5
&Cheleeya nzho tub xaa mrezh xaa zaa kwent kwaan ngune xaa o kwaan mbin xaa, nu nayét xaa kwaan ngune xaa tich xaa nzhob jwalt.2 &Cheleeya nzho tub xaa gal cho tub kwaan beed, mod cho ma ngut, ma beed, nixa ma wen o ma nxeen xaa, o ma chut, ma beed, nixa nanet xaaya, noka lee xaa gak xaa beed nu nzhob re jwalt tich xaa.
3 &Cheleeya nzho tub xaa gal cho tub re kwaan nanzhult kwaan lo myet, nzho mod le beeda xaa, nixa nanet xaaya, nu gwluzh zeera ne xaaya jwalt mle xaa.
4 &Cheleeya nzho tub xaa cheroo sbaasa le xaa tub kwaan wen o le xaa tub kwaan nawent, rese xaa kwaan nyen ncheroo, nanlet xaa xgab chozhiin ncheroo xaa, nu cheleeya gwluzh ne xaaya, noka lee xaa gak xaa mle jwalt.
5 &Cheleeya mle xaa tub re kwaane, nkin yé xaa le cho kwaan mle xaa, 6 zee wee xaa lo na, Xaa Tubka Nak, tub mbakxiil o tub chib ma gol, zee kwi wen xaa zee lee ngwleyy teed ma, zee zhe re xjwalt xaa nu gak nzhul xaa zee kix ngwleyy kwen cheen jwalt cheen xaa.
7 &Cheleeya nankanot xaa kwaan zi xaa tub mbakxiil yeen, ma za xaa lo na, Xaa Tubka Nak, zee wee xaa chop ngog o chop palom kwent cheen jwalt kwaan mle xaa; tub ma teed xaa zee gak zhe re jwalt cheen xaa nu gak nzhul xaa nu stub ma nebse ma zeek xaa lo mdo. 8 Nu lee xaa nzhaal wee ma lo ngwleyy zee teed xaa ma, yilotlaka teed xaa ma nak kwent cheen jwalt zee gak nzhul xaa, kich xaa yenn ma per nayilot kich xaaya tira. 9 Zeera chuun xaa cheep xren ma xkwes mdo nu lee kwaan lake xo xaa xan mdo, kwaane nak gon kwaan teed xaa zee zhe re xjwalt xaa zee gak nzhul xaa. 10 Nu lee stub ma teed xaa nebse lo mdo. Nel sbaa nak mod nii ley. Nu zee kix ngwleyy kwaan mlee zee zhe re jwalt cheen.
11 &Cheleeya nankanot xaa kwaan zi xaa chop ngog o chop palom, zee lee xaa kwaan mle jwalt zaa chop kil arin kwaan wen kwent cheen kwaan nawent kwaan mle xaa. Nu nakot xaa anseyt leena, nixa nazhibt xaa yaal ticha nel leeya nak gon kwaan zhe re jwalt cheen xaa nu gak nzhul xaa lo . 12 Zee wee xaaya lo ngwleyy nu lee ngwleyy zen tub lozhyaa, kwaane nak mod kwaan selazh xaaya, nu zeek xaaya tich re gon kwaan nzek xaa lo na, Xaa Tubka Nak. Kwaane nak gon kwaan zaa xaa zee zhe re jwalt chen nu gak nzhul xaa. 13 Nu zee kix ngwleyy kwaan mle xaa zee zhe re jwalt cheen xaa. Nu lee nzhobxtil kwaan lake gak cheen ngwleyy mod re gon cheen yalgon.
Gon kwaan teed xaa gorna nlewann xaa
14 Xaa Tubka Nak ngunii lo Ches nu nzhé xaa:
15 "Cheleeya nzho tub xaa le beed kwaan mloo xa na Xaa Tubka nu namzent xaa mle xaaya, nzhaal zaa xaa tub gon kwaan zere xaa gorna nle wann xaa, lo na, Xaa Tubka Nak, tub mbakxiil ma wen, ma non tub lal demi kwaan nchiix xaa leen li na. 16 Xaa kwaane nzhaal zere xaa kwaan mle beed xaa masra tub part lo gaay part kwaan mlewann xaa; nu zaa xaaya lo ngwleyy. Nu zee kix ngwleyy yalnaban cheen xaa kwaan mbakxiil ma nak gon kwaan zera gorna nle wann xaa zee re jwalt cheen xaa.
17 &Cheleeya nzho tub xaa le tub jwalt, nu le kwaan nazhet ley cheen na, Xaa Tubka Nak, nixa namzeent xaa mle xaaya, per nzen xaa le mle jwalt, nu tich xaa nzhoba. 18 Kwaanzee nkin wee xaa tub mbakxiil mach ma wen, zee zaa xaa ma lo ngwleyy. Nu lee ngwleyy nzhaal wii lo ma ne che non ma, zee gak ma gon kwaan zere xaa nle wann xaa. Zee kix ngwleyy jwalt kwaan nanzent xaa mle zee zhe jwalt cheen xaa. 19 Leeya nak kwaan teed kwent cheen kwaan mlewann xaa nel nawent mle xaa lo na, Xaa Tubka Nak.