Jonatán mle gan lo re xaa Filistea
14
Tub mbizh Jonatán, xgann Saúl, nzhé lo xaa nzhano re yiib cheen dil: "Te zee ya rop be stub ta paro nkanap re soldad xaa Filistea". Per nanzhét xaaya lo xuz xaa. 2 Lee Saúl nzo axta pa nzhaal yezh Gabaa xan tub yag garnad kwaan nzo naz Migrón, nu nzo tub xoop gayoo xaa kwaan lee xaa. 3 Nu lee Ahías, xaa ngok ngwleyy mzo kwaan lee xaa. Ahías ngok xgann Ahitob, Ahitob ngok wech Icabod, nu xuz xaa ngok Finees, xaa ngok xgann Elí; Elí ngok xngwleyy cheen Xaa Tubka Nak naz Silo. Lee Ahías ngok ler kwaan nzhak ngwleyy kwaan nak kwenta mandil. Lee re xaa yezh nanet xaa lee Jonatán nzhala. 4 Nu gorna mzhin xaa pa nkanap re soldad, xaa Filistea, Jonatán nkin ded leen chop ke lag tuba le Boses nu stuba le Sene. 5 Lee ke lag Boses nke naz ta ya pa nlu Micmas nu lee stuba nke naz ta yat nlu yezh Gabaa.6 Zee nzhé Jonatán lo xaa nzhano re yiib cheen dil:
—Chaa ya be pa nkanap re soldad Filistea, xaa nanzhot beey cheen be; nu kwaz be lee Xaa Tubka Nak le yud be, nel nik tub kwaan nagan nyent lo lee xaa, nixa zyen doo myet o nazyent xaa.
7 Lee xaa nzhano re yiib cheen dil mken nu nzhé:
—Ble rese kwaan nle lu xgab, lee na nzo nee le yud lu.
8 Zee lee Jonatán nzhé lo xaa:
—Chaa ya be axta pa nzo re xaa zee ne xaa lo be. 9 Chelee xaa né xaa lo be: "Blaz gu zee zhin nu lo gu", zee kwaz be nu nayat be pa nzo re xaa. 10 Per chelee re xaa né lo be: "Guxoob lo nu", zee yixoob be lo xaa nel leeya gak tub nseyn lee Xaa Tubka Nak le zee le be gan.
11 Zee ngwa rop xaa gax. Nu gorna ngune re xaa Filistea lo xaa zee nzhé xaa lo tub xaa nu lo stub xaa:
—Wii gu lo re xaa hebreo, ¡karoo leen yiloo pa mkaxlaan xaa!
12 Zee lee re soldad xaa nkanap nzhé lo Jonatán nu lo xaa nzahno re yiib cheen dil:
—¡Te zee ne lu cho klas na!
Zee lee Jonatán nzhé lo xaa nle yud xaa:
—Te ke tich na, nel lee Xaa Tubka Nak zaa re xaa ba lo re be xaa Israel.
13 Lee Jonatán nii yaa xaa nzo cho blee nguxoob xaa nu noka xaa nzhano re yiib cheen dil mreke tich xaa. Nu gorna nzhin rop xaa lo soldad nu nzhut xaa xaa. 14 Lee lo dil kwaan yilotlaka mbit Jonatán rop xaa nzhano re yiib cheen dil tub gal xaa nu lee kwerp cheen xaa ngoot lo tub lee yizhyo pa nke xaa gon. 15 Rese soldad nzhi pa mbaz xaa nu re soldad xaa nzhi naz tich mzheb doo re xaa. Nu re soldad xaa nkanap nu re xaa nzhut myet mzheb doo re xaa. Nu leeka gorzee mgun tub xog.
16 Lee re xaa Saúl, xaa nkanap, xaa nzhi naz Gabaa cheen Benjamín mwii lee re xaa Filistea mrexonn tub ta nu stub ta. 17 Zee lee Saúl nzhé lo re soldad, xaa nzha kwaan lee xaa:
—Wii gu xana xaa be nyent.
