King'ēētēē :Yēēsu meerat
28
1 Paani kāsiirtō :pērēētuu *Sapaato, tēēnō kēērir :kōōrēē, kuwō :Maaryaa Maktaleena ākōō Maaryaa nyiinō aka kuuro kēpēnēē. 2 Kichō :kiprang'rang' nyoo ōōw kōōrēē akichōōnō kipsēnkwēt *:malayiika, akumiimilta koroonēē akutēpēērō. 3 Kiiryālēy *:malayiikayaantaanoonēē kilēē iilat akiireelacha :sirōōchiich kilēē asiis. 4 Kuuwāriisyō :askariik chu kiimii yoonēē, kupōōtānchō akuuputyō kilēē piich choo kāmēērō.5 Kumwoochi *:malayiikaayaantee chēēpyōōsōōchoochēē kilē, “Moowāriisyō! Ānkēt :aneen kilē āmii āwāsēy Yēēsu nyoo /kiikupārchi kimurtooyoon. 6 Maakumii yēēnyi. Kaakung'eeta meerat kilēē paani kiimwoorēy :inyeentee. Apkaana aroo yi kēēmii pōōrtō. 7 Apee kilē weel akaapa āmwoochi kiineetanichiich kilē, ‘Kaakung'eeta Yēēsu meerat akaakuuntoroorteereenaak kuwō Kalilaaya wōloo āpēētii ānyōōrchinii.’ Nyoonēē nyi koochōōnēy āmwoorwook.”
8 Kupeera :chēēpyōōsōōchoochēē yoonēē kilē weel kuuwāriisyēy akupāypāyō. Kimwēr kupa kumwoochi kiineetanipō Yēēsu ng'aleechoochēē. 9 Kumii :chēēpyōōsōōchoochēē aree kitākumwērēy, kutuuyō nkōō :Yēēsu. Kuutaakwees :Yēēsu akwaaneek. Kupka kunam Yēēsu kēēlyēn akuuloosu. 10 Kumwoochi :Yēēsu chēēpyōōsōōchoochēē kilē, “Amoowāriisyō. Apee āmwoochiiwoon kiineetanichuuch kupa Kalilaaya kipa kēēnyōōruuy keey nkōō wōloonēē.”
Kiyoo kiimwaarta :askari
11 Paani mii :chēēpyōōsōōk kupēētii, kupa :askariik walak Chēērusālēēm kipa kumwoochi *tisiik choo ēēchēēn kir aka tōkōl nyoo ka-ira. 12 Kutuuyō nyuun *tisiik choo ēēchēēn ākōō kāāntōōy akicham kuutē askariik rōōpiyō chaa chaang' si kung'uurnaan 13 akumwoochi kilē, “Āmwoochii chiich aka tōkōl kilē kapka :kiineetanipō Yēēsu lang'a akichoor pōōrpō Yēēsu paani koomii rwoon. 14 Ku nēē iti :ng'aleechu pāytooyiin, kēēng'āloolchinii :achaan kukaraam, mēēlē nāmook :ng'ālyoon.” 15 Kunam :askariik rōōpiyēēchoochēē aku-ir kilēē paani /kaakēēmwoochi. Kiyāmu :ng'aleechoochēē kiimwoorēy :askariichoochēē wōloo mii :Yāwuutik ākōy paannyēēnyi.
Kung'uutinii keey :Yēēsu kiineetanichiich mu Kalilaaya
16 Kipa :kiineetanichoochēē kii taman nkōō ākoong'o tul nyoo mii Kalilaaya yoo kiimwoochi :Yēēsu kilē kupa. 17 Paani keero :kiineetanichoochēē Yēēsu, kuuloosu mpō tākiimii :choo kiitākuunooknookēy. 18 Kuriichi :Yēēsu kiineetanichoochēē akumwoochi kilē, “/Kiikēēkōōnān kaamuuka tōkōl mu parak ākōō ng'wēny. 19 Apee nyuun a-ira piich tōkōl nkōō kōōrootin tōkōl kilēku piichuuch, akaapaatiisan nkōō kaarinaa Paapa, ākōō nyēpō Wēērii, ākōō nyēpō Toomirmiir nyoo Tiliil.a 20 Aneeta pichoochēē ku-ir kir aka tōkōl nyoo kyaaneetaak. Ākoomii man nkōō akwaan pērēētuus tōkōl, ākōy lēt nyēpō ng'wēny.”