Yech dap kwaan mkee Ches
Numeros
Toop xaa le re dii cheen xaa Israel
1
Ngunii Xaa Tubka Nak lo Ches naz wen yizhyo bizh Sinaí, roo li na paro nzhaal xaa kwaan lee xaa, mbizh yilotlaka xche mbee chop, liin rop leezha ngulo mroo re xaa Israel Egipto. Nu nzhé xaa:2 —Toop gu le re xaabyi sawlazh gu, xaa yezh Israel, gwa gu lo re dii cheen xaa nu kee gu le tubga xaa tubga xaa rese xaabyi. 3 Lu nu Aarón kee le re xaa nzho tub gal liin naz delant, xaa nzho mod ya lo dil nu ble gu xaa tub nazga. 4 Nu zo tubga xaa lo re dii cheen gu, tub xaa non lo re xaa dii cheen xaa:
5 &Snee le re xaa yud xaa xaa:
xaa nabeyy lo dii cheen Ben nak Elisur, xgann Sedeur;
6 &xaa le yud xaa lo dii cheen Simeón nak Selumiel, xgann Zurisadai;
7 &xaa le yud xaa lo dii cheen Judá nak Naasón, xgann Aminadab;
8 &xaa le yud xaa lo dii cheen Isacar nak Natanael, xgann Zuar;
9 &xaa le yud xaa lo dii cheen Zabulón nak Eliab, xgann Helón;
10 &xaa le yud xaa lo re dii cheen xgann Che nak chop xaa. Xaa le yud xaa lo re dii cheen Efraín nak Elisama, xgann Amiud, nu xaa le yud xaa lo dii cheen Manasés nak Gamaliel, xgann Pedasur;
11 &xaa le yud xaa lo dii cheen Benjamín nak Abidán, xgann Gedeoni;
12 &xaa le yud xaa lo dii cheen Dan nak Ahiezer, xgann Amisadai;
13 &xaa le yud xaa lo dii cheen Aser nak Pagiel xgann Ocrán;
14 &xaa le yud xaa lo dii cheen Gad nak Eliasaf, xgann Deuel;
15 &xaa le yud lo dii cheen Neftalí nak Ahira xgann Enán."
16 Xaa ne nak xaa mleyy re xaa yezh, xaa nabeyy lo re xaa, lo re dii nu lo zyen doo xaa Israel.
17 Ches rop Aarón mzen re xaa kwaan mleyy xaa, 18 mbizh yilotlaka xche mbee rop. Nu mri re xaa rese xaa yezh, zee mkee xaa le tubga xaa tubga re xaa li xaa snee mod mkee le re xaabyi xaa nzho masra tub gal liin, 19 mod ngunabeyy Xaa Tubka Nak lo Ches. Snee mtoop Ches le re xaa nak naz wen yizhyo bizh cheen Sinaí.
20 Xaa lo dii cheen Ben, xaa yilotlaka lo Israel, mke xaa le re sawlizh xaa loka lak nak re xaa li xaa, tubga xaa tubga xaa xaabyi xaa nzho mas tub gal liin, xaa nzho mod ya lo dil. 21 Xaa lo dii cheen Ben nak tub choobxop mil kwaan gaay gayoo xaa.
22 Xaa lo dii cheen Simeón, mke le re xaa li xaa. Tubga xaa tubga xaa mke le, xaa xaabyi xaa nzho mas tub gal liin xaa nzho mod ya lo dil. 23 Xaa lo dii cheen Simeón nak choobchiibyee mil kwaan chon gayoo xaa.
24 Xaa lo dii cheen Gad, mke le re xaa li xaa. Tubga xaa tubga xaa mke le, xaa nzho mas tub gal liin xaa nzho mod ya lo dil. 25 Xaa nak lo dii cheen Gad nak choobgaay mil nzho xoop gayoo garol xaa.
26 Xaa lo dii cheen Judá, mke le re xaa li xaa, tubga xaa tubga xaa mkee le, xaa nzho mas tub gal liin xaa nzho mod ya lo dil. 27 Xaa lo dii cheen Judá nak nchon gal nzho chida mil nzho xoop gayoo xaa.
