LABAARI GEA
NGE MƐ MAAKU U YORUA
Durɔ wi u tire te yoruɑ, win yĩsirɑ Yohɑnu Mɑɑku. U ǹ sɑ̃ɑ Yuu. U sɑ̃ɑwɑ Bɑɑnɑbɑsin dusi.
Mɑɑku u kĩ u tɔmbu Yesun Lɑbɑɑri geɑ sɔ̃. U sɔ̃ɔsi mɑ Yesu u bɔsu u tɔmbu geɑ kuɑmmɛ, mɑ u be bɑ wɑ̃ɑ Setɑm nɔmuɔ bɛkiɑmɔ. Domi Gusunɔ u wɑ̃ɑ kɑ wi. Mɑɑkun tire ten gɑri mɛro yɑ wɑ̃ɑwɑ Mɑɑku 10:45 sɔɔ. Yɑ nɛɛ, Tɔnun Bii u nɑwɑ u kɑ gɑbu sɑ̃ kpɑ u gbi u kɑ tɔn dɑbinu yɑkiɑ.
Tire ten kpunɑɑ
1. Yesun Lɑbɑɑri geɑ, wiru 1:1-13.
2. Yesun sɔmburun tore Gɑlileɔ, wiru 1:14n di sere wiru 9:50.
3. Yesun dɑɑru Yerusɑlɛmu giɑ, wiru 10.
4. Yesun wɑ̃ɑru Yerusɑlɛmuɔ, wiru 11n di sere wiru 13.
5. Yesun gɔɔ kɑ win seebu gɔrin di, wiru 14n di sere wiru 16.