Re xaa Israel mbill lo dios Baal-peor
25
Re xaa Israel ngu Sitim gorna mzelo re xaa mchaal re ngwnaa, me yezh Moab, 2 nu ngunaab me lo re xaa zee teed xaa ma lo xtios me; nu ndaw re xaa yezh nu mkichxub xaa lo re dios cheen me. 3 Sbaa mzelo re xaa yezh mwii respet xaa lo dios Baal-peor, nu lee yalnayii cheen Xaa Tubka Nak mla lo re xaa Israel. 4 Zee nzhé Xaa Tubka Nak lo Ches:—Btoop re xaa non lo re xaa yezh nu bkenga xaa lo na nu bkenga xaa zhe lo na Xaa Tubka Nak, zee bachi yalnayii cheen na, Xaa Tubka Nak, lo re xaa Israel.
5 Zee ngunabeyy Ches lo re xaa naab kwent yezh Israel:
—Bit gu xaa nak xaa be, xaa kwaan mbill lo dios Baal-peor.
6 Tub xaa Israel nyaadno tub me Madián paro nzo re wech xaa, nu mded xaa lo Ches nu lo re xaa Israel, lee re xaa ne seetaka nzhi nzhonn roo li Xaa Tubka Nak. 7 Gorna ngune Finees, xgann Eleazar, xaa nak xgaan ngwleyy Aarón, nguxso xaa lo re xaa nu mlep xaa xtak xaa, 8 nu mreke xaa tich re xaa Israel, xaa mreep leen yoo ler, nu mted xaa xtak lextoo xaa Israel nu ngwnaa. Zeera mlaz yalyizh kwaan mla lo re xaa Israel. 9 Nu ngut galbtap mil xaa lo yalyizh ne.
10 Zee ngunii Xaa Tubka Nak lo Ches nu nzhé xaa:
11 —Finees xgann Eleazar, xaa nak xgann ngwleyy Aarón, mle zee mbachii yalnayii cheen na lo re xaa Israel, nel mkano xaa yalselos leeka mod kwaan nkano naya; kwaanzee namluuxt na re xaa Israel kwaan yalnayii cheen yalselos cheen na. 12 Guzh lo xaa: "Na yann kwaan lee xaa zee kwii wen na kwaan lee xaa. 13 Kwaane gak kwaan lee xaa nu kwaan re dii cheen xaa, yaan na zee gak xaa ngwleyy tira, nel mkano xaa yalselos cheen na, Xaa Tubka Nak, zee mzhe jwalt cheen re xaa Israel."
14 Xaa ngut tubka kwaan me Madián le Zimri xgann Salu, xaa nabeyy tub re xaa nabeyy lo dii cheen Simeon. 15 Lee ngwnaa me Madián, me ngut, le Cozbi, xchaap Zur, xaa nabeyy tub re xaa nabeyy lo dii cheen Madián.
16 Xaa Tubka Nak ngunii lo Ches nu nzhé xaa: