A Pangarwang Sorat ni Pablo
Timoteo
Kapinonan
A Pangarwang Sorat ni Apostol Pablo ki Timoteo amo a manga kaatolan sa usad na hobin na ngod sagkud kaiba-iba sa pagsisirbi sa Diyos. Pakatagal a pinakatema kadi. Inaatolan ni Pablo si Timoteo sagkud pinapakusug a buut kadi tanganing magpadagos na maimbod sa pagpapatonay para ki Jesu Cristo, sagkud makusug na pangaptan a manga katottoroan ka Banal na Kasoratan. Inaatol man niya na gibowon ni Timoteo a manga gigibowon niya bilang paratottoro ka Maraay na Bareta, sagkud gibowon a ngamin na adi sa loyo ka manga kadipisilan sagkud manga pagkontra kanya ka manga tawo.
Maigpit man niyang pinataniran si Timoteo manungud ka manga uda kamutangan na pakikipagdiskotir na uda man naitataong maraay, kindi nakakaparaut pa.
Sa ngamin na adi, pinaparumrum ki Timoteo ni Pablo na arugan a kanyang pagtobod, pagkabuut, sagkud pagtitiyaga, dawa sa bitnga ka manga kadipisilan.
Sa sorat na adi, nagpapahiwatig man si Pablo na iya madali nang magraan. Alagad, nagtotobod iya na maboboway otro holi ka pagtobod niya ki Cristo (4:6-8). Kaya ipinarumrum man niya ki Timoteo a tonay na buut sabiyun ka itinitottoro nira:
Manga Luug
Kapinonan 1:1-2
Pag-omaw sagkud Pagsadol 1:3-2:13
Manga Kaatolan sagkud Patanid 2:14-4:5
So Sadiring Kamutangan ni Pablo 4:6-18
Kataposan 4:19-22