Baloa l'inda ibale nda Pɔlɔ ang'a
Timɔtɛɔ
Moo a yɔnga
Ketabo l'inda 2 Timɔtɛɔ a nde baloa l'inda ibale, inde ntetei Pɔlɔ ai aanndekei ngolì nde maɛ Timɔtɛɔ. Pɔlɔ ai aandeki baloa nde nde a sungiaga la lenda l'aɛ, na a mbènɔ ndɔ ai asub'a ngɔmɔ naa Lɔma (1.16). Ai baúbhana kpɛɛ na Timɔtɛɔ, na a nkobà ati ankoga ate naɛ (Fil 2.22; 1 Tim 1.2; 1.18).
Asub'a Nsaeɔ nda Mbènɔ-mbènɔ a au baloa atɔɔ nde Ntetei Pɔlɔ ai aeandekei bato bɔbhu nde ba asub'a kanisà, mpa na a baloa ini ab'aeandekea bato moti-moti sìa bía: Timɔtɛɔ, Titɔ na Filɛmɔnɔ. A elemɔ ndɔ, asub'a lɛɛngɔ a Lɔma bakilisitɔ ai bamɔni giti. Aangisi, kanga mbéa, Pɔlɔ ai n'aha a ngɔmɔ mbènɔ nde aandeki na baloa nde. Mpa indɔ yɛu aangisi anhana Timɔtɛɔ bende aikɛ asub'a enobɔ. Bía a baloa nd'aɛ nd'imoti, Pɔlɔ ai anngodea nkobà ati ate aeteɛ bande batambisa egolisi a mbéa (1 Tim 1.16-18). Na a indɔ anngodei ate esa nde abhia mande nde akáli (3.1).
Buanaga la baloa
Baloa nde abuanigi a hale itanɔ:
1. Pɔlɔ akɛngɛtisi na sesea la Timɔtɛɔ (1.1-2) na dhodeisa la meema aɛ (1.3-18)
2. Anhani a yɔnga la mbènɔ a enobɔ (2.1-13)
3. Anhani a sinde nto aanga alenda nee (2.14-26)
4. Ankengemisi Timɔtɛɔ a yɔnga nde abhia lɛ a sungia na sinde nto aanga amanisa nee (3.1-17)
5. Ampi Timɔtɛɔ maanɔ nde anengi iyɛ amɛnɛ (4.9-22).