Paro nzhaal yizhyo Canaán
34
Ngunii Xaa Tubka Nak lo Ches nu nzhé xaa:2 —Guzh lo re xaa Israel: Gorna zeeb gu yizhyo Canaán, yizhyo kwaan gak xcheen gu, nee gak paro zhaal gu.
3 &Lee xkizhyo gu naz ta yat zhaal kwaan yizhyo bizh kwaan le Zin nu zhaala axta yizhyo Edom, nu axta Nistoo Nguta naz ta nlen mbizh. 4 Kwaane zhaal axta yek Yi Acrabim nu deda naz Zin; nu dedyoya naz ta yat yezh Cades-barnea, nu zhina axta yezh Hasar-adar, zee zhina axta yezh Asmón. 5 Nu naz yezh Asmón zhaala Yuu Chuut Cheen Egipto nu zhina axta Nistoo Mediterráneo.
6 &Lee xkizhyo gu naz ta nyaaz mbizh zhaal kwaan Nistoo Ndok. Kwaane gak pa zhaal xkizhyo gu naz ta nyaaz mbizh.
7 &Lee xkizhyo gu naz ta ya zhaal axta Nistoo Ndok nu zhina axta Yi Hor. 8 Lee naz Yi Hor deda axta zhin gax yezh Hamat, nu zhaala axta yezh Zedad. 9 Zee zhaala axta yezh Zifrón nu zhina axta yezh Hazar-enán. Kwaane nak pa zhaal xkizhyo gu naz ta ya.
10 &Lee xkizhyo gu naz ta nlen mbizh zhaal yezh Hazar-enán nu zhaala axta yezh Sefam. 11 Nu naz yezh Sefam zhaala yezh Ribla, nu naz ta nlen mbizh zhaala yezh Aín. Zee katoya nu zhina zhaala Nistoo Cineretb naz ta nlen mbizh. 12 Zeera katoya zhaala Yuu Jordán nu zhaala Nistoo Ngut.
&Kwaane gak xkizhyo gu nu paro zhaal gu."
13 Zee lee Ches nzhé lo re xaa Israel:
—Yizhyo ne kiiz gu kwaan swert lo tub yee dii yirol zee gaka xcheen xaa, modxa ngunabeyy, Xaa Tubka Nak. 14 Lee dii cheen Ben nu dii cheen Gad, nu rol dii cheen Manasés mkayaala xaa yizhyo kwaan gak xcheen xaa. 15 Chop dii yirol ne mkayaala yizhyo naz pa nlen mbizh roo Yuu Jordán pa nyun Jericó.
16 Ngunii Xaa Tubka Nak lo Ches nu nzhé xaa:
17 —Snee le re xaa kiiz yizhyo: ngwleyy Eleazar nu Josué, xgann Nun. 18 Kwey gu tub xaa non lo kad tub dii zee kiiz xaa yizhyo. 19 Snee le re xaa:
&Caleb, xgann Jefone, xaa nabeyy lo dii cheen Judá.
20 &Semuel, xgann Amiud, xaa nabeyy lo dii cheen Simeón.
21 &Elidad, xgann Quislón, xaa nabeyy lo dii cheen Benjamín.
22 &Buqui, xgann Jogli, xaa nabeyy lo dii cheen Dan.
23 &Haniel, xgann Efod, xaa nabeyy lo dii cheen Manasés, xaa ngok xgann Che. 24 Kemuel, xgann Siftán, xaa nabeyy lo dii cheen Efraín, xaa ngok xgann Che.
25 &Elizafán, xgann Parnac, xaa nabeyy lo dii cheen Zabulón.
26 &Paltiel, xgann Azán, xaa nabeyy lo dii cheen Isacar.
27 &Ahiud, xgann Selomi, xaa nabeyy lo dii cheen Aser.
28 &Pedael, xgann Amiud,xaa nabeyy lo dii cheen Neftalí.
29 Re xaa ne ngunabeyy Xaa Tubka Nak, zee kiiz xaa yizhyo lo re xaa Israel kwaan nak yizhyo Canaán.