28 Xaa lo dii cheen Isacar, mkee le re xaa li xaa tubga xaa tubga xaa mkee le, xaa nzho mas tub gal liin xaa nzho mod ya lo dil. 29 Xaa lo dii cheen Isacar nak choobchiibtap mil kwaan tap gayoo xaa.
30 Xaa lo dii cheen Zabulón, mke le re xaa li xaa. Tubga xaa tubga xaa mke le, xaa nzho mas tub gal liin xaa nzho mod ya lo dil. 31 Xaa lo dii cheen Zabulón nak choobchiibgazh mil kwaan tap gayoo xaa.
32 Xaa lo dii cheen Che: Xaa lo dii cheen Efraín xaa mke le re xaa li xaa nu le re xaa li xuz xaa. Tubga xaa tubga xaa mke le xaa nzho mas tub gal liin xaa nzho mod ya lo dil. 33 Xaa lo dii cheen Efraín nak choo mil kwaan gaay gayoo xaa.
34 Xaa lo dii cheen Manasés mke le re xaa li xaa . Tubga xaa tubga xaa mke le xaa nzho mas tub gal liin xaa nzho mod ya lo dil. 35 Xaa lo dii cheen Manasés nak galbchiibchop mil kwaan chop gayoo xaa.
36 Xaa lo dii cheen Benjamín mkee le re xaa li xaa. Tubga xaa tubga xaa mke le xaa nzho mas tub gal liin xaa nzho mod ya lo dil. 37 Xaa lo dii cheen Benjamín nak galbchiibgaay mil kwaan tap gayoo xaa.
38 Xaa lo dii cheen Dan mkee le re xaa li xaa. Tubga xaa tubga xaa mke le xaa nzho mas tub gal liin xaa nzho mod ya lo dil. 39 Xaa lo dii cheen Dan nak chongal nzho chop mil kwaan gazh gayoo xaa.
40 Xaa lo dii cheen Aser mke le re xaa li xaa. Tubga xaa tubga mke le xaa nzho mas tub gal liin xaa nzho mod ya lo dil. 41 Xaa lo dii cheen Aser nak choobtub mil kwaan gaay gayoo xaa.
42 Xaa lo dii cheen Neftalí mke le re xaa li xaa. Tubga xaa tubga xaa nzho mas tub gal liin xaa nzho mod ya lo dil. 43 Xaa lo dii cheen Neftalí nak choobchiibchon mil kwaan tap gayoo xaa.
44 Tub lanee nak xaa mtoop Ches rop Aarón le, nu chiibchop xaa nabeyy lo re xtii be, xaa Israel, mle yud xaa. 45 Kwaanzee rese be, xaa Israel, xaa nzho mas tub gal liin, xaa mkee le, xaa nzho mod ya lo dil, 46 nak xaa xoop gayoo chon mil kwaan gaay gayoo garol xaa.
Mleyy xaa re xaa Leví
49 —Lee re xaa dii cheen Leví nakeet lu le xaa lo re gu, xaa Israel 50 lee xaa gak xaa wii kanap li na, pa nzho trat, nu re kwaan nle xchiin xaa leena, nu rese kwaan nzho leena. Wee xaa li na, Xaa Tubka Nak, nu rese kwaan nzho leena; nu lee xaa gak xaa ke zhiin lo mdo. Nu kwaz xaa dubse welt cho li na, Xaa Tubka Nak. 51 Gorna wee xaa li na, Xaa Tubka Nak, re dii cheen Leví chila; gorna yilo zoli xaaya leeka re xaa gak xaa dexkwaaya. Per xaa kwaan sbaasa zen kwaan len li na, zhaal yet xaa. 52 Nu lee re gu, xaa Israel, kwaz gu paro mbaz re xtii gu kwaan xbander gu, loka lak naz nak re xsoldad gu. 53 Per lee re xaa Leví nzhaal kwaz dubse welt cho li na, Xaa Tubka Nak, zee nalat yalnayii cheen na lo re gu, xaa Israel. Re xaa dii cheen Leví gak xaa kanap li na.
54 Re xaa Israel mle re kwaan mod ngunabeyy Xaa Tubka Nak lo Ches.