Gon kwaan nzaa xaa lo yalni cheen trompet
29
&Mbizh yilo xche mbee gazh, nzhaal zhaal rese xaa tub mbizh nambeyy nu nik tub zhiin nalet xaa. Mbizh zee gak mbizh kwaan kwezh xaa trompet. 2 Nu nzhaal teed xaa lo na Xaa Tubka Nak mod gon kwaan nzek xaa lo mdo, re ma wen ma kwaan gak bech kwaan chul doo nze bech lo na: tub la ngoon yeen, tub mbakxiil ma mach ma gro, nu gazh mbakxiil ma nzho tub liin. 3 Kad tub la ngoon yeen ma zaa xaa zhaal gon cheen yalgon kwaan gak xop kil arin kwaan nuch nseyt nu tubka kwaan mbakxiil, ma mach ma gro, nu zhaala kwaan tap kil arin kwaan nuch nseyt. 4 Nu kad tub mbakxiil, ma yeen, zhaal chop kil arin. 5 Nu nzhaal zaa xaa tub chib mach zee gak nzhul mdo zee zhe xjwalt xaa. 6 Nu nzhaal zaa xaa gon ne tubka kwaan gon kwaan nza xaa xan mbee nu gon kwaan teed xaa yizata mbizh; re gon kwaan nzaa xaa kwaan gon cheen yalgon nu gon cheen xis ub. Re gon ne nak kwaan zeek xaa lo mdo kwaan chul doo nze bech lo na, Xaa Tubka Nak.Gon kwaan nzaa xaa lo yalni mbizh kwaan zhe jwalt
7 &Chii xche mbee gazh nzhaal zhaal rese xaa, nu nik tub zhiin nalet xaa. 8 Nu nzhaal teed xaa ma wen ma kwaan gak bech kwaan chul doo lo na, Xaa Tubka Nak: tub la ngoon yeen, tub mbakxiil ma mach ma gro, nu gazh mbakxiil, ma tub liin. 9 Tub la ngoon yeen ma zaa xaa zhaal gon cheen yalgon kwaan gak xoop kil arin kwaan nuch nseyt nu tubka kwaan mbakxiil, ma mach ma gro, nu zhaala kwaan tap kil arin kwaan nuch nseyt 10 Kad tub mbakxiil yeen, zhaal kwaan chop kil arin. 11 Nu nzhaal zaa xaa tub chib ma zhe re xjwalt xaa zee gak nzhul xaa, tubka kwaan re ma nzek xaa lo mdo yizata mbizh, nu re gon cheen yalgon nu gon cheen xis ub.
Gon kwaan nzaa xaa lo yalni cheen ramad
12 &Nu chiin xche mbee gazh nzhaal zhaal re xaa nu gak nambey xaa nu nik tub zhiin nalet xaa. Nu dubse tub gazh mbizh le xaa yalni lo na, Xaa Tubka Nak. 13 Nzhaal zaa xaa gon nu zeek xaa ma wen, kwaan chul doo nze bech lo na, Xaa Tubka Nak: chinn la ngoon yeen, chop mbakxiil ma mach ma gro nu chida mbakxiil ma tub liin. 14 Nu kad tub la ngoon yeen chaal xaa gon cheen yalgon kwaan gak xoop kil arin kwaan nuch nseyt; nu kad tub mbakxiil, ma mach ma gro, chaal xaa tap kil arin, 15 Nu kad tub mbakxiil, ma yeen, chaal xaa chop kil arin. 16 Nu nzhaal zaa xaa tub chib ma zhe re xjwalt xaa zee gak nzhul xaa, tubka kwaan re ma nzek xaa lo mdo yizata mbizh, nu gon cheen xis ub nu gon cheen yalgon.
17 &Nu lee mbizh rop zaa xaa chiibchop la ngoon yeen, chop mbakxiil ma mach ma gro nu chida mbakxiil ma tub liin ma wen. 18 Tubka kwaan re la ngoon yeen nu rop mbakxiil nu re mbakxiil yeen nzhaal zaa xaa gon cheen yalgon nu gon cheen xis ub modxa nakla diizh le xaaya. 19 Nu nzhaal zaa xaa tub chib ma zhe re xjwalt xaa, tubka kwaan re ma nzek xaa lo mdo yizata mbizh, gon cheen yalgon nu gon cheen xis ub.
