwaaneek. Muukēy kuteer :wēēchiikwook kiyoo mwoochinii.’ 30 Kuwālchi :mōkōryoontoonēē *Apraam kilē, ‘Paapa Apraam, māyāmēy nyoonēē kipaat! Kaykay nēē /kiiyooytō chiich nyoo kiikima akung'eeta meerat. Muukēy kuwāliisyō nkōō rāyiityō nyoo kiiku-ir.’ 31 Kuwālchi *:Apraam chiichoonēē kilē, ‘Nēē māmārēy :wēēchiikwook kuteer kiyoo mwoorēy *:Muusa ākōō *ōōrkooy chēpō Iriin, ku mēēmuukēy mpō kuteer chiich aka tōkōl nyoo kang'eeta meerat.’ ”