Nanzhaalt chaal xaa re sawlizh xaa
18
Ngunii Xaa Tubka Nak lo Ches nu nzhé xaa:2 —Guzh lo re xaa Israel: "Na nak Xaa Tubka Nak, xaa nak Xtios gu.
3 &Nareket gu tich re kwaan nle re xaa Egipto paro ngu re gu yilo. Nixa nareket gu tich re kwaan nle re xaa Canaán, yezh paro we na re gu, nixa nayot gu mod nle xaa.
4 &Ble gu kwaan nabeyy na gu le gu nu yo gu mod nii ley cheen na, nel na, Xaa Tubka Nak, xaa nak Xtios gu.
5 &Ble gu kwaan ngunabeyy na gu, loka xaa le kwaan nzhé ley ban xaa, nel na nak Xaa Tubka Nak.
6 &Nik tub xaa nyent mod chaal sawlizh xaa, nel na nak, Xaa Tubka Nak.
7 &Nalet lu tub kwaan nawent lo xuz lu, nachaalt lu xnaa lu, nel lee me nak xnaa lu, nu nanzhaalt le luya.
8 &Nachaalt lu xngwnaa xuz lu, nel naka mod nanlet lu respet xaa.
9 &Nachaalt lu bzan lu, chelee me nak me xchaap xuz lu o xchaap xnaa lu, me ngol leeka yoo pa ngol lu, o ngol me stub pa.
10 &Nachaalt lu xchaap xgann lu, nixa xchaap xchaap lu, nel naka nanlet lu respet leeka lu.
11 &Nachaalt lu xchaap xngwnaa xuz lu, me kwaan nkano xaa, le respet me, nel lee me nak bzan lu.
12 &Nachaalt lu bzan xuz lu, nel nak me sawlizh lu.
13 &Nachaalt lu bal xnaa lu, nel naka me sawlizh lu.
14 &Nachaalt lu ngwnaa xich xuz lu, nel nak me ngwnaa xich lu.
15 &Nachaalt lu xix lu, nalet luya, nel naka mod nanlet lu respet xgann lu.
16 &Nachaalt lu xngwnaa wech lu, nel naka mod nanlet respet lee xaa.
17 &Nazhaalt chaal xaa chop ngwnaa, xnaa me nu xchaap me, nixa xos me, nexa chol xchaap xgann meya, o chol xchaap xchaap meya, nel naka sawlizh doo me, nu naka tub kwaan tira nawent.
18 &Nakat lu bal xngwnaa lu, nu nixa nachaalt lu me chelee xngwnaa lu mbanaka, zee nadilt rop me.
19 &Nachaalt lu ngwnaa gorna nded ren lextoo me.
20 &Nayaant lu chaal lu xngwnaa wechxinn lu, zee nagakt beed lu, kwent cheen lee me.
21 &Nazaat lu xinn lu mod gon kwaan zeek xaa lo dios Molok, zee na le nanont lu le na, xaa nak Xtios lu; nel na nak Xaa Tubka Nak.
22 &Nachaalt lu tub xaabyi mod nchaal xaa tub ngwnaa; nel naka tub kwaan tira nanzhaalt le xaa.
23 &Nalet lu xgab chaal lu kwaan nik tub ma, zee gak beed lu kwent cheen ma, nixa nik tub ngwnaa nanzhaalt ma nel naka tub nanzhaalt le xaa.
24 &Nalebeedt gu gu kwaan re kwaane, nel kwaan re kwaane ngok beed re xaa yezh, kwaanzee ko na xaa lo re gu, 25 nu kwaanzee noka yizhyo cheen xaa ngok beed. Kwaanzee mted na re xaa bid lo re kwaan nawent kwaan mle xaa, zee lee yizhyo ngok mod tub xaa mzere re kwaan beed lextoo. 26 Per lee re gu, blozhaw gu kwaan nii ley cheen na, nu ble gu kwaan mnabeey na le gu, nexa chol re xaa ngol lo guya o chol re xaa zit, xaa kwaan nzho lo re gu, nyent mod le xaa re kwaan beed ne; 27 nel sbaa ngok beed re xaa yizhyo, xaa ngu lo yizhyo yilo lo re gu nu lee yizhyo ngok beed. 28 Chelee re gu le beed yizhyo, leeya gak mod tub xaa zere lextoo modxa mleya kwaan rese yezh kwaan ngu yilo lo re gu. 29 Loka xaa le tub re kwaan beed ne, koo xaa xaa yezh. 30 Le re gu kwaan mla na le gu nu kanap gu gu, zee nareket gu tich kwaan mle re xaa yilo, xaa kwaan ngu yilo lo re gu, nalebeedt gu gu kwent cheen re kwaan beed. Na, Xaa Tubka Nak, xaa nak Xtios gu.