Xomod kwi re dii pa mbaz xaa
2
Ngunii Xaa Tubka Nak lo Ches nu lo Aarón nu nzhé xaa:2 —Lee re xaa Israel kwaz dub welt cho li na, paro nkasa re xaa nzhaal xaa kwaan na. Nu kad tub dii kano xbander xaa nu mod kwaan gak beyy xaa nu kwaz xaa dub welt choya.
3 &Naz ta nlen mbizh kwaz re xaa nkano xbander dii cheen Judá nu rop dii kwaan nzha kwaan lee xaa. Lee xaa nabeyy lo dii cheen Judá nak Naasón xgann Aminadab. 4 Lo re soldad cheen xaa nak tub chon gal nzho chida mil kwaan xoop gayoo xaa. 5 Lee stub ta lo Judá kwaz re xaa nak dii cheen Isacar. Lee xaa nabeyy lo re xaa nak Natanael xgann Zuar. 6 Lo re soldad cheen xaa nak tub choobchiibtap mil kwaan tap gayoo xaa. 7 Lee stub ta kwaz re xaa nak dii cheen Zabulón. Lee xaa nabeyy lo re xaa nak Eliab xgann Helón. 8 Lo re soldad cheen xaa nak tub choobchiibgazh mil kwaan tap gayoo xaa. 9 Lee rese xaa mke le, xaa mlaz paro mlaz Judá, nak tub gayoo tapgal xoop mil kwaan tap gayoo xaa; nu re xaa ne roo yilotlaka.
10 &Lee naz ta yat kwaz re xaa nkano xbander xaa nak dii cheen Ben nu rop dii kwaan nzha kwaan lee xaa. Lee xaa nabeyy lo re xaa nak Elisur xgann Sedeur. 11 Lo re soldad cheen xaa nak choobxop mil kwaan gaay gayoo xaa. 12 Lee stub ta lo Ben kwaz re xaa nak dii cheen Simión. Lee xaa nabeyy lo re xaa nak Selumiel xgann Zurisadai. 13 Lo re soldad cheen xaa nak tub choobchiibyee mil kwaan chon gayoo xaa. 14 Lee stub ta kwaz re xaa nak dii cheen Gad. Lee xaa nabeyy lo re xaa nak Eliasaf xgann Reuel. 15 Lo rese soldad nak tub choobgaay mil kwaan xoop gayoo yirol xaa. 16 Lee rese xaa mke le, xaa mlaz pa mlaz Ben, nak tub gayoo choobchiibtub mil kwaan tap gayoo yirol xaa, re xaa ne reke tich re xaa Judá.
17 &Zeera wee dii cheen Leví li na kwaan nak ler nu yoo ler cheen re xaa, kwaan nzob xsaw lo re gu. Nu roo xaa mod nzhi xaa paro mlaz xaa kad tub xaa paro nyalzo xaa nu kwaan xbander xaa.
18 &Lee naz ta nyaaz mbizh kwaz re xaa nkano xbander dii cheen Efraín nu rop dii kwaan nzha kwaan lee xaa. Lee xaa nabeyy lo re xaa nak Elisama xgaan Amiud. 19 Lo re soldad cheen xaa nak tub choo mil kwaan gaay gayoo xaa. 20 Lee stub ta lo Efraín kwaz re xaa nak dii cheen Manasés. Lee xaa nabeyy lo re xaa nak Gamaliel xgann Pedasur. 21 Lo re soldad cheen xaa nak tub galbchiibchop mil kwaan chop gayoo xaa. 22 Lee stub ta kwaz re xaa nak dii cheen Benjamín. Lee xaa nabeyy lo re xaa nak Abidán xgann Gedeoni. 23 Lo re soldad cheen xaa nak tub galbchiibgaay mil kwaan tap gayoo xaa. 24 Lee rese xaa mke le, xaa mlaz paro mlaz Efraín, nak tub gayoo xon mil kwaan tub gayoo xaa, re xaa ne reke tich xaa Leví.
25 &Lee naz ta ya kwaz re xaa nkano xbander dii cheen Dan nu rop dii kwaan nzha kwaan lee xaa. Lee xaa nabeyy lo re xaa nak Ahiezer xgann Amisadai. 26 Lee re soldad cheen xaa nak chon gal nzho chop mil kwaan gazh gayoo xaa. 27 Lee stub ta lo Dan kwaz re xaa nak dii cheen Aser. Lee xaa nabeyy lo re xaa nak Pagiel xgann Ocrán. 28 Lee rese soldad cheen xaa nak tub choobtub mil kwaan gaay gayoo xaa. 29 Lee stub ta kwaz re xaa nak dii cheen Neftalí. Lee xaa nabeyy lo re xaa nak Ahira xgann Enán. 30 Lee re soldad cheen xaa nak tub choobchiibchon mil kwaan tap gayoo xaa. 31 Rese xaa mke le, xaa mlaz paro mlaz Dan, nak tub gayoo choobchiibgazh mil kwaan xoop gayoo xaa, re xaa ne roo gwluzhtlaka kwaan bander cheen xaa."
32 Re xaa ne nak re xsoldad Israel xaa mke le nu re dii cheen xaa. Lo rese xaa nak tub xoop gayoo chon mil kwaan gaay gayoo yirol xaa. 33 Per lee re xaa nak dii cheen Leví namket le lo list cheen re xaa Israel, modxa ngunabeyy Xaa Tubka Nak lo Ches.
34 Rese xaa Israel mle modxa ngunabeyy Xaa Tubka Nak lo Ches. Mlaz rese xaa kwaan xbander xaa, nu mroo re xaa mod nak dii cheen xaa nu mod nak re xaa li xaa.