Naab xaa zee kanap Dios xaa
Salm kwaan mkee David nu mzaa xaaya lo xaa nabeyy lo re xaa nzholl zee selazh xaa.
70
Xtios na,
naab na lo lu:
“¡Te,
zee sela lu na!”
Xaa Tubka Nak,
¡zoza,
te le yud na!
2 Ton re xaa nu gan re xaa nzhekla gut na,
btexonn re xaa nu bzare re xaa;
re xaa nzhekla keeya yek na.
3 Xoon re xaa nu ton re xaa,
re xaa nxizhno na.
4 Rese xaa nkwaan lu kano yalnix nu gak nix xaa,
xaa nkela lu,
nel nle lu yud xaa tubka yé re xaa:
“¡Aka gro nak Dios!”
5 Prob na nu nales doo nzhak na,
Dios le prad te lo na;
lu nak yud cheen na nu nlesla lu ne lu na.
¡Xaa Tubka Nak,
nagakt lu tras!