KAYTAKU KA
JUDAS
AŊIICUM
Hûcukumahu hata kayta'uke
Judas atii Tiyaagu, deeli ga oo atii Jesus (Mat 13:55; Bag 1:14). Be kayta'uke katawool koku ma kunaamoorum di kaytaku kugabutaku kata Pedru, be wahaw wa Pedru ammi wôwareesewuum (2 Ped 2:1), Judas nâanul wahaw uwu ûrillo ban. Naŋiic kurimaku kâhaahum noon, mata bulhikitenaabu bagawutum balhegenumaayabu kâgawikoorem kayooŋ Emitay. Nacecen'poop bûynenaabu ma bujaŋen di kâynenaku ka Emitay ewuum êsukay yata yo di hanor be nanoonan. Naloo'poop di kaan elobay yata Emitay yeeliit etiinoori, be mbi eyabi ma ujamaal di yo. Moo, versikulu sigabaasu sîbanumasu, seeliye sisohi di ûyegetaw watoolaal, mata naanu ya siŋari sigawumi kalhawaku kata hûbanumahu hata kâmebooraku kata bûynenaabu.