—Gwaxii kaj cheen trat cheen Dios.
Nel lee kaj cheen trat cheen Dios nkanoka re xaa Israel re mbizh zee. 19 Per lee Saúl seetaka kanii lo ngwleyy, lee paro mbaz re xaa Filistea mas nke bi kadil xaa nu kad welt masra nke bi kadil xaa. Zee nzhé Saúl lo ngwleyy:
—Nayaxiit lu kaj cheen trat.
20 Zeera mrezh Saúl re xaa nzo kwaan lee xaa nu mzhin xaa axta paro nzho dil. ¡Zee lee re xaa Filistea kadil kwaan spad nu kayet doo re xaa xaa! 21 Lee re xaa Hebreo, xaa nzha doo liin nzho lo re xaa Filistea xaa ngok soldad cheen re xaa Filistea. Nu gorna mwii xaa cho kwaan kayak, mlaa xaa xaa Filistea nu mzhaal xaa kwaan Saúl nu Jonatán nu re stub naz xaa Israel.. 22 Nu lee re xaa Israel xaa mkaxlaan yi cheen Efraín yilo, gorna ngune xaa lee re xaa Filistea mxonn, zee mreke xaa tich xaa nu mdil xaa kwaan re xaa. 23 Sbaa mle Xaa Tubka Nak yud re xaa Israel mbizh zee nu lee dil mzhin axta Bet-avén.
Mcheroo Saúl
24 Lee re xaa Israel nguzha doo xaa nel nandawt xaa dub zhe, nel lee Saúl mcheroo nzhé lo re xaa: Loka xaa gaw gorna zeeraka zhel yizhyo, gorna zeeraka gut na re xaa nayii ne na, xaa zee nzobde xaa. 25 Zee mzhin re xaa Israel tub yi pa nzeb doo yag nu baa nzho mzhin nyo. 26 Gorna mzeeb re xaa zee ngune xaa lee mzhin nxonn mod nis lo yo, per nel nzheb re xaa lo kwaan mcheroo Saúl, zee nik tub xaa nangut ma. 27 Lee Jonatán nangunet mcheroo xuz xaa gorna nzhé xaaya lo re xaa yezh, zee mcheep xaa bar kwaan nzho yaa xaa leen mzhin nu ngu xaa ma zee ngu jwers xaa. 28 Lee tub xaa Israel nzhé lo xaa:
—Lee xuz lu myaan kwaan re soldad nu nzhé xaa loka xaa gaw tub kwaan nalzhe nzhaal yet xaa, kwaanzee nal nayetra re xaa yezh.
29 Lee Jonatán nzhé:
—Mle nachan xuz na re xaa yezh, lee nal wii gu lo na xomod wen nzhak na ngu na cheep mzhin. 30 Chol ngaw re xaa yezh kwaan, masra le be gan lo re xaa nayii ne be. Zeesi lee re xaa Filistea nget zyenra.
31 Lee mbizh zee lee re xaa Israel mreke tich re xaa Filistea naz Micmas axta Ajalón nu mbit xaa re xaa, per nayetra re xaa nel nguzha doo xaa. 32 Zee lee re xaa mbe kwaan mle pa xaal kwaane lo ley xaa gan lo dil, mzen xaa mbakxiil nu ngoon nu ngoon yeen nu mchoog xaa yenn ma lo yo nu ndaw xaa baal akwaan nzho ren leen.
33 Zee nzhé re xaa lo Saúl:
—Lee re xaa yezh kale jwalt lo Xaa Tubka Nak, kayaw re xaa baal kwaan nzhoka ren leen.
Zee nzhé xaa:
—Tira nanzhont xtizh Xaa Tubka Nak; gwaxii gu tub ke ndok doo. 34 Guzh gu lo re xaa zee kad tub xaa nzhaal yiidno ma kwaan gaw xaa nee zee choog xaa yenn ma nu gaw xaa ma; nu nagawt xaa baal ye kwaan nzhoka ren leen zee nalet xaa jwalt lo Xaa Tubka Nak.
