Ble yud na lo re xaa nayii ne na
Salm kwaan mkee David nu mzaa xaaya lo xaa nabeyy lo re xaa nzholl. Nu nzhaal gool xaaya kwaan bagwel. Maskila.
Gorna lee re xaa Zif ngwa nzhé lo Saúl: “David nkaxlaan leeka lo re nu.”
54
Dios,
kwaan le lu,
ble yud na
nu kwaan yalnabeyy cheen lu,
kanap na.
2 Dios,
kenzha kwaan nii na
nu bin re wdizh kwaan nroo roo na.
3 Xaa nanlabeyyt na nzhekla keeya yek na;
xaa nawent nak nzhekla gut na.
¡Nak xaa,
xaa kwaan nangwiit lo Dios!
4 Per lu,
Xtios na,
nak xaa le yud na;
lu,
Xaa Nabeyy,
nak xaa nkanap na.
5 Lu le kwaan nawent lo re xaa nayii ne na,
¡bluux xaa nel nali nak lu!
6 Xaa Tubka Nak,
za na tub gon kwaan gal lextoo na lo lu
nu gol na lo lu,
nel wen nak lu;
7 nel lu mloo na lo re yalnales cheen na
nu mwii na lee re xaa nayii ne na mlux.