Kārkēēyin nyēpō keecha nyoo kiipēt
15
1 Kiimii :ātoo kiipkoonchi Yēēsu :kwāriipō *kōōti chaa chaang' ākōō kipng'ōōkiis. Kiipa kuyāpchinii :pichoochēē iit kiyoo kiinēētēy :Yēēsu. 2 Kukwiintaan *:Parisaayiik ākōō koonēēt chēpō ng'ātuut kumwoorēy kilē, “Āmu nee sikutookēy :chiichi piich choo lēē kipng'ōōkiis aku-āmiisyēy :tōkōl?”3 Kumwoochi :Yēēsu pichoochēē kārkēēyin kilē, 4 “Ntā ting'ēy :chiich ākoong'o nkōō akwaan kēēchiirēchiich pokol akuupoot ākoong'o, muukēy chiichoonēē ku-ir nee? Mētinii rokony choo lēē tāmānwook sokool nkōō sokool akuwō kuwasaata nyiinō aka pētoot ākōy kunyōōru? 5 Nēē nyōōru kikālāpchi sōō kaat aku-āpu ākōy kaaw kupaypay? 6 Nēē it kaaw, kikuurēy choorweeyiichiich nkōō piichiich pō saang' akupāypāchi tōkōl keechaanoonēē, āmu kānyōōru.
7 Lēē nyuun nyēēnyi wōloo pāypāyituuntooy :Iriin nkōō kipng'ōōkiyoon ākoong'o nyoo kawala kusiir piich tāmānwook sokool nkōō sokool choo pkootēy kilē mēērookēē kuwāliisyō.”
Kārkēēyin nyēpō rōōpiyoon nyoo kiipēt
8 Kitas taay :Yēēsu kumwa kilē, “Ntā mii :cheepyooso nyoo ting'ēy rōōpiyeechiich choo lāsēē keey akuupoot rōōpiyoontēē ākoong'o. Mēēnoomēy taayit akuupuuk koot tōkōl ākōy kunyōōru rōōpiyoontoonoonēē? 9 Nēē nyōōru, kukuur choorweeyiichiich ākōō piichiich pō saang' akup kupāypāyiituuy tōkōl.
10 Lēē nyuun nyēēnyi wōloo pāypāyiituuntooy *:malaykeen chēpō Iriin nēē wala :kipng'ōōkiyoon ākoong'o.”
Wēērii nyoo kiipēt
11 Kitas taay :Yēēsu kumwa kārkēēyin kilē, “Kiimii :chiich nyoo kiiting'ēy wēēchiichiich ārēēny. 12 Kimwoochi :wēērii nyi mining' apoonyiin kilē, ‘Apoo, chārwoon tukuuk chaachuuch.’ Kucham :apoonyiin, akichar tukuuchoochēē. Kuutē wēērii nyi ōōw chaachiich akuutē nyi mining' chaachiich.
13 Paani kāsiirtō :pērēētuus choo ng'ērin kung'eetee /kēēchārchinii wēēchoochēē tukuukwaak, kunam :wēērii nyi mining' chaachiich akuwēēchi keey kōōrēē aka nyoo lōōw kuwō ku-amaateera tukuuchiich lala.
14 Paani keewaang' :wēēroonēē ku-āmēy tukuuchiich, kuchō :piri kōōroonoonēē nyoo /kinyārēy keelat aku kiimaakiting'ēy :wēēroonēē kir nyoo kiitāku-āmēy. 15 Kuwō nyuun kataa chiitō aka nyēpō kōōroonoonēē kuwō kupāyiisyēēchi. Kuuyooytō :chiichoonēē kuwō pareenyiin kuwō kuriipchi nkurwēētiin. 16 Kwaam wēēroonēē :piri kuti mārēy ku-am āmiisyō nyēpō nkurwēētiin āmu moomii :chiich nyoo kiitē kir ku-am. 17 Kuupkaat akilē, ‘Nyōōruuy kipāyitiin chēpō apoonyuun āmiisyō nyoo yāmēy ku-am kuti ng'ētu :walak aku aneen nyi kaaman :piri kilēē nyi? 18 Kaykay awaraka kaaw ākoowō āmwoochi apoonyuun kilē, “Paapa kyoolēēluun ākōō Iriin. 19 Maakuurookēē toolēku laakwēēng'uung'. Kanyaan ālēku ākoong'o nkōō kipāyitiinēkuuk.” ’
20 Paani keewaang' :wēēroonēē kuupkootēy kilēē nyoonēē, kung'eet akunam paan kuwaraka katang'waang'. Paani kariik ku-it katang'waang', kuuro :apoonyiin. Kii nēē sōwu kilē kii wēēriinyiin nyoo kiikiikupēt, kung'at :moo akuurip kutorook. 21 Kumwoochi :wēēroonēē apoonyiin kilē, ‘Apoo, kyoolēēlchi Iriin ākoolēēluun. Mēērookēē toolēku laakwēēng'uung'.’
22 Kukuur :apoonyiin kipāyitiinēchiich akilēēchi, ‘Āchooku ākoo-āpu kee kilē weel sira nyaa karaam nkōō tōkōl, ākooloochi wēēri. Ātēē pēētēyoon moorineenyiin, ākooloochi kwēēr. 23 Ārēēwuu kiiruk nyoo nāmēy koong' akaapaayeeng' sikee-ama ākēēpāypāyiitu, 24 āmu koo tākusopoot :wēēriinyuun nyoo kyaapkaat kilē kiikima. Kiikiikupēt, nkanyi kaakuwaraka.’ Kitoowu :pichoochēē ku-āmiisyō akupāypāyiituuy.
25 Paani mii ng'aleechoochēē kutāsēy taay, ku kii moomii :wēērii nyi ōōw kata. Kiimiitō pareeng'waang'. Paani kawaraka kaaw, kuteer kutuumēy :piich. 26 Kukuur kipāyityoontēē aka akuteepa kilē, ‘Nēē nyi tuumchinii piich kilēē nyi?’ 27 Kuwālchi :kipāyityoontoonoonēē kilē, ‘Kayeeng' :apoong'uung' kiiruk nyoo nāmēy koong' ku-am :piich, āmu kaakuwaraka :wēēriing'woong' nyoo kiikiikupēt kuchāmēy keey.’ 28 King'woonchi wēēroonēē ōōw kuti tay kuchuut koot. Kuchō :apoonyiin saang' akusaarsaar kilē kuwō kō. 29 Kuwālchi :wēēroonēē apoonyiin kilē, ‘Roo kee, aa apoo, kyaa-iruunyēēn pāyit kēnyiis chaa chaang' choo kiikusiirtō, amoomii :kir mpō ākoong'o nyoo kyaatay aneen a-ir, amēēkōōnoon araan mpō ākoong'o a-am nkōō choorweeyiichuuch. 30 Nkanyi kā nēē waraka :wēēriing'uung' :nyi kiiwō ku-amaata tukuukuuk nkōō cheepaykeeyiin, ichōōyēēnchi kiiruk nyoo nāmēy :koong' nkōō piriir kilē sikēēpāypāchi?’