LABAARI GEA
NGE MƐ MATEU U YORUA
Mɑteun tireru tɑ sɑ̃ɑwɑ Lɑbɑɑri geɑn tirenu nnɛ ye sɑ rɑɑ wɑn teeru. Tire nin bɑɑtere tɑ mɔ ye tɑ nɑɑ gire. Mɑteun tireru sɔɔ u sɔ̃ɔsimɔ mɑ Yesu u sɑ̃ɑwɑ Kirisi wi Gusunɔ u gɔsɑ yellun di. Mɑ bɑ win gɑri yoruɑ Nɔɔ Mwɛɛ Gururu sɔɔ. Yuubɑ bɑ Kirisi wi mɑrɑ u nɑ u bu yɑkiɑ Romugibun nɔmɑn di. Yenin sɔ̃nɑ Yesu u gerumɔ u siremɔ mɑ win bɑndɑ kun sɑ̃ɑ hɑnduniɑ migiru.
Mɑteun tireru tɑ sɑ̃ɑwɑ tire te tɑ Nɔɔ Mwɛɛ Gururu kɑ Nɔɔ Mwɛɛ Kpɑɑrun gɑri swɛɛnɑmɔ, kɑ sere Isirelibɑ kɑ mɑɑ Yesun yigbɛru.
Tire ten kpunɑɑ
1. Yesun bwese tɔ̃kɑ kɑ win mɑrubu, wiru 1n di sere wiru 2.
2. Yesun bɑtɛmu kɑ win kɔkiribu, wiru 3n di sere wiru 4.
3. Yesun sɔ̃ɔsinu guuru wɔllɔ, wiru 5n di sere wiru 7.
4. Bɑrɔbun bɛkiɑbu kɑ gɔrobun gɔrɑn dɑɑbu, wiru 8n di sere wiru 10.
5. Sɔ̃ɔsi ni Yesu u kuɑ, wiru 11n di sere wiru 12.
6. Mɔnnu kɑ sɔm mɑɑmɑɑkiginu, wiru 13n di sere wiru 16.
7. Yesun wɑsin gɔsiɑbu kɑ win Yerusɑlɛmun dɑɑbu, wiru 17n di sere wiru 20.
8. Yesun sɔ̃ɔsi dɑ̃ɑkinu Yerusɑlɛmuɔ, wiru 21n di sere wiru 25.
9. Yesun siribu kɑ win gɔɔ kɑ win seebu gɔrin di, wiru 26n di sere wiru 28.