Nazhaalt gaw xaa ren
17
Ngunii Xaa Tubka Nak lo Ches nu nzhé xaa:2 —Guzh lo Aarón, nu lo re xgann xaa nu lo re xaa Israel: Kwaane ngunabeyy Xaa Tubka Nak:
3 &Gorna lee tub xaa Israel, xaa teed tub la ngoon yeen, tub mbakxiil yeen o tub chib, naz leen o naz jwer paro mbaz re xaa, 4 nu naweet xaa ma roo li na, Xaa Tubka Nak, zee gak ma tub gon kwaan zaa xaa lo na, tich xaa nzhob jwalt cheen xren ma, zee nzhaal koo xaa xaa yezh. 5 Kwaanzee, re xaa Israel wee xaa ma kwaan nzhut xaa sbaasa ma gaw xaa, we xaa ma lo ngwleyy, nu lee ngwleyy weeya ma roo li na , zee zaa xaaya lo Xaa Tubka Nak, nu zee gut xaa ma zee kwii wen xaa kwaan na. 6 Zee lee ngwleyy chuun ren cho mdo kwaan nzo roo li na, Xaa Tubka Nak, nu zeek xaa xze ma mod bech kwaan chul doo nzebech lo na. 7 Nu nik stub welt nateedt gu ma lo re maj kwaan nzhak kwenta chib kwaan nzholl gu lo, kwaan nle zee nanalit nzo gu lo na.
8 &Gorna lee tub re xaa Israel o xaa zit, xaa nzho lo re gu, wee tub ma teed xaa, 9 nu chelee xaa naweet xaaya roo li na, Xaa Tubka Nak, koo xaa xaa yezh.
10 &Loka xaa gaw ren cheen re ma lo re xaa Israel o re xaa zit xaa kwaan nzho lo re gu, na wii nawent lo xaa nu ko na xaa yezh, 11 nel lee yalnaban cheen ma nak ren. Nel na mzaaya lo gu zee chuun guya lo mdo, zee kix xaa yalnaban cheen gu, nel kwaan ren zheya.
12 &Kwaanzee, nzhé na lo re xaa Israel, nik tub gu nu nixa re xaa zit, xaa kwaan nzho lo re gu, nyent mod gaw ren. 13 Loka tub re xaa Israel o re xaa zit, xaa nzho lo re gu, yayut tub ma o tub mbyin, ma gaw xaa, xo xaa xren ma nu sebyo xaaya. 14 Nel lee yalnaban cheen ma nak ren. Kwaanzee nzhé na lo re xaa Israel: "Nagawt gu ren cheen nik tub ma, nel leeya nak yalnaban cheen ma. Loka xaa kwaan gawa koo xaa xaa yezh."