Leeka yaal zee kad tub xaa mbe tub la ngoon nu mchoog xaa yenn ma baa. 35 Zee lee Saúl mdexkwaa tub mdo lo Xaa Tubka Nak, nu mdo ba ngok kwaan yilotlaka mdexkwaa Saúl.
36 Zee lee Saúl nzhé:
—Yaal ne reke be tich re xaa Filistea. Gorna zeeraka yani yizhyo nu kiib be rese xcheen xaa nu gut be rese xaa.
Zee lee re xaa nzhé:
—Le kwaan nzak lu wen.
Per lee ngwleyy nzhé:
—Yilotlaka nii be lo Dios.
37 Zee lee Saúl ngunii lo Dios:
—¿Che zyake nu tich re xaa Filistea? ¿Che zaa lu re xaa lo re be xaa Israel?
—Yiid re xaa non xaa yezh, zee wii xaa cho xaa mle jwalt ne nalzhe. 39 Modxa mban Xaa Tubka Nak, xaa mle yud re be xaa Israel, nixa xgaan na Jonatán mle jwalt, telise nzhaal yet xaa.
—Bzo gu tub ta lee stub lad zo na rop xgaan na Jonatán.
—Le kwaan nzak lu wen —nzhé re xaa lo Saúl.
41 Zee ngunii Saúl nu nzhé xaa:
—Xaa Tubka Nak, Dios cheen re be xaa Israel, ¿chozhiin namkebt lu lo xmos lu?
Lee swert mla tich Jonatán rop Saúl nu lee re stub xaa Israel wen mlake.
42 Zee lee Saúl nzhé:
—Bloo gu swert cheen na nu xgaan na Jonatán.
—Né lo na, ¿cho kwaan mle lu?
Zee lee Jonatán nzhé:
—Wli mle na preb cheep mzhin kwaan yek bar kwaan nzho yaa na; ¿kwaanzee nzhaal yet na?
44 Zee lee Saúl nzhé:
—Dios teed na bid chelee Jonatán nayeta.
45 Per lee re xaa yezh nzhé lo Saúl:
—¿Xomod yet Jonatán kwaan mle xaa gan lo re xaa Filistea kwent cheen Israel? ¡Nagakta sbaa! ¡Modxa mban Xaa Tubka Nak, ke nik tub yich yek xaa nagabt lo yo nel mle xaaya kwaan yud cheen Dios!
Sbaa mle re xaa yezh zee nanguta Jonatán. 46 Zee mlaa Saúl namreketra xaa tich re xaa Filistea nu lee re xaa Filistea nya naz lazh xaa.
47 Gorna ngulo mkayaa Saúl yalnabeyy cheen re xaa Israel, zee mdil xaa kwaan re xaa nayii ne re xaa Israel, xaa nzho gax. Mdil xaa kwaan re xaa Moab, kwaan re xaa Amón, kwaan re xaa Edom nu kwaan re rey yezh Soba nu kwaan re xaa Filistea nu rese pa mded xaa nle xaa gan lo re xaa. 48 Noka mbit xaa re xaa Amalec nu mle xaa yud re xaa Israel lo re xaa mkiib kwaan lo xaa.
49 Lee re xgann Saúl ngok Jonatán, Isúi nu Malquisúa nu lee rop xchaap xaa le snee, me yilo le Merab, lee me win le Mical. 50 Lee xngwnaa Saúl le Ahinoam xchaap Ahimaas. Lee xaa nabeyy lo re xsoldad xaa lee Abner, xgann Ner, xich Saúl. 51 Nel Abiel ngok xuz Cis rop wech xaa Ner; nu Cis ngok xuz Saúl nu Ner ngok xuz Abner.
52 Rese mbizh leezha ngunabeyy Saúl, mdil doo xaa kwaan re xaa Filistea. Nu gorna ne Saúl lo tub xaa ndok, xaa namzhebt ndil, nzhe xaa xaa zee gak xaa xsoldad xaa.