Dios luux re xaa nzhak gaya
Salm kwaan mkee David, nu mzaa xaaya lo xaa nabeyy lo re xaa nzholl zee seed xaa re myet. Maskila
Gorna lee Doeg, xaa Edom nzha zaa kwent lo rey Saúl nu nzhé xaa: “David nzo garli ngwleyy Ahimelec.”
52
Xaa non,
¿chozhiin nto lu yalxwa lo re kwaan nawent?
Lee yalnkela cheen Dios nak tubka.
2 Kale lu xgab xomod luux lu re myet.
Luzh lu nak mod kuchi kwaan ndox
nu loya nroo nebse yalkade,
3 nu nebse mkela lu kwaan nawent nu nanlet lu xgab le lu kwaan wen
nu nebse nkade lu nu nambezht lu kwaan wli.
{Mbaz}
4 Roo lu nroo yalkade
nu nyakla lu lee xtizh lu nle nzhak nales lextoo stub naz xaa.
5 Kwaanzee Dios luux lu tira;
zen xaa lu nu koo xaa lu paro nzho lu
nu koo xaa lu paro nzho re xaa mban.
{Mbaz}
6 Re xaa nali wii kwaane nu zheb xaa
nu xizhno xaa xaa nu yé xaa:
7 Wii gu lo xaa ne,
xaa namkwaant yalngezh cheen Dios,
sinka mwii xaa lo rese xcheen xaa
nu tubka mle xaa re kwaan nawent.
8 Per wii lo na,
na nak mod yag olib kwaan naye na,
kwaan nzo garli Dios.
Tubka ngwii na lo yalnkela cheen xaa.
9 Tubka gol na lo lu,
lo re kwaan mle lu
nu kwaz na lu kwaan re xaa nkela lu,
xaa nali nak,
nel wen nak lu.