Mdil xaa kwaan re xaa Filistea
13
aGalbchii liin nzho Saúl gorna mzelo xaa ngunabeyy xaa Israel, nu ngunabeyy choobchop liin.2 Zee mleyy xaa lo re xaa Israel chon mil xaa gak soldad nu chop mil xaa nzo kwaan lee xaa naz Micmas gax re yi Bet-el nu nzo tub mil xaa kwaan Jonatán naz Gabaa cheen Benjamín. Lee stub naz soldad mxaal xaa xaa nya xaa garli xaa. 3 Jonatán mdil kwaan re xsoldad xaa kwaan soldad nzhi nkanap yizhyo Filistea. Nu gorna ngune re xaa Filistea kwaane, zee lee Saúl mkwezh kach lo re xaa rese yezh, nu nzhé xaa: "Kenzha re gu xaa hebreo". 4 Nu rese xaa Israel mbin kwaan nzhé xaa: "Lee Saúl mdil kwaan re soldad, Filistea, xaa nkanap roo xkizhyo xaa,nu lee nal nayii rese xaa Filistea ne xaa". Nu zee mzhaal Saúl kwaan re xaa yezh naz Gilgal.
5 Zee mzhaal re xaa Filistea zee dil xaa kwaan re xaa Israel, nu mkano xaa galbchii mil karetb, xoop mil xaa nzeno karet, nu zyen doo soldad, mod re yux kwaan nzhi roo nistoo. Zee nguxoob re xaa mlaz xaa naz Micmas naz ta nlen mbizh naz Bet-avén. 6 Nu gorna ngune re xaa yezh Israel nyent mod le xaa gan lo re soldad xaa Filistea, zee nya re xaa mkaxlaan xaa leen re yeer, leen re ke nu leen re pos kwaan nyent nis leen. 7 Nu rol xaa hebreo mded Yuu Jordán axta yizhyo cheen re xaa Gad nu Galaad. Per Saúl seetaka mlaz xaa naz Gilgal, nu lee re xaa yezh nzhake tich xaa kwaan yalnacheb. 8 Zee mlaz xaa gazh mbizh naz ba, mod nzhé Samuel lo xaa gaka, per zeeraka zhin Samuel naz Gilgal nu lee re soldad mzelo mxonn. 9 Zee nzhé Saúl:
—Nzeno gu ma kwaan ted na nu gon kwaan kwii wen be.
Zee mzek xaa ma kwaan mbe re xaa lo xaa.
10 Nu gorna ngulo mted xaa ma lo mdo, lee Samuel mzhin. Zee lee Saúl mroo mkayaa xaa nu ngunii dix lo xaa. 11 Zee lee Samuel nzhé:
—¿Cho kwaan mle lu?
Zee lee Saúl mkeb nu nzhé:
—Mwii na lee re xsoldad na nrexonn nu lee lu zeeraka zhin mbizh kwaan né lu yiid lu, nu lee re xaa Filistea nzhila naz Micmas. 12 Nu mle na xgab: "Nalsi lee re xaa Filistea nzhi kasaaw na naz Gilgal, nu lee na zeeraka naab na yud lo Xaa Tubka Nak". Kwaanzee nyent cho ted ma zee leeka na mted ma lo mdo.
13 Zee lee Samuel nzhé lo Saúl:
—¡Nzhak nachan lu! Namlet lu kwaan ngunabeyy Xaa Tubka Nak lo lu, xaa nak Xtios be. Chol ngle luya zeesi nglaa xaa ngnabeyy dii cheen lu Israel tubka. 14 Per lee nal nadiit yalnabeyy cheen lu. Lee Xaa Tubka Nak mkwaan tub xaa nyula le re kwaan nyula re kwaan nyakla Dios zee zob xaa nabeyy xaa lo yezh cheen xaa; per lee lu namlet lu kwaan nguné xaa lo lu le lu. 15 Gorzee mya Samuel naz Gilgal naz Gabaa cheen Benjamín. Zee lee Saúl mloo kwent lo re xaa nzhaal kwaan lee xaa nu kan xoop gayoo xaa mlake lo re xaa.
16 Saúl nu xgann xaa Jonatán nu re xaa yezh mlake kwaan lee xaa naz Gabaa cheen Benjamín, nu lee re Filistea nzhi nsaaw naz Micmas. 17 Nu mxaal xaa Filistea chon naz xaa ya dil, tub naz xaa nzha naz Ofra yizhyo cheen Sual, 18 Nu stub naz xaa nzha naz Bet-horón nu stub naz xaa nzha naz yizhyo lach cheen Zeboim, naz yizhyo wen.
19 Nu lo re xaa Israel nyent xaa ndexkwaa yiib, nu nanzeyalt re xaa Filistea dexkwaa re xaa hebreo espad nu kwaan naluch nak yek. 20 Kwaanzee rese xaa Israel nya lo re xaa Filistea gorna nkin koo xaa lo yarad, lo yibgonn, lo yibyag, nu lo syer. 21 Lee paro non ngoo xaa lo yarad nu lo yibgonn nak chop demi platc, nu lee paro non ngoo xaa lo yibyag nu lo syer nak tub demi platd. 22 Sbaa ngok re mbizh zee nik tub re xaa Israel namkanot spad nixa kwaan naluch nak yek kwaan wee xaa yaa xaa lo dil nebse Saúl nu xgann xaa Jonatán mkanoya. 23 Zee lee re xsoldad xaa Filistea mded axta naz ya lo Micmas.