Naz kwaan mze re xaa Israel
33
Gorna mroo re xaa Israel leezha mroo re xaa yizhyo Egipto, mod soldad. Zee Ches rop Aarón ngunabeyy re xaa. 2 Ches mkee naz kwaan mded re xaa mod ngunabeyy Xaa Tubka Nak lo Ches. Ches mkee pa naz mded re xaa nu pa naz kwaz re xaa.3 Naz Ramesés mroo xaa chiin xche mbee yilotlaka, mbizh rop leezha mzelo yalni cheen Paskwa. Mroo re xaa Israel nel Xaa Tubka Nak, mkanap xaa kwaan yalnabeyy lo re xaa Egipto. 4 Nu lee re xaa Egipto kakaach xgann, mad ngol yilotlaka, mad kwaan mbit Xaa Tubka Naka, nel mle xaa preb re xtios xaa.
5 Nu mroo re xaa Israel naz Ramesés nu mlaz xaa naz Sucot.
6 Mroo xaa naz Sucot nu mlaz xaa naz Etam, paro nzelo yo bizh.
7 Mroo xaa Etam nu ngwa xaa naz Pi-hahirot, kwaan nzhi delant lo Baal-zefón, nu mlaz xaa gax Migdol.
8 Mroo xaa naz Pi-hahirot mded xaa nistoo nu mzhin xaa yo bizhb. Nu mze xaa chon mbizh naz wen cheen Etam nu mlaz xaa Mara.
9 Mroo xaa naz Mara nu mzhin xaa naz Elim, paro nzho tub chiibchop pa nzhib nis nu baa nzeb chon gal nzho chii yag yin. Nu baa mlaz re xaa.
10 Mroo xaa Elim, nu mlaz xaa roo Nistoo Naxne.
11 Mroo xaa roo Nistoo Naxne nu mlaz xaa naz yo bizh cheen Sin.
12 Mroo xaa naz yo bizh cheen Sin nu mlaz xaa Dofca.
13 Mroo xaa naz Dofca nu mlaz xaa Alús.
14 Mroo xaa Alús nu mlaz xaa Refidim, paro nyent nis go re xaa yezh.
15 Mroo xaa Refidim nu mlaz xaa naz yo bizh Sinaí.
16 Mroo xaa naz yo bizh Sinaí nu mlaz xaa Kibrot-hataava.
17 Mroo xaa Kibrot-hataava nu mlaz xaa Hazerot.
18 Mroo xaa Hazerot nu mlaz xaa Ritma.
19 Mroo xaa Ritma nu mlaz xaa Rimón-peres.
20 Mroo xaa Rimón-peres nu mlaz xaa Libna.
21 Mroo xaa Libna nu mlaz xaa Rissa.
22 Mroo xaa Rissa nu mlaz xaa Ceelata.
23 Mroo xaa Ceelata nu mlaz xaa Yi Sefer.
24 Mroo xaa Yi Sefer nu mlaz xaa Harada.
25 Mroo xaa Harada nu mlaz xaa Macelot.
26 Mroo xaa Macelot nu mlaz xaa Tahat.
27 Mroo xaa Tahat nu mlaz xaa Tara.
28 Mroo xaa Tara nu mlaz xaa Mitca.
29 Mroo xaa Mitca nu mlaz xaa Hasmona.
30 Mroo xaa Hasmona nu mlaz xaa Moserot.
31 Mroo xaa Moserot nu mlaz Bene-jaacán.
32 Mroo xaa Bene-jaacán nu mlaz xaa Yi Gidgad.
33 Mroo xaa Yi Gidgad nu mlaz xaa Jotbata.
34 Mroo xaa Jotbata nu mlaz xaa Abrona.
35 Mroo xaa Abrona nu mlaz xaa Ezión-geber
36 Mroo xaa Ezión-geber nu mlaz xaa naz yo bizh Zin, kwaan nak Cades.
37 Mroo xaa Cades nu mlaz Yi Hor, pa nzhaal xaa kwaan xaa yezh Edom. 38 Zee lee ngwleyy Aarón nguxoob Yi Hor modxa nzhé Xaa Tubka Nak, naz ba ngut xaa leezha mzhaal choo liin mroo re xaa Israel Egipto mbizh yilotlaka xche mbee gaay. 39 Aarón nzho tub gayoo galbchon liin leezha ngut xaa yek Yi Hor.
40 Lee rey xaa yezh Canaán le Arad, xaa nzho Neguev, mbin lee re xaa Israel mzhin.
41 Mroo xaa Yi Hor nu mlaz xaa Zalmona.
42 Mroo xaa Zalmona nu mlaz xaa Punón.
43 Mroo xaa Punón nu mlaz xaa Obot.
44 Mroo xaa Obot nu mlaz xaa Ije-abarim, naz paro nzelo yizhyo Moab.
45 Mroo xaa Ije-abarim nu mlaz xaa Dibón-gad.
46 Mroo xaa Dibón-gad nu mlaz xaa Almón-diblataim.
47 Mroo xaa Almón-diblataim nu mlaz xaa Yi Abarim naz Nebo.
48 Mroo xaa Yi Abarim nu mlaz xaa yizhyo Moab, gax Yuu Jordán naz pa nyun Jericó.
49 Nu mlaz xaa yuu Jordán axta Bet-jesimot nu axta Abel-sitim, yizhyo cheen Moab
Xomod kiiz xaa yizhyo Canaán
50 Ngunii Xaa Tubka Nak lo Ches naz yizhyo cheen Moab, gax roo Yuu Jordán nu paro nlu Jericó, nu nzhé xaa:
51 —Gunii lo re xaa Israel nu guzh lo xaa: Gorna yilo ded gu Yuu Jordán nu reep gu yizhyo Canaán, 52 bloo gu re xaa yezh, nu bluux gu re xtios xaa kwaan nak ke nu yiib kwaan mdexkwaa xaa nu luux gu re mdo cheen xaa. 53 Bzen gu yizhyo kwaan mza na lo gu zee yo gu baa. 54 Kiiz gu yizhyo loka lak nak re xaa dii. Lo re dii xaa zyen zaa lu groya, nu lo re dii xaa nazyent zaa lu cheepse lo xaa. Kee gu swert zee ne gu cho yizhyo yalzo kad tub dii. Kiiz gu yizhyo mod nak re dii cheen gu. 55 Per chelee gu nakoot gu re xaa nzho baa nu chelee gu laa gu yo xaa baa, zee kwaan xaa dil kwaan gu, nu gak xaa mod tub xkoch ma kwaan nkeeya garlo gu nu mod tub yich kwaan yaaz laz gu lo yizhyo pa yo gu. 56 Nu le na lo re gu mod mle na xgab le na lo re xaa ba.