Bid cheen re jwalt
20
Ngunii Xaa Tubka Nak lo Ches nu nzhé xaa:2 —Guzh lo re xaa Israel:
"Rese xaa Israel o xaa zit, xaa nzho Israel, chelee xaa zaa tub xinn xaa mod gon kwaan zeek xaa lo dios Molok, nzhaal yet xaa; nu lee re xaa yezh gut xaa kwaan ke. 3 Na yii ne xaa zee nu ko na xaa yezh cheen xaa, nel mzaa xaa xinn xaa mod gon kwaan nzek xaa lo dios Molok, nu mle beed xaa leen li na, pa nambey nu mle nanont xaa le na kwaan nambey . 4 Chelee re xaa yezh saaw lo kwaan mle xaa kwaan mzaa xinn lo dios Molok, zee naguta xaa xaa, 5 na yii ne xaa zee nu re xaa li xaa, na ko xaa yezh cheen xaa tubka kwaan re xaa ngwii lo dios Molok, xaa ngok nanalit lo na.
6 &Xaa kwaan nkenzha kwaan nii wezh, nu xaa kwaan mbezh nzhedizh kwaan re xaa ngut nu nzhake xaa tich xaa zee, na ko xaa zee yezh, nel ngok xaa xaa nanalit lo na.
7 &Ble gu gu zee gak nambey gu lo na, nel nambey nak na, Xaa Tubka Nak, xaa nak Xtios gu. 8 Ble gu kwaan nii re ley cheen na, nel na, Xaa Tubka Nak, nle nambey gu.
9 &Loka xaa nge lo xuz o lo xnaa nzhaal yet xaa, nel mde xaa lo xuz xaa nu lo xnaa xaa; zee leeka lee xaa gut xaa lo kwaan mle xaa.
10 &Loka xaabyi xaa chaal xngwnaa wechxinn, xaabyi nu ngwnaa nzhaal yet xaa.
11 &Loka xaa chaal xngwnaa xuz, nle nanont xaa leeka xuz xaa, ngwnaa nu xaabyi ropse xaa nzhaal yet; leeka rop xaa gut xaa lo kwaan mle xaa.
12 &Loka xaa chaal xix, xaabyi nu ngwnaa ropse xaa nzhaal yet; nel naka kwaan tira nanzhaalt le xaa; leeka rop xaa gut xaa lo kwaan nawent kwaan mle xaa.
13 &Cheleeya tub xaabyi chaal leeka saxaabyi xaa modxa nchaal xaa tub ngwnaa, mle xaa kwaan beed nu ropse xaa nzhaal yet, leeka rop xaa gut xaa lo kwaan mle xaa.
14 &Cheleeya nzho tub xaabyi ka tub ngwnaa nu xnaa me, kwaan tira nanzhaalt le xaa. Lee xaa nu rop me yonse xaa zeek xaa, zee nayotra kwaan tira nawent lo re gu.
15 &Chelee tub xaabyi chaal kwaan tub ma, nzhaal yet xaa nu noka lee ma yet.
16 &Chelee tub ngwnaa chaal kwaan tub ma, nzhaal yet me, lo kwaan mle me nu noka lee ma yet.
17 &Chelee tub xaabyi chaal leeka bzan xaa, me nak xchaap xuz xaa o me nak xchaap xnaa xaa, mloo xaa yalnto zee ropse xaa nzhaal yet delant lo re xaa yezh, nel namkanot xaa respet lo bzan xaa zee ded rop xaa bid lo re jwalt cheen xaa.
18 &Chelee tub xaa gaa kwaan tub ngwnaa nu chaal xaa me re mbizh kwaan nded ren lextoo me nu rop xaa me nguneya, kwaanzee ropse xaa koo xaa yezh.
19 &Nachaalt lu xnis lu bzan xuz lu nu bal xnaa lu. Kwaane nii mloo lu yalnto lo sawlizh lu, nu ropse xaa ded bid lo kwent cheen jwalt cheen xaa.
20 &Chelee tub xaa chaal xngwnaa xich xaa koo xaa xkalnto xich xaa, ropse xaa ded bid lo jwalt cheen xaa, nu ropse xaa yet nu nalaat xaa dii.
21 &Chelee tub xaa ka xngwnaa wech xaa nle xaa tub kwaan beed koo xaa xkalnto wech xaa, ropse xaa nalaat dii.
22 &Ble gu kwaan nii ley cheen na nu ble gu kwaan ngunabeyy na gu le gu, zee lee yizhyo nagakt mod tub xaa zere kwaan beed lextoo.
23 Nalet gu kwaan nle re xaa yezh, xaa ko na lo re gu, nel lee re xaa mle rese kwaan beed ne, nu na ngunayii ne na re xaa.
24 Per lee na nii lo re gu: Lee yizhyo cheen re xaa gak cheen re gu, tub yizhyo pa nxonn nizh nu mzhin mod nis,. Leeka na zaya lo re gu zee gaka xcheen gu,
& Na nak Xaa Tubka Nak, xaa nak Xtios gu mloo xa gu lo stub naz re yezh.
25 Per lee re gu nzhaal koo xaa re ma nambey lo re ma beed, nu re mbyin ma nambey, nu re mbyin ma beed, zee nalebeedt gu kwaan re ma ne, nixa kwaan mbyin, nu nixa kwaan ma nze lextoo lo yo, nel mlo xa ma zee nak ma ma beed.
26 Gok nambey re gu lo na nel lee na, Xaa Tubka Nak, nambey nak na, nu mlo xa na re gu lo re yezh zee gak re gu xaa na.
27 &Loka tub re gu, ngwnaa o xaabyi, xaa nak wezh o xaa mbezh nzhedizh kwaan re xaa ngut, nzhaal yet xaa kwaan ke nu leeka lee xaa gut xaa lo kwaan mle xaa.