LABAARI GEA
NGE MƐ LUKU U YORUA
Luku, wi u tire te yoruɑ, u sɑ̃ɑwɑ Gɛrɛki. U yɛ̃ru mɔ, u sɑ̃ɑwɑ dokotoro, Kol 4:14. Teofiruwɑ u tire te yoruɑ. Teofiru wi, u ǹ mɑɑ sɑ̃ɑ Yuu. Yen sɔ̃nɑ ye u Yesun bwese tɔ̃kɑn gɑri mɔ̀, u girɑriwɑ sere Adɑmun mi, wi u sɑ̃ɑ tɔmbu kpuron bɑɑbɑ. Luku u kĩ u sɔ̃ɔsiwɑ mɑ Yesu u sɑ̃ɑwɑ tɔmbu kpuron Fɑɑbɑ kowo, n ǹ mɔ Yuubɑ tɔnɑgii. U mɑɑ sɔ̃ɔsi mɑ Yesu u tɔmbu kpuro kĩ, bwɛ̃ɛbwɛ̃ɛbu kɑ dɑmgibu kɑ sɑ̃ɑrobu kɑ gobigibu kɑ kurɔbu kɑ durɔbu kɑ bibu.
Tire ten gɑri mɛro yɑ wɑ̃ɑwɑ ten wiru 19:10 sɔɔ ye yɑ nɛɛ, Tɔnun Bii u nɑwɑ u kɑ kɑsu be bɑ kɔ̃ɔrɑ u bu fɑɑbɑ ko.
Tire ten kpunɑɑ
1. Yohɑnu Bɑtɛmu kowo kɑ Yesun mɑrubu kɑ Yesun biru, wiru 1n di sere wiru 2.
2. Yohɑnu Bɑtɛmu kowon wɑɑsu kɑ Yesun kɔkiribu, wiru 3n di sere wiru 4:13.
3. Yesun sɔmburu Gɑlileɔ, wiru 4:14n di sere wiru 9:50.
4. Yesu u wɑ̃ɑ Yerusɑlɛmun swɑɑɔ, wiru 9:51n di sere wiru 19:28.
5. Yesun sɔ̃ɔsi dɑ̃ɑkinu bɑtumɑ sɔɔ, wiru 19:29n di sere wiru 21:37.
6. Yesun sɑnɑm dɑ̃ɑkim hɑnduniɑ sɔɔ, wiru 22n di sere wiru 24.