Xomod gak nambey ngwnaa me nzan mad
12
Ngunii Xaa Tubka Nak lo Ches nu nzhé xaa:2 "Guzh lo re xaa Israel kwaane: Gorna lee tub ngwnaa weey xinn nu zan me tub madbyi, dubse tub gazh mbizh zo beed me, modxa nzo beed me leezha nded ren lextoo me. 3 Nu lee mbizh gazh ko xaa mad beey cheen re xaa Israel. 4 Per lee me seetaka kwaz me, axta yilo yixoob galbchiibchon mbizh zee gak nambey me lo ren. Nu nixa nyent mod zen me nik tub kwaan nambey nu nixa nyent mod ya me roo li na, pa nambey, axta yilo gak nambey me. 5 Per chelee me zan tub madnaa, gak beed me chop sman, modxa leezha nded ren lextoo me, nu zo beed me stub chongal nzho xoop mbizh zee gak nambey me lo ren.
6 &Gorna yilo zhin mbizh kwaan gak nambey me, nexa chol xaabyiya o madnaaya, zee wee me tub mbakxiil yeen, ma nzho tub liin zee yek ma lo mdo, nu wee me tub palom o tub ngog lo ngwleyy mod gon kwaan zaa me zee gak nambey me, lo Xaa Tubka Nak. 7 Zee lee ngwleyy teed ma lo na, Xaa Tubka Nak, Nu zee gak nzhul me lo ren." Kwaane nak ley cheen ngwnaa me nzan mad nexa chol xaabyiya xa me o chol madnaaya.
8 Chelee me nankanot me kwaan zi me tub mbakxiil yeen, zee nzho mod zaa me chop ngog o chop palom, tub ma gak gon kwaan zeek xaa lo mdo, lee stub ma zaa me zee gak nzhul me; zee lee ngwleyy teed ma kwent cheen me zee gak nzhul me.