Re xaa ned
Salm kwaan mkee David, nu mzaa xaaya lo xaa nabeyy lo re xaa nzholl zee seed xaa re myet. Gorna nales nzholl xaa. Maskila.
(Salm 14)
53
Re xaa ned nle xgab leen lextoo:
“Nyent Dios”.
Rese xaa ngulo ngok nakap
nu nle xaa re kwaan nawent.
¡Nyent nik tub xaa nle kwaan wen!
2 Lee Dios axta naz leen yiba nzob xaa,
ngwii xaa lo re myet,
xaa nzho lo yizhyo,
zee ne che nzho tub xaa zaa yek,
xaa nzhekla kwaan Dios.
3 Per rese xaa tira mlaa Dios,
rese xaa mzen naz nawent,
nyent xaa nle kwaan wen.
¡Nik gola tub xaa!
4 Rese xaa nakap nankanot xaa yalnzhak,
nluux xaa re xaa na,
modxa nzhaw xaa yat.
¿Chozhiin nanet xaa kwezh xaa Dios?
5 Nixa nyent cho cheb re xaa,
per lee re xaa zheb doo,
nel Dios cheech xchit re xaa nayii ne lu
nu koo Dios xkalnto xaa,
nel mlaa Dios re xaa.
6 Wen chol naz yi Jerusalén roo xaa zaa yalnaban lo re xaa Israel.
Gorna lee Dios le zee bare re xaa yezh cheen xaa stub welt,
xaa mloo xaa lazh xaa;
¡zeesi chul gak lextoo re xinn Kob
nu nix doo gak lextoo rese xaa Israel!