20 &Nu lee mbizh yon zaa xaa chiibtub la ngoon yeen, chop mbakxiil ma mach ma gro nu chida mbakxiil ma tub liin ma wen. 21 Tubka kwaan re la ngoon yeen nu rop mbakxiil nu re mbakxiil yeen nzhaal zaa xaa gon cheen yalgon nu gon cheen xis ub modxa nakla diizh le xaaya. 22 Nu nzhaal zaa xaa tub chib ma zhe re xjwalt xaa zee gak nzhul xaa, tubka kwaan re ma kwaan nzek xaa lo mdo yizata mbizh, gon cheen yalgon nu gon cheen xis ub.
23 &Lee mbizh dap zaa xaa xaa chii la ngoon yeen, chop mbakxiil ma mach ma gro nu chida mbakxiil ma tub liin ma wen. 24 Tubka kwaan re la ngoon yeen nu rop mbakxiil nu re mbakxiil yeen nzhaal zaa xaa gon cheen yalgon nu gon cheen xis ub modxa nakla diizh le xaaya. 25 Nu nzhaal zaa xaa tub chib ma zhe re xjwalt xaa zee gak nzhul xaa, tubka kwaan re ma nzek xaa lo mdo yizata mbizh gon cheen yalgon nu gon cheen xis ub.
26 & Lee mbizh gaay zaa xaa ye la ngoon yeen nu chop mbakxiil ma mach ma gro nu chida mbakxiil ma nzho tub liin ma wen, 27 Tubka kwaan re ngoon nu re mbakxiil yeen nzhaal zaa xaa gon cheen yalgon nu gon cheen xis ub. 28 Tubka kwaan re la ngoon yeen nu rop mbakxiil nu re mbakxiil yeen nzhaal zaa xaa gon cheen yalgon nu gon cheen xis ub modxa nakla diizh le xaaya.
29 &Lee mbizh xoop zaa xaa xon la ngoon yeen, chop mbakxiil ma mach ma gro nu chida mbakxiil ma tub liin ma wen. 30 Tubka kwaan re la ngoon yeen nu rop mbakxiil nu re mbakxiil yeen nzhaal zaa xaa gon cheen yalgon nu gon cheen xis ub modxa nakla diizh le xaaya. 31 Nu nzhaal zaa xaa tub chib ma zhe re xjwalt xaa zee gak nzhul xaa, tubka kwaan re ma nzek xaa lo mdo yizata mbizh, gon cheen yalgon nu gon cheen xis ub.
32 &Lee mbizh gazh zaa gazh la ngoon yeen, chop mbakxiil ma mach ma gro nu chida mbakxiil ma tub liin ma wen. 33 Tubka kwaan re la ngoon yeen nu rop mbakxiil nu re mbakxiil yeen nzhaal zaa xaa gon cheen yalgon nu cheen xis ub modxa nakla diizh le xaaya. 34 Nu nzhaal zaa xaa tub chib ma zhe re xjwalt xaa zee gak nzhul xaa, tubka kwaan re ma nzek xaa lo mdo yizata mbizh, gon cheen yalgon nu gon cheen xis ub.
35 &Lee mbizh xon le gu yalni kwaan le non gu na nu nalet gu nik tub zhiin. 36 Nu teed xaa ma wen ma gak bech kwaan chul doo lo na, Xaa Tubka Nak: tub la ngoon yeen, tub mbakxiil ma mach ma gro, nu gazh mbakxiil, ma tub liin. 37 Tubka kwaan tub la ngoon yeen nu mbakxiil ma mach ma gro nu re mbakxiil yeen nu nzhaal zaa xaa gon cheen yalgon nu cheen xis ub modxa nakla diizh le xaaya. 38 Nu nzhaal zaa xaa tub chib ma zhe xjwalt xaa, tubka kwaan re ma zeek xaa lo mdo yizata mbizh, nu gon cheen xis ub.
39 & Rese kwaan myaan xaa zaa xaa nu rese kwaan nzhal lextoo xaa zaa xaa nzhaal listla nkano xaaya zee zaa xaaya lo na, Xaa Tubka Nak, lo re yalni, cheleeya naka ma kwaan zeek xaa lo mdo, nu gon cheen yalgon, gon cheen xis ub nu gon kwaan kwii wen xaa."
40 Zee nzhé Ches re kwaane lo re xaa Israel mod nzhé Xaa Tubka Nak lo xaa.