Levítico
Yech yon kwaan mkee Ches
Gon kwaan zeek xaa ma lo mdo
1
Mrezh Xaa Tubka Nak Ches, nu ngunii xaa lo xaa leen li xaa, nu nzhé xaa:2 —Gunii lo re xaa Israel, nu guzh lo xaa: Gorna lee tub xaa zaa gon lo na Xaa Tubka Nak, nkin gaka ngoon chib o mbakxiil.
3 &Nu cheleeya gon kwaan zeek xaa ma lo mdo nak ngoon nkin gaka tub ma mach, ma wen, yiidno xaa ma lo na roo li na; Xaa Tubka Nak, zee kayaa na ma. 4 Nu zhiib xaa yaa xaa yek ma, nu snee lee ma gak tub ma kwaan kayaa na zee yex yalnaban cheen xaa . 5 Zee choog xaa yenn ngoon yeen lo na, Xaa Tubka Nak; zeera lee re xgann Aarón, xaa nak ngwleyy, zaa xaa ren cheen ma, nu chuun xaa ren cheen ma dub welt cho mdo, kwaan nzo roo li na. 6 Lee xaa nzhal koo yed cho ma, nu le byog xaa ma. 7 Nu lee re xgann Aarón xaa nak ngwleyy koo ki lo mdo nu kwek xaa yag lo ki. 8 Zee lee re xgann Aarón, xaa nak ngwleyy kwek wen re ma kwaan ngok byog, zee yek ma, nu ze cheen xtrip ma, tich yag kwaan nzhikwaa lo ki, kwaan nzhib naz tich mdo pa nzeek xaa ma. 9 Zeera zet xaa xtrip ma nu nii ma kwaan nis, nu lee ngwleyy zeek dub ma lo mdo nu lee gon kwaan zeek xaa ma lo mdo gak bech kwaan chul doo nzebech zaa xaa lo na Xaa Tubka Nak.
10 &Nu cheleeya gon kwaan zeek xaa ma lo mdo, nak mbakxiil o chib, nzhaal gak ma ma mach, ma wen. 11 Nu nzhaal choog xaa yenn ma naz lad li lo mdo pa zeek xaa ma lo na, Xaa Tubka Nak, nu re ngwleyy xgann Aarón chuun ren cheen ma, dub welt cho mdo. 12 Nu lee xaa kwaan zaa ma lebyog ma, nu lee ngwleyy nzhiib kwaan byog lo yag kwaan nze bal lo mdo, nu tubka zhiib xaa yek ma nu ze cheen xtrip ma. 13 Xaa kwaan zaa gon kwaan zeek xaa ma lo mdo, nkin zet xaa xtrip ma, nu nii ma kwaan nis, nu lee ngwleyy zeek ma lo mdo. Zee gak ma tub gon kwaan zeek xaa ma lo mdo kwaan chul doo nze bech lo na, Xaa Tubka Nak.
14 &Chelee tub xaa zaa gon kwaan zeek xaa ma lo mdo lo na Xaa Tubka Nak , nak myin nkin gak ma tub ngog o tub palom. 15 Zee lee ngwleyy wee ma lo mdo, nu kiib xaa yek ma, nu laa xaa yeka lo mdo; nu lee xren ma chuun xaa cho mdo. 16 Nu koo xaa lazh ma nu xtoob ma, nu ko xaaya naz ta lad li paro ngobi xaa xkade. 17 Nu zee lerol ngwleyy ma chop lee neta paro nzhaal xiil ma, per nayilot le xaa ma chop lee, zee zeek xaa ma lo yag kwaan nzhi lo mdo zee gaka mod tub gon kwaan zeek xaa ma lo mdo kwaan chul doo nzebech zaa xaa lo na, Xaa Tubka Nak.