Yalned cheen re myet
Salm kwaan mkee David nu mzaa xaaya lo xaa nabeyy lo re xaa nzholl.
(Salm 53)
14
Re xaa ned nle xgab leen lextoo:
“Nyent Dios.”
Rese xaa ngulo ngok nakap
nu re kwaan nle xaa nak kwaan beed.
¡Nyent nik tub xaa nle kwaan wen!
2 Lee Xaa Tubka Nak,
axta naz leen yiba nzob xaa,
ngwii xaa lo re myet,
xaa nzho lo yizhyo,
zee ne che nzho tub xaa zaa yek,
xaa nzhekla kwaan Dios.
3 Per rese xaa tira mlaa Dios,
rese xaa mzen naz nawent,
nyent xaa nle kwaan wen.
¡Nik gola tub xaa!
4 Rese xaa nakap nankanot xaa yalnzhak,
nluux xaa re xaa na,
modxa nzhaw xaa yat.
¿Chozhiin nanet xaa kwezh xaa na,
Xaa Tubka Nak?
5 Xiz re xaa nle kwaan nawent lo yalnacheb,
nel Dios nzo kwaan re xaa nali nak.
6 Re xaa nawent nluux re xgab cheen re xaa prob,
per lee Xaa Tubka Nak,
nak xaa nkanap re xaa.
7 Wen chol naz yi Jerusalén roo xaa zaa yalnaban lo re xaa Israel,
lee Xaa Tubka Nak,
le zee bare re xaa yezh cheen xaa stub welt,
xaa mloo xaa lazh xaa;
¡zeesi chul gak lextoo re xinn Kob
nu nix doo gak lextoo rese xaa Israel!