King'ēētēē :Yēēsu meerat
20
1 Nēē mii pērēētuu nyēpō taay nyēpō wiiki, kii nēē rir kōōrēē, kumusta :Maaryaa Maktaleena ākōy kēpēnēē nyi /kiikutupchi Yēēsu. Paani ka-it, kunyōōru /kiikeemilta korta nyi /kiikukara kēpēnēē. 2 Kii nēē ro kilē moomii :pōōrpō Yēēsu kēpēnēē, kuurip kuwaraka akuwō kunyōōru Siimnyōn Pēētērō ākōō kiineetanaani kiichāmēy :Yēēsu. Kimwoochi kilē, “/Kiiku-āp :piich pōōrpō Kiptaayaan! Moomii kēpēnēē amākuunkēt kilē /kāku-āp ānō.” 3 King'eet :Pēētērō ākōō kiineetanaanoonēē akupa kilē weel ākōy kēpēnoonoonēē. 4 Kiimwēr :tōkōl kupēētii, kuurip kiineetanee nyiinō aka kusiir Pēētērō. Kisip ku-it inyeentee kēpēnēē. 5 Paani ka-it yoonēē, kuung'uruukō akuukōōytō, kuuro sirōōk mii kēpēnēē. Maachuut nyuun :inyeentee kēpēnēē. 6 Kichō :Pēētērō nyoo kiimii kutuupuuy lēt akuchō kuchuut kēpēnēē, kuuro :inyeentee sirōōk mii kēpēnēē. 7 Kiiro mpō anka nyoo /kiikiikurata mētpō Yēēsu, /kiikyaanuk akiimii kamas. 8 Kuchuut :kiineetanee nyi kiisip ku-itu kēpēnēē, kuuro akuuran kilē man kiikung'eeta :Yēēsu meerat. 9 (Ākōy paanoonēē, ku kitoomō kusōwu :pichoochēē siruut choo kiimwoorēy kilē ng'ēētēē :Yēēsu meerat.) 10 Kuwārākiisyō :kiineetanichoochēē wōli kiimāng'ēy.King'uutinii keey :Yēēsu Maaryaa Maktaleena
11 Kuuryoong'ō :Maaryaa kēpēnēē saang' akuriir. Kii nēē mii kuriirēy, kung'uruukō akuukōōytō kēpēnēē. 12 Kuuro *malaykeen ārēēny choo kiilaak sirōōy chaa reelacheen kilē ‘tyal.’ Kiikiitēpō :aka yi kiimii :mētpō Yēēsu kimii :aka kutēpēē yi kiimii kēēlyēēk. 13 Kuteep :malaykeenichoochēē kilē, “Cheepyoosooni, iriirchinii nee?” Kuwālchi kilē, “Kaaku-āp :piich walak Kiptaayaanteenyuun amoonkēt wōli kapa kuutō.” 14 Paani kawarak keey :Maaryaa, kuurō Yēēsu mii kuuryoong'ēē yoonēē. Kiimoosōwu nyuun kilē kii Yēēsu :nyoonēē. 15 Kuteepa :Yēēsu kilē, “Cheepyoosooni, iriirchinii nee? Iwāsēy ng'oo?” Kiipkootēy :Maaryaa kilē kii :chiichi pō paree :nyoonēē. Kumwoochi kilē, “Poontooni, nēē inyēēntēē nyi kēē-āp, imwoorwoon wōli kēēwēētō awaamar.” 16 Kumwoochi :Yēēsu kilē, “Maaryaa.” Kuwaraka :Maaryaa kuuro Yēēsu akimwa nkōō kuutii Yāwuutik kilē, “Rapooni” (Rapooni ku ‘Koonēētiin’). 17 Kimwoochi :Yēēsu kilē, “Cheepyoosooni, meenamaan, āmu toomō āwō Kaa Paapa. Wiyō wōli mii :piichuuch akiimwoochi kilē, āmii āwēētii wōli mii :Paapeenyuun aku Paapēēng'woong', Iriinteenyuun aku Iriintēēng'woong'.” 18 Kuwō :Maaryaa kilēē paani /kākumwoochi. Kuwō kumwoochi kiineetanik kilē, “Kaaro :aneen Kiptaayaan!” akumwoochi kiineetanichoochēē kir aka tōkōl nyoo kiimwoochi inyeentee :Kiptaayaan.
King'uutiinii keey :Yēēsu kiineetanichiich
19 Nēē mii pērēētuunoonēē kosoliny, kuurum keey :kiineetanipō Yēēsu akukarta keey kō āmu kiiwārēy kāāntōōy chēpō Yāwuutik. Kichō :Yēēsu kuuryoong'ō kwēēnuung'waang' akuutaakwees pichoochēē kilē, “Kuupēēruurook :Iriin ākoonyōōru kaalya.” 20 Paani kaakumwa kilēē nyoonēē, kung'uuti akwaaneek ēēruunēchiich ākōō pēēruut nyoo kiimii karaastanyiin. Kipāypāyiituuy :kiineetanik kwōng'uut paani keero Kiptaayaan. 21 Kuureer kumwoochi :Yēēsu kilē, “Kuupēēruurook :Iriin, ākootēpi nkōō kaalya. Kilēē paani kiiyookwoon :Paapaan, ku āyooytooyook mpō.” 22 Kuupuusi :Yēēsu kiineetanichoochēē yoomēt akumwoochi kilē, “Ataaka Toomirmiir nyoo Tiliil. 23 Nēē ānyōōchi piich kaat ng'ōōkiikwaak choo kiiku-ir, kunyōōchinii :Iriin pichoochēē kaat, ku nēē moonyōōchi kaat, kumā /kunyōōchinii kaat.”
King'uutinii keey :Yēēsu Toomaas
24 Kii moomii :Toomaas (nyoo /kikukuurēē nkōō kaarinee aka Sārāmwō) paani kiing'uutinii keey :Yēēsu kiineetanik chuuchō walak. 25 Kii nēē itu :Toomaas, kumwoochi :kiineetanik chuuchō walak kilē, “Kakuuroo Kiptaayaan.” Kuwālchi :Toomaas kilē, “Moorānaa ākōy aroo pēēruut choo mii ēēruunēchiich choo /kiikupara kipchuumaariin ākootiing'ēē ēēruunyuun pēēruut nyoo mii karaastanyiin.”
26 Paani kāsiirtō :pērēētuus choo lēē tisap, kuurum keey :kiineetanik akukarta keey kō. Kiimii :Toomaas nkōō kiineetanichoochēē. Kuchō :Yēēsu koot akikaraat kurkee, kuuryoong'ō yi mii :kiineetanichoochēē akumwoochi kilē, “Kuupēēruurook :Iriin ākootēpi nkōō kaalya.” 27 Kuwārāchi keey :Yēēsu Toomaas akumwoochi kilē, “Toomaas, chōōnō kee roo ēēruunēchuuch akiitiing'ēēnoon moorinēēng'uung'. Tiing'ēē kee ēēruunēkuuk pēēruutēchu mii pōōrtanyuun. Mēētoomtoomānēy, rana kipaat.” 28 Kuwālchi :Toomaas kilē, “Inyēēn :Kiptaayaanteenyuun, aku inyēēn :Iriinteenyuun.” 29 Kumwoochi :Yēēsu Toomaas kilē, “Toomaas, kēētiirēēnoon keey āmu keerootaan? Pēēruuroot :piich choo tiirēēnoon keey kutoomō kuurootan!”