KAYTAKU KUGABUTAKU KA PAWLU AŊIICUM BE BATA GRÎSIYA YATA
KÔRINTU
Hûcukumahu hata kayta'uke
Na Pawlu aŋiicum kaytaku kûtiyaaraku kata Kôrintu, ban nâcaalhul di êsukay yata Ephesu ma ayûur be Masedoniya yagam yata di bantaabu bata karebaku kata Greesiya kata ba jaley âlowumem. Ña Tiitu nakay be bo ma nki añaaŋeniil wahaw wajakaaw wata bukanaku kata Kôrintu (7:5-7), be ga non dôo Kôrintu baje bukanaku kalatum kajam wahaw wa Pawlu añaaŋeniim mata kusohutool non annahaan ata êgrisiyaay. Ña naŋiic kayta'uke ma abon'ko Tiitu ma akay di ko (8:6, 16-17). Na câatom Pawlu nakay ki ayuugeniil (Bag 20:1-3). Bo ba aŋiiculom kaytaku kata be bata grîsiya yata Rooma.