Ləbar Malaw atalan Yesu Kristu
MATA mə ɗəɗefu
Didiy ngə Yesu
1
Anhi zlim ngə didiy ngə Yesu Kristu: Dehen məkuturkutur acin Dawda, Dawda təm dehen acin Ibrahima. 2 Ibrahima mbuw Isiyaku,Isiyaku mbuw Yakubu,
Yakubu mbuw Yahuda avə galmənigi.
3 Yahuda mbuw Peres avə Zara, mamay tan acin Tamar.
Peres mbuw Hesrunu,
Hesrunu mbuw Siriya,
4 Siriya mbuw Aminadabu,
Aminadabu mbuw Nasunu,
Nasunu mbuw Salmuna,
5 za Salmuna mbuw Bohes. Mamay ngə Bohes acin Rahab.
Bohes mbuw Obet, Rut acin mamay tik.
Obet mbuw Yesa,
6 Yesa mbuw bay Dawda.
Dawda acin mə mbuw Suleymanu. Mamay ngə Suleymanu acin wer ngə Uriya.
7 Suleymanu mbuw Robowam,
Robowam mbuw Abiya,
Abiya mbuw Asa,
8 Asa mbuw Yosafat,
Yosafat mbuw Yoram,
Yoram mbuw Uziya.
9 Uziya mbuw Yotam,
Yotam mbuw Akas,
Akas mbuw Hezekiya,
10 Hezekiya mbuw Manasa,
Manasa mbuw Amon,
Amon mbuw Yusiya,
11 za Yusiya mbuw Yekoniya avə galmənigi mandal hidiy tə Babila mə kawiy Israyiligi am bahlam.
12 A dəwən maa kawiy Israyiliy am bahlam a Babila za,
Yekoniya mbuw Salatiyel,
Salatiyel mbuw Zorobabila,
13 Zorobabila mbuw Abihuda,
Abihuda mbuw Eliyakim,
Eliyakim mbuw Ajora,
14 Ajora mbuw Sadok,
Sadok mbuw Ahim,
Ahim mbuw Eliyuda,
15 Eliyuda mbuw Eleyazaru,
Eleyazaru mbuw Matan,
Matan mbuw Yakubu,
16 Yakubu acin mə mbuw Yusufu. Yusufu səna acin zelen ngə Mariyama.
Mariyama acin mə mbuw Yesu. Yesu səna acin mə njə kə luwta Kristu.
17 Dəga Ibrahima hos am bay Dawda, mə ɗiya didiy gəɓ atalan foɗ. Za bah dəga am bay Dawda hos am pic hidiy tə Babila mə kawiy Isirayiligi am bahlam, mə ɗiya didiy gəɓ atalan foɗ. Zəni a dəwən hidiy tə Babila mə kawiy Israyiliy am bahlam hos am mbuw ngə Yesu Kristu, mə ɗiya didiy gəɓ atalan foɗ.
Mbuw ngə Yesu
18 Anhi təkən mə ton mandal mə mbuwiy Yesu Kristu. Mariyama mamay ngə Yesu səna Yusufu acin taa dəm tik. Amma dəga a dəmiy kəsəm gesin bəgwən, Mariyama ɗəliɓi avə gədan ngə Mbiɗ ngə Bayzlav. 19 Yusufu hid taa dəm Mariyama səna, sin hid maa tiɗtiɗe. Sin aa may kə cakway ma tik hayya a hidiy kwən. Sin a ɓən kə geɗ kaɗ avə ɓah. 20 Mandal sin aa ɓən kə geɗ kaɗ səna, Mbaslay ngə Bayzlav yenni am sisin. Mbaslay səna ɗiya luwenni: ‹‹ Yusufu, dehen ngə bay Dawda, hoh gər kə hovok kə ɓiy wer hoh taa dəm nhi kwən. Kər tə liɓ werti koh səna, gədan ngə Mbiɗ ngə Bayzlav acin mə ɗiy tik. 21 Sin av kə mbuw kərtawəl. Za hov kə cen zlimi Yesu. Sin av kə mbəl hidiy ngetik aa mə mə ngavngav ngatan za. ››
22 Təkəniy səna a toniy atəgo , kə jan kə ɗiy tiɗtiɗe mana Bayzlav Məmar hidi mə luwu a ma ngə mokotuf tik. Sin a luw:
23 ‹‹ Midimi mətak sən mawəl av kə ɗəliɓi,
sin av kə mbuw kərtawəl,
za av kə centa zlimi Emanuwela.
Mana kə luwa kaɗ: ‹Bayzlav awan avə yikwan